Yog thawj zaug uas artificial intelligence (AI) tau sau ntawv, tsim tej yeeb yaj kiab (videos) thiab kaw lus/xov xwm ua suab raug coj los siv nrhiav suab sib tw xaiv nom.
Ntawm teb chaws India ces yeej tau muaj tej duab cuav ntawm tej neeg ua yeeb yam Bollywood txhawb nqa ib co pab nom twg hauv tej neeg xaiv nom tej social media feeds.
Ramposh Raina uas yog ib tug ntawm lub koom haum Deepfakes Analysis Unit (DAU) tau hais tias: "Tej lus los kuj raug muab kho, thiab muaj tej thaum ces yeej hloov tej uas lawv tau xub hais ntawm ib daim video twg kom zoo li lawv tau tab tom txhawb nqa ib pab nws twg tsi ntsees txawm qhov tseeb tiag tsis yog li hais ntawd.''
Hos yog tham txog teb chaws Meskas lawm, ces yeej tau musj neeg siv AI los tsim Kamala Harris hnav ib ces khaub ncaws nom tswv tam li yog ib tug neeg ntawm teb chaws Soviet uas yeej muaj neeg coj mus sib faib coob heev, hais tsi ntsees rau coj mus sib faib ntawm cov neeg xaiv nom Latino.
Ana Marìa Carrano uas yog tus Managing Editor ntawm lub koom haum Factchequeado tau hais tias: "Yog tham txog tej neeg zejzog Hispanic (cov neeg los yog cov teb chaws hais lus Spanish), thiab coob leej ntau tus ntawm cov teb chaws Latin America uas muaj cov kev sib raug zoo sib txawv nrog tej nom tswv coj nruj tsiv ntau yam sib txawv. Ces thiaj muaj ntau cov experience sib txawv thiab muaj ntau cov kev tsis lees ntau yam sib txawv txog cov kev sib cuam tshuam ntawd.''
Nyob rau toom xovxwm kaw ua suab no, SBS Examines thiaj tau mus txheeb teb chaws India thiab Meskas seb cov AI generated disinformation no ho muaj feem cuam tshuam nrog lawv cov kev xaiv tsa li cas.
