Xov xwm luv tshaj tawm hnub zwj Quag (Tuesday newsflash 06.02.2024) muaj li no:
Simon Birmingham uas yog tus coj lwm pab nom lub tsev kis xeev siab hais tias nws tsis pom zoo rau nom tswv Suav cov kev txiav txim siab tshem lub txim tuag rau Australia tus neeg sau ntawv Yang Hengjun. Dr Yang raug muab txhom rau xyoo 2019 thiab raug tsub txim tias nyiag soj xwm tab sis nws yeej tsis lees tej lus iab liam no ua ntuv zus.
Txawm li cas los Penny Wong uas yog Australia tus nom txawv teb chaws tau qhia tias tom qab nws raug txim ob xyoos lawm ntshe nws tseem yuav raug kaw tsev laj cuj tag ib sim neej thiab los kuj tau.
Teb chaws Chile tej neeg nyob raws tej ntug hiav txwv Pacific tsis totaub tias vim li cas thiaj muaj hav zoov kuv hnyiab ua rau uaj neeg tshaj 122 leeg tas sim neej thiab ua rau 190 tus neeg tseem ploj ntawm Vina del Mar. Tej neeg pab cawm lwm tus tseem tab tom nrhiav tej cev uas raug faus rau ntawm tej chaw raug kev puas tusj ntawm Valparaiso thiab Vina del Mar 3 hnub tom qab uas raug kub hnyiab.
Kuj paub tseeb lawm tias tau muaj ib txoj xub ke rau tsoom fwv yuav los kho nws cov kev txo se lawm tom qab uas lwm pab nom teb chaws qhia tias nws yuav pab tab sis yuav tsum tau ua ib yam dab tsi tso. Pab nom koom tswj yeej tau tib tsis pom zoo nrog tus tsoom fwv ua ntuv zus tias tsis ua raws li nws tej lus cog tseg tias yuav txo se. Tab sis tasm sim no ces Peter Dutton tseem yuav los qhia tias seb lawv yuav pab tsoom fwv li cas.
Tej nom teb chaws tab tom mus koom lub tsev teev hawm St Andrews Presbysterian Church ntawm Canberra ua ntej yuav pib hauj lwm ntawm tsev tsoom fwv thawj hnub ntawm xyoo 2024 (Hnub zwj Quag -Tuesday tim 6 lub 02 hlis ntuj no). Thiab txhua xyoo uas yuav pib hauj lwm ntawm tsev tsoom fwv ces yeej mus teev hawm ua ntej. Yog li tej nom MPs thiab Senators thiaj yuav xub txheeb txog cov kev txo se no ua ntej pab nom Labor yuav yuav txheeb tej hauj lwm rau yav lig hnub no. Thiab mam li txheeb tsab cai tswj tej chaw ua hauj lwm, tej cai tsim vaj tse thiab tsab cai tswj pej kum haiv cov kev xiab lwm tus rau lub limtiam no.
Thawj pwm tsav Anthony Albanese kuj tau xa ib tsab moo rau huab tais Askiv Charless III kom zoo sai sai tom qab tau muaj xov xwm qhia tias tus neeg Askiv thiab yog Australia tus huab tais no raug coj mus kho vim mob cancer. Huab tais Charles tau mus pw 3 hmo ntawm tsev kho mob lub hli dhau los tom qab lub qog noob qes tau loj tuaj.
New Zealand tej coj laj fai kum xeeb raug tos yam muaj ceem kawg nkaus rau lub caij lawv tseem npaj lub teb chaws no hnub haiv (tim 6 lub 2 hlis ntuj 2024), uas tsoom fwv tej nom raug lwm tus tib thiab hais lus cuam tshuam rau lub caij lawv mus txog ntawm Waitangi sab qaum teb ntawm teb chaws no. Tus tsoom fwv no tej cai yuav tsis siv tej neeg txum tim tej lus, yuav tsis kom tej neeg txum tim xub los hais lus ua ntej yuav ua ib co koom txoos thiab yuav rov qab los txheeb tias seb tsab cai Waitangi Treaty muaj teeb meem li cas rau lub teb chaws tej cai.
Tsoom fwv Queensland cog lus tias yuav tsim thiab xyuas kom muaj vaj tse tshaj 53,000 lub tsev social homes rau xyoo 2046. Thiab Steven Miles uas yog tus hau xeev lub xeev notau qhia tias yuav siv nyiaj ntau tshaj $1.2 billion los tsim tej vaj tse no ntev ntxiv rau yav tom ntej rau lub caij uas tseem ntsib tej teeb meem nuj nqes siv ua lub neej kim tuaj ntxiv no.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
