Xov xwm luv tshaj tawm hnub zwj Feej (Wednesday news 15.11.2023:
Lwm pab nom teb chaws tau hais tias Australia lub tuam chav Home Affairs Department tsis npaj dab tsi rau High Court cov kev txiav txim siab tias cov kev muab tej neeg thoj nam tuaj tsis raug cai rau Australia no kaw ntev yam tsis paub tias hnub twg mam raug tso no yog ib cov kev ua txhaum cai, thiab seb nws ho npaj yuav los ua li cas rau tej neeg 80 tus uas nws tau muab tso rau tej neeg zejzog, uas ua rau muaj txoj kev txhawj xeeb rau tej zejzog vim muaj qee tus neeg yog cov neeg tua neeg, yog cov yuam deev lwm tus thiab.
Peter Dutton tau liam thawj pwm tsav Anthony Albanese tias tsis muaj peev xwm los daws tau ntau yam teeb meem tseem ceeb thiab tsis muaj peev xwm xyuas kom meej thiab tswj kom tau kev nyab xeeb rau txhua tus neeg Australia rau lub caij uas tsov rog Israel - Hamas war tao ua rau muaj kev cov nyom ntawm tej neeg zejzog Muslim thiab Jews ntawm teb chaws Australia no.
Raws li lub chaw teeb txheeb Scanlon Intitute tsab ntawv cej luam tshiab tau qhia ces muaj ntau yam li tej nuj nqes siv ua lub neej ua kim tuaj ntxiv, cov kev tsis tau vaj huam sib luag rau cov kev khwv nyiaj, cov kev txom nyem nyiaj txiaj no tau ua rau muaj kev koom npoj thiab kev haum xeeb tsawg ntawm Australia no, thiab ua rau tej neeg Australia tsis muaj peev xwm ua tau lub neej mloog tau tias lawv tsis yog ib feem ntawm lub teb chaws no los sis ua rau lawv tsis tshua txaus siab pes tsawg rau haiv neeg Australia no lub cim thawj.
Antony Blinken uas yog Meskas tus nom txawv teb chaws kuj tau ntsib Kaus Lim qab teb (South Korea) thiab Japan tus nom txawv teb chaws ntawm lub rooj sab laj APEC summit ntawm San Fransisco. Uas muaj lub hom phiaj tham txog Russia cov kev tua Ukraine, tsov rog Middle East, kev ruaj ntseg cuam tshuam txog Kaus Lim qaum teb (North Korea).
Lub koom haum Australia College of General Practitioners tab tom nqua hu tsoom fwv Australia kom nrog xyuas kom muaj tej tub kawm mus kawm ua kws kho mob thiab nrog xyuas kom muaj tej kws kho mob ua hauj lwm ntev txuas ntxiv rau lub caij uas muaj ib txhia kws kho mob hais tias lawv yuav npaj so hauj lwm rau lub sij hawm tsib xyoos tom ntej no.
Raws li Bangkok Post tau tshaj tawm ces Thaib tus thawj pwm tsav Srettha Thavisin kuj tau qhia tias nws tau caw kom tej coj ntawm Meskas peb lub tuam txhab li Tesla, HP Inc, thiab Analog Devices mus nqes peev tsim tej teej tsim khoom lagluam no ntawm teb chaws Thaib uas yuav tau txais kev txo se rau tej lagluam no.
Vientiane Times kuj tau tshaj tawm tias Germany tau pab nyiaj EUR 24 million pab rau Nplog cov kev txhim kho tej zos yaj sab ntawm xeev HouaPhan thiab Phongsaly li los pab kom nom tswv nplog muaj tsab peev xwm lis dej num, pab tej teej kawm qhia tej tub kawm tej hauj lwm uas tej lagluam xav tau. Tsis tas li ntawd los kuj tseem yuav pab ze txog li 40 million Euro ntxiv rau nom tswv Nplog los tswj cov dej num txhim kho tej zos toj siab no ntxiv. Uas yag tag los ces Germany yeej tau pab nyiaj ze txog li ntawm EUR 600 million rau Nplog cov hauj lwm txhim kho lawm.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab Downloadthiab caum
