Muaj neeg Australia ze txog li 4 roob tus los yog ib tug ntawm 5 tug twg raug ntsuam xyuas tau tias ntsib teeb meem nyuaj siab ntxhov plawv los yog mob hlwb rau ib lub xyoos twg. Thiab cov neeg zejzog tsiv teb tsaws chaws tuaj nyob rau tebchaws Australia yog cov ntsib cov teeb meem no ntau dua. Tab sis yog tim dab tsi tiag thiaj ua rau lawv tsis tshua xav mus siv cov kev pab cuam no?
"Raws li Hayfa Kaassamani, uas yog ib tug neeg ua hauj lwm nrog cov neeg coj ntseeg ntau hom kev cai dab qhuas thiab hais ntau hom lus ntawm lub koom haum Beyond Blue tau hais ces yog tej neeg no txhawj xeeb tsam thaum lawv mus thov kev pab cuam lawm ces tej neeg tau hnov thiab paub yus tej teeb meem no yuav coj mus qhia rau lwm tus paub yog ib qhov teeb meem tseem ceeb. Thiab raws li Dr. Stephen Carbone, uas yog tus coj teeb txheeb thiab paub zoo txog lub koom haum Beyond Blue tej cai, cov kev tshuaj ntsuam xyuas thiab cov kev teeb txheeb txog tej teeb meem no tau hais, yeeb vim yog tseem muaj lwm tus liam los yog ntaus nqe yuam kev tsis zoo rau tej neeg muaj teeb meem nyuaj siab ntxhov plawv no. Tab sis Dr. Carbone xav qhia meej tseeb rau zej tsoom paub tias cov kws kho mob tsis ntaus nqe dab tsi rau lawv tsuas yog xav sab laj, thiab nrhiav hauv kev pab kom kho tau tej neeg no rov qab zoo tuaj xwb. Thiaj tsis xav kom lawv ntshai los yog txaj muag mus siv cov kev pab cuam daws kev nyuaj siab ntxhov plawv. Tsis tas li no los Australia yeej muaj cai los tswj tsis pub cov kws kho mob, thiab tej neeg txhais lus mus tham tej teeb meem no qhia rau lwm tus li."
Dua ntawm tej lus hais dhau los ntawd lawm, Dr. Carbone los yeej xav kom cov neeg muaj teeb meem nyuaj siab ntxhov plawv no yuav tau kub siab los xyuas kom lawv tau pw tsaug zog txaus, noj zaub mov zoo muaj txiaj ntsim pab lawv lub cev, mus qoj ib ce kom tau txais kev noj qab haus huv thiab noj qab nyob zoo, ntxiv ntawd ces yuav tau mus nrhiav kev pab cuam daws teeb meem nyuaj siab ntxhov plawv pab thiab.
Yog tias koj muaj teeb meem nyuaj siab ntxhov plawv thiab xav nrhiav kev pab cuam ces hu rau lub koom haum Beyond Blue tus zauv xov tooj 1300 22 4636 los yog hu rau lub koom haum Lifeline tus zauv xov tooj 13 11 14 los sis txheeb xyuas 2 lub vam sab no tau ntawm los yog . Thiab yog tias koj ho xav tau neeg txais lus ua koj hom lus thiab ces hu xov tooj rau lub koom haum Trandlating and Interpreting Services (TIS) tus zauv xov tooj 131 450 tau.
