Yog tias koj tsev neeg thiab tej phooj ywg tseem nyob txawv teb chaws thiab ces tej zaum koj yeej yuav xa nyiaj mus rau lawv rau ib lub caij twg xwb. Cov nyiaj koj xa ntawd yog coj mus pab lawv txoj kev ua lub neej txhua hnub, los yog pab coj lawv mus nrog koj ncig ua ke thaum mua xyuas lawv los sis siv coj mus them lawv tej nuj nqes.
Tab sis vim peb muaj internet siv ces cov kev xa nyiaj rau lwm tus thiaj yooj yim zog lawm, tab sis yeej tseem muaj ntau yam tseem ceeb tsim nyog peb paub kom tsis txhob tau them tej nqe xa kim los yog txhob raug lwm tus dab yus poob nyiaj li hauv qab no.
Siv lub txhab nyiaj koj siv xa nyiaj (Transferring money through your bank):
Kev siv lub txhab nyiaj ua yus niaj hnub siv yog ib txoj xub ke yooj yim tshaj plaws thiab tau txais kev nyab xeeb tshaj plaws yog koj xav xa nyiaj mus txawv teb chaws, tab sis yuav tau them nqe xa kom heev. Australia tej txhab nyiaj txhua lub yeej tsub nqe xa sib txawv rau cov neeg xa nyiaj them thaum lawv siv ib lub txhab nyiag twg xa nyiaj rau ib tug neeg txawv teb chaws uas pib txij li ntawm $10 mus txog rau $32 rau cov kev xa nyiaj ib zaug twg.
Siv cov tuam txhab lag luam xa nyiaj (Using money transfer companies):
Thaum koj xav nyiaj txog li $1000 rau koj tsev neeg thiab tej phooj ywg nyob ntuj qub qab, ces yog xa nrog ces tsuas tau them nqe xa pheej yig tshaj plaws vim lawv tsuas kom koj them txij li $1 mus txog $15 xwb yog koj xa tsawg tsawg xwb.
Yog li yuav tsum tau npaj ua ntej, vim koj yuav tsum tau qhib ib phau account thiab lawv yuav txheeb xyuas ntau hnub mam li pom zoo pub koj siv tau phau account ntawd xa tau nyiaj.
Tseem muaj ib txhia tuam txhab lagluam xav nyiaj tso cai rau koj siv nyiaj ntsuab thiab siv Electronic Funds Transfer at Point Of Sale (EFPTOS) thiab tab sis koj yuav tau them cov nqe siv cov services no ib nyuag kom zoo koj xa hauv online.
Siv cov International Money Order:
Koj muaj peev xwm hais kom koj lub txhab nyiaj sau ib daim International Money Order rau koj ces koj mam li muab xa rau koj tsev neeg cov bank account los tau, tab sis yuav siv sij hawm me ntsi thiab qeeb dua lwm txoj xub ke xub hais los saum toj no.
Txheeb xyuas seb pauv puas tau nyiaj ntau (Check the exchange rate):
Yog tias koj tsis maj xa ces koj muaj peev xwm tos lub caij nyiaj nce los yog pauv tau ntau lawm los yog ho mus siv cov tuam txhab pauv nyiaj uas muab nyiaj ntau dua rau koj tso mam li xa rau koj cov neeg txawv teb chaws los tau.
Warren Day, uas yog tus coj lub koom haum Regional Commissioner for Victoria for the Australian Securities and Investments Commission tau hais tias:
“Yeej muaj ntau txoj xub ke rau koj muaj peev xwm mus txheeb xyuas kom pauv tau nyiaj ntau tshaj plaws raws li qhov tsim nyog. Qhov no txhais tau tias yog koj pauv tau ntau npaum li cas ces tus neeg koj xa cov nyiaj rau yuav tau nyiaj ntau npaum li ntawd xwb.”
Mus teeb txheeb ntxiv (Do your research):
Thaum koj xaiv ib lub tuam txhab xa nyiaj twg lawm, lub tuam txhab ntawd yuav tsum yog lub neeg tso siab thiab ntseeg siab rau. Koj muaj peev xwm txheeb xyuas tau cov tuam txhab xa nyiaj tej vam sab ntau lub xws li , thiab to los txheeb xyuas seb lub tuam txhab nyiaj koj yuav siv xa nyiaj ntawd puas yog ib lub tuam txhab uas tso siab tau rau.
Khaws tej xov xwm thiab ntaub ntawv txhua yam cia txog rau thaum koj tus neeg tau txais cov nyiaj koj xa rau tso (Keep all the information until the transfer is received):
Tom qab koj xa nyiaj tag, tsis hais xa ntawm koj lub txhab nyiaj los yog lub tuam txhab xa nyiaj twg, yuav tsum tau ua tib zoo khaws tej ntaub ntawv thiab xov xwm xa nyiaj no cia rau tej qho chaw zoo; tsis hais tus number xa nyiaj (transfer number), seb xa npaum li cas, xa sij hawm twg xa rau leej twg nyob qhov twg teb chaws twg, ntau ntau yam xov xwm cuam tshuam txog koj cov kev xa nyiaj no.
Yog tias cov nyiaj koj xav rau tus neeg ntawd mus tsis txog lawv los yog tsis tau txais, ces yuav tsum tau ncaj qha mus nug kiag lub tuam txhab los yog lub txhab nyiaj uas koj xa nyiaj ntawd ces tej xov xwm koj khaws cia ntawd thiaj yuav pab kom lawv pab tau koj.
Tab sis yog tias tej chaw xa nyiaj ntawd tsis kub siab pab koj thiab koj tsis txaus siab rau lawv cov kev pab cuam ces koj yeej muaj peev xwm coj cov teeb meem no mus yws losyog mus qhia tau rau lub koom haum thiab.#
Listen to SBS Radio Hmong program at on Thursday 6pm AEST (Australian Eastern Standard Time) and Sunday 11am AEST.
You can download SBS Radio App from and from or you can download news in Hmong and English, and also listen to Hmong podcasts at .
Besides, you can follow us, click like, share and comments at #SBSHmong website at .
Call to have a chat with SBS Radio Hmong Program on + 61 3 9949 2259 or sent your comments to .
