Kuj tau muaj Hmoob ob tug ntxhais hu ua Grace thiab Sophia Thoj tseem tab tom npaj yuav mus koom cov kev sib tw 2025 World Jump Rope Championship ntawm Kawasaki, Japan rau yav lig lub 7 hli ntuj xyoo 2025 no. Nkawv kuj yog 2 tug ntawm 141 tus neeg sib tw uas sawv cev rau Australia pab Ropearoos uas yuav mus sib tw sawv cev rau teb chaws Australia. Tsis tas li ntawd los Cherie Duffy uas yog tus coj lub skipping club hu ua Crestmead Supersonics los kuj qhia tias yog thawj zaug rau nws pab yuav mus sib tw rau teb chaws Australia thiab. Ua ke no los Claire George uas yog tus coj Head Delegation team Australia los kuj qhia tias Australia los yeej npaj tau nws pab Ropearoos yuav mus koom cov kev sib tw no thiab.
Cherie Duffy hais tias kuj xaiv tau 8 tus neeg sib tw ntawm nws lub club mus koom nrog Australia pab Ropearoos. 2 tug ntawm 8 tus no ces yog Hmoob 2 tug ntxhais Grace thiab Sophia Thoj nyob ntawm Brisbane. Tab sis nws hais tias xyoo no nyuam qhuav yog thawj zaug uas nws lub club no tau mus sib tw xwb txij lu thaum teeb tsa los ua ib lub club thaum lub 1 hlis ntuj xyoo 2025 no los.
8 althletes from Crestmead Super Sonics to play skipping rope representing Australian team - Ropearoos Credit: Crestmead Super Sonics Inc/Cherie Duffy
Koj muaj peev xwm nrog Crestmead los yog tej skipping club nyob ze nej tham. Tej zaum koj kuj yog ib tug neeg ywj pheej uas koom, los yog tuaj ntawm ib lub club, los sis tsis tas koom nrog ib lub club twg los yeej koom tau, tab sis yeej muaj qee cov txheej txheem li tej club xa npe rau lub koom haum Skipping Australia, thiab lawv mam taw qhia yus thiab mam txiav tsim siab thiab tso cai tias leej twg tau mus koom cov kev sib tw theem xeev thiab theem teb chaws.Cherie Duffy, President of Crestmead Super Sonics Inc skipping rope club in Brisbane.
You can listen to the full interview with Cherie Duffy the president of Crestmead Super Sonics Inc in English here:
LISTEN TO
Cherie Duffy, the president of Crestmead Super Sonics Inc share her insights into her club representing Australia at the 2025 World Jump Rope Championship.
06:54
Xav kom peb cov neeg yuav mus sib tw ntseeg siab rau lawv tus kheej. Vim nej yog cov pab kom nej muaj peev xwm los sib tw tau li tam sim no txawm tias yeej tsis muaj tej kws los xyaum qhia nej. Txawm tias peb muaj ib tug coach zoo, los nws tusas yog tus qhia cov speed skipping rope xwb. Ces tej txuj ci kev paub uas nej kawm tau yeej yog nej kawm nej thiab tsuas tau txais kev taw qhia ntawm nej tus coach, ntawm nej niam nej txiv los yog ntawm nej tej neeg sib tw ua ke xwb. Nej yog cov neeg muaj peev xwm heev. Tsis txhob tag kev cia siab. Thaum kawg ces nej yeej yuav muaj peev xwm sib tw xwb. Thiab nej yeej muaj peev xwm yuav sib tw tau zoo.Cherie Duffy, President of Crestmead Super Sonics Inc skipping rope club in Brisbane.
Yog nug tias Australia pab neeg sib tw Ropearoos puas yuav muaj peev xwm sib tw kom yeej npib kub rau Australia?
Yeej ntseeg siab 100 feem pua tias yuav sib tw yeej npib kub rau teb chaws Australia xwb. Peb ntseeg 100 feem pua tias pab yeej yuav yeej ib co npib kub rau Australia xwb. Kuv kuj tsis paub tias yuav yog ib co ntawm peb pab los yog lwm lub club, tab sis kuv yeej cia siab 100 feem pua tias peb pab Ropearoos yeej yuav sib tw tau zoo heev rau Australia.Cherie Duffy, President of Crestmead Super Sonics Inc skipping rope club in Brisbane.
Skipping rope training Credit: Crestmead Super Sonics Inc/Cherie Duffy
Cov kev dhia hlua yog tej yam lom zem, kom yus tau txais kev noj qab nyob zoo me ntsis thiab tau txais kev lom zem rau cov kev dhia hlua xwb. Tam sim now ces wb tau mus sib tw ntawm tej xeev thiab yuav mus sib tw txawv teb chaws lawm.Sophia Thao, a skipping rope athlete of Crestmead Super Sonics Inc for Ropearoos
Sophia thiaj xav qhia rau Hmonb communities tias, ''Tam sim no tsuas yog wb koom nrog neeg Australia mus sib tw xwb, tab sis yeej xav kom muaj neeg koom sib tw ntau tuaj ntxiv. Txawm nej tsis nrog wb kawm ua ke tib lub tsev kawm los mam nrhiav sij hawm thaum khaum qhia nej los tau. Tsis tas li ntawd yog tias peb npaj tau ib pab ces tej zaum peb kuj yuav tsum tau ib lub club thiab.''
Kuv xav kom zejzog Hmoob thiab neeg Hmong mus koom cov kev sib tw dhia hlua kom peb muaj neeg coob ntxiv tuaj. Txawm lawv tsis nrog wb kawm tib lub teej kawm primary los wb yeej muaj peev xwm qhia thaum wb khoom kom thiaj muaj ib pab, los yog seb tsim puas tau peb ib lub club.Grace Thao, a skipping rope athlete of Crestmead Super Sonics Inc for Ropearoos
Maiv Xis Thoj uas yog nkawv niam tau hais tias ''tam sim no ces zoo li yeej tsis tshua muaj lwm tsav neeg zejzog txawv mus koom cov kev sib tw dhia hlua no, thiab kuv ob tug ntxhais no ntshe tej zaum yuav yog thawj ob tug uas tau mus koom cov kev sib tw dhia hlua sawv cev rau teb chaws Australia no.''
Maiv Xis hais ntxiv tias ''yog yus tej me nyuam nyiam thiab muaj peev xwm rau sab txuj twg ces tsim nyog yus ua niam ua txiv yuav tau pab thiab txhawb nqa kom lawv ua tau raws li lawv lub tsab peev xwm thiab. Vim tej hauj lwm no yuav tau siv sij hawm thiab nyiaj txiaj thiab dag zog los pab thiab txhawb nqa lawv.''
Nws hais ntxiv tias ''Yus tam li yog leej niam leej txi ces yuav tau pab yus tus me nyuam tswj lawv lub sij hawm kom thiaj muaj peev xwm kawm tau ntawv zoo, muaj peev xwm xyaum cov kev dhia hlua thiab muaj peev xwm mus koom sib tw tau zoo thiab kom tau txais kev noj qab nyob zoo.''
Jumping rope tournament supplied by Claire George, Head of Delegation for Team Australia - Ropearoos -Skipping Australia. Credit: Skipping Australia/Claire George
LISTEN TO
Claire George, the Head Delegation of team Australia, Ropearoos shares her insights with SBS Hmong regarding Australia competing at the 2025 World Jump Rope Championship at Kawasaki, Japan, July 2025.
10:46
Txawm li cas los Ms George hais tias tseem muaj Australia qee lub xeev li South Australia, Western Australia thiab Tasmania tseem tsis tau muaj neeg koom cov kev sib tw no thiab.
Muaj qee yam zoo ntawm cov kev sib tw dhia hlua no uas zoo heev uas yog muaj peev xwm ceev thiab khaws tau tej twj sib twg yooj yim heev. Tsis tas li no los tej neeg muaj cov fitness sib txawv los yeej muaj peev xwm koom tau tsis hais tej me nyuam yaus mus txog rau tej laus uas yeej nyiam cov kev sib tw no heev.Claire George, the Head of Delegation for Team Australia - Ropearoos
Freestyle jumping rope tournament supplied by Claire George - Head of Delegation of Team Australia - Ropearoos. Credit: Skipping Australia/Claire George
Team Australia (Ropearoos) Credit: Claire George/Skipping Australia
Ms George kuj qhia tias txawm tias tau nyiaj me ntsis ntawm tej nom tswv xeev pab los yeej tseem yog tej yam nyuaj heev uas yeej tseem tsis tau tau nyiaj ntawm tsoom fwv teb chaws los pab rau cov kev sib tw no kom tej kev sib tw no loj hlob thiab kom muaj neeg muaj cib fim koom.
Nws thiaj xav thov ua tsaug rau coob leej ntau tus tsis hais nom tswv tej judges, tej neeg sib tw thiab tej clubs uas rau kub siab pab thiab txhawb nqa cov kev sib tw no. Tab sis tseem yuav tau npaj ntau cov kev xyaum kom thiaj sib tw tau zoo tshaj plaws sawv cev rau Australia ntau hli ntxiv no.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
