Ntsiab lus tseem ceeb:
- Tau muaj neeg nyiam siv tej duab tshav ntuj ntau tuaj ntxiv coj los tsim hluav taws xob siv lawm, thiab tam sim no ces yeej muaj tej vaj tse txog li 30 feem puas tab tom siv lawm.
- Tsis tas li ntawd los tej tswv tsev thiab tej neeg ntiav tsev nyob yeej muaj tej xub ke nruab phiaj siab tshav; txawm li cas los tej neeg ntiav tsev nyob pom tias zoo li tsis tshua tau txiaj ntsim pes tsawg, rau qhov tsis tau tej nqe yus nqe peev rov qab rau ib lub caij luv luv twg.
- Txawm li cas los kuj muaj tej kev pab ntawm tej xeev ntawm teb chaws Australia no thiab.
xyoo 2021-22 ntawd yog thawj zaug uas tau siv cov duab tshav ntuj thiab tej zog cua los tsim tau hluav taws xob ntau tshaj tej hluav taws xob uas tej cuab yig siv.
Tej no thiaj qhia txog qhov tseem ceeb ntawm qhov tseem ceeb ntawm cov kev siv tej renewable energy ntau tuaj ntxiv coj lso tsim kom tau hluav taws xob rau lub teb chaws no siv thiab yog tej yam qhia tias tau muaj cov kev hloov nthuav dav tuaj ntxiv tig mus siv tej uas yuav tsim tau hluav taws xob ntev ntxiv tuaj lawm.
Tej txiaj ntsim yuav tau txais
Solar energy (lub zog siv sab hnub/duab tshav ntuj) yeej raug xam tias yog ib co uas tsis tshua kim yog piv rau tej tswv yim qub uas siv coj los tsim hluav taws xob siv.
Dr Archie Chapman uas yog ib tug Associate Professor ntawm tsev kawm qib siab University of Queensland lub teej lawm Electrical Engineering and Computer Science, thiab yog ib tug neeg uas paub zoo txog tej hauj lwm no hais tias, tsis yog tias pheej yig dua xwb tab sis kuj tseem muaj peev xwm pab kom tsis txhob muaj neeg siv tej hluav taws xob uas xa rau tej neeg siv tsawg zog thiab.
Nws hais tias ''lub zog sab hnub no yeej tau txais qee yam txiaj ntsim thiab. Li tau txiaj ntsim rau tej neeg ntiag tug uas nruab tej phiaj ziab tshav rau lawv tej tsev vim lawv muaj peev xwm pab yus txuag tau nyiaj. Tsis tas li ntawd los kuj pab tsim tau hluav taws xob los pab rau thaum yus lub tsev siv hluav taws xob ntau thiab, vim rau qhov yus tej twj ntawm yus tsev yeej siv hluav tej hluav taws xob uas tsim tau los ntawd yam tsis tas yuav tej hluav taws xob uas xa tuaj rau yus siv.''
Mr Chapman thiaj qhia txog lwm yam txiaj ntsim ntxiv uas tau los ntawm cov kev tig mus siv tej solar energy no tias.
"Tseem tau ob yam txiaj ntsim ntxiv thiab. Thawj yam ces yog yuav pab tau tej kev xa tej hluav taws xob rau tej kev siv ntawm tej zos ntawm Australia no kom tsis txhob tau siv tej ncej thiab tej xov xa, vim tej no yuav ua rau tsheb daig thiab cov kev muaj peev xwm tsim tau hluav taws xob ntawm yus tsev siv yuav pab txo kom tsis txhob muaj tsheb daig hais tsi ntsees rau cov hnub kub sov heev los yog cov hnub uas yuav tau siv hluav taws xob ntau heev ntawd.''
Nqe ob tuaj ntxiv, ces tsis yog tias tej zog tshav ntuj (solar energy) no yuav pab txuag tau nyiaj xwb tab sis kuj tseem yog ib txoj xub ke tau txais txiaj ntsim rau cov kev siv lub tswv yim huv dua los tsim hluav taws xob siv thiab. Lub koom haum Energy Australia thiaj hais tias roj zeb ntsuam yog cov raug siv coj los tsim hluav taws xob siv txog li 60 feem pua ntawm teb chaws Australia no.
“[Cov kev tsim hluav taws xob] ntawm teb chaws Australia no ces feem ntau yeej tseem yog tej chaw tsim hluav taws xob uas siv roj zeb ntsuam tsim xwb, yog li ntawd tsis hais yog ib yam dab tsi li uas muaj peev xwm pab kom tsis txhob siv roj zeb ntsuam kuj yuav yog tej yam zoo uas pab txo kom tso tej pa ua rau huab cua pauv hloov kom tsawg zog.''
Stan Krpan uas yog tus coj lub koom haum Solar Victoria hais tias tom qab uas tau siv roj zeb ntsuam los ntev heev lawm, tam sim no Australia tab tom tig mus siv tej sab hnub/duab tshav ntuj (Solar energy) lawm.
Krpan hais tias ''Peb tseem nyob rau theem nruab nrab uas tseem tab tom hloov tib mus siv tej renewable energy. Tsoom fwv Australia los yeej tau kub siab nrog xyuas kom txog xyoo 2035 ces Australia siv tej renewable energy los tsim tau tej hluav taws xob txog li 80 feem pua siv. Thiab tsuas tshuav lub caij li 10 tawm xyoo ntxiv no lawm xwb.''
Thiab cov kev tau muaj tej neeg nruab tej phiaj ziab tshav rau saum lawv tej qaum tsev ntau tuaj ntxiv, ces thiaj ua rau tej no yog ib co tseem ceeb uas pab tsim tau hluav taws xob rau lub teb chaws no siv lawm.
Nws tshab txhais tias “Tam sim no ces yeej muaj neeg Australia tej tsev 4 million lub tau ruab tej phiaj ziab tshav tsim hluav taws xob siv lawm, uas yog tau nruab rau tej vaj tse txog li 30 feem pua lawm.''
Tej tswv tsev thiab tej neeg ntiav tsev nyob los yeej muaj tej xub ke nruab tau tej phiaj ziab tshav tsim hluav taws xob siv thiab, txawm li cas los tej zaum yuav tsis tshua tau txais txiaj ntsim pes tsawg rau tej neeg ntiav tsev nyob, vim rau qhov yog tej yam nyuaj tsis muaj peev xwm yuav tau tej nyiaj nqe peev rov qab rau lub caij luv luv. Credit: Cavan Images / Robert Niedring p/Getty Images/Cavan Images RF
Leej twg thiaj muaj peev xwm nruab tej phiaj ziab tshav?
Mr Krpan hais tias tej tswv tsev uas nruab tej phiaj ziab tshav rau ib lub tsev twg yuav pab kom tej neeg ntiav tsev nyob tau txais txiaj ntsim ntawm tej hluav taws xob uas tsim tau ntawd.
Nws hais tias ''Tej tswv tsev feem coob yeej tau nruab tej phiaj ziab tshav rau lawv tej tsev, tab sis yeej muaj tej kev pab thiab muaj ntau yam paj tshab coj los txhawb nqa kom tej neeg nruab, hais tsi ntsees ntawm xeev Victoria thiab lwm cov xeev uas yeej muaj tej paj tshab los txhawb nqa tej tswv tsev kom nruab rau. Yog li tej neeg uas yuav tau ib lub tsev lawm kuj muaj peev xwm nruab tej phiaj rau ces mam muab ntiav rau ib tug twg nyob los kuj tau, thiab tej neeg ntiav tsev nyob los kuj yuav tau txais txiaj ntsim ntawm tej hluav taws xob uas tsim tau ntawd thiab.''
Mr Krpan hais ntxiv tias yeej tsis muaj peev xwm yuav tau tej nqe nruab tej phiaj ziab tshav rov qab rau lub caij luv luv twg, ces thiaj tsis xav kom tej neeg ntiav tsev nyob nruab.
Nws hais tias “Thiab yeej ib txwm tsis yog tej yam nruab rau uas yuav ua rau tej neeg ntiav tsev nyob nruab yuav tau rho lawv tej nyiaj ntiag tug los ua. Tos zoo li ntawd los vim yuav tau siv ob peb xyoos mas tej nqe nyiaj tau los ntawm cov kev tsim hluav taws xob thiaj yuav pab them tau tej nqe siv coj los nruab tej phiaj no, ces thiaj li nyob ntawm seb tej neeg ntiav tsev nyob ho npaj dab tsi, vim kuj tsis yog tej yam paub tseeb tias tus neeg ntiav tsev nyob yuav nyob ntawm lub tsev ntev npaum li ntawd kom thiaj tau txais tej txiaj nsim txwm npo los ntawm tej hluav taws xob.''
Rebates and schemes are available in different Australian states and territories. Source: Moment RF / owngarden/Getty Images
Ho thov tau nyiaj pab cuam dab tsi?
Yog tej yam xav qhia kom koj mus tshawb fawb ntawm tsoom fwv tej vas sab thiab txheeb tias seb ho musj tej kev pab dab tsi los yog ho muaj tej paj tshab dab tsi pab rau cov kev nruab tej phiaj ziab tshav tsim hluav taws xob siv ntwm koj tsev. Tsoom fwv teb chws yeej muaj lub vas sab pab koj txheeb kom thov tau cov kev pab cuam raws li qhov tsim nyog pab rau koj.
Piv txwv li, lub koom haum Solar Victoria ces yuav pab them $1,400 rau tej neeg uas nruab phiaj ziab tshav rau saum yus nrob qaum tsev. Tsis tas li ntawd los kuj muaj ib co nyiaj uas qev rau yus siv uas tsis tau them paj txog 4 lub xyoos tsis hais yus yog tus tswv tsev los yog tus neeg ntiav tsev nyob li. Thiab kuj tseem yuav muaj peev xwm qev tau nyiaj txog li $8,800 uas tsis tau them paj coj los yuav ib lub battery khaws tej hluav taws xob uas tsim tau ntawm tej phiaj ziab tshav ntawv cia siv thiab.
Mr Krpan tshab txhais tias Australia lwm cov xeev los kuj muaj cov program sib xws li no thiab.
“Ntawm New South Wales... South Australia [thiab] Queensland ces yeej muaj cov program ua paj tshab muaj ntsis sib xws li no los txhawb nqa kom tej neeg nruab thiab, tab sis koj yuav tsum ua tus mus tshawb fawb kheej ntawm koj lub xeev seb ho muaj cov kev pab zoo li cas ntxiv.''
Thiab lub caij uas ntiaj teb tig los txo kom tsis txhob tso pa tsis huv tsawg lawm, uas muaj lub hom phiaj tsis tso tej pa tsis huv hlo li lawm rau xyoo 2050, ces thiaj tau ras los ua ib co hom phiaj tseem ceeb rau ntau haiv neeg, suav teb chaws Australia nrog.
Ces tej no thiaj yog ib co hauj lwm ua raws li cov kev pom zoo Paris Agreement, uas yuam kom yuav tau txo kom tsis txhob tso tej pa tsis huv ntawm ntau yam lagluam.
Mr Krpan tshab txhais tias “Ces thiaj li muaj cov kev pauv hloov tseem ceeb heev rau cov kev tsim hluav taws xob siv rau lub caij 10 los yog 15 xyoos dhau los ntawm cov kev siv roj zeb ntsuam thiab lwm am li tej gas coj los siv hluav taws xob tig los mus siv cov renewable energy ntau yam lawm. Thiab tam sim no ces peb haiv neeg no tsuas siv tej energy source tshiab ntau yam no los tsim tau hluav taws xob txog li 30 feem pua xwb tab sis yuav xyuas kom txog rau xyoo 2035 ces muaj peev xwm siv cov renewable energy no los tsim kom tau hluav taws xob siv txog li 82 feem pua raws li tsoom fwv teb chaws tej hom phiaj uas nws xav ua kom tau ntawd.''
Yog koj xav paub xov xwm kom ntxaws tshaj no ntxiv ces txheeb tau ntawm tej xeev hauv qab no:
Subscribe or follow the Australia Explained podcast for more valuable information and tips about settling into your new life in Australia.
Mloog tau hnub zwj Teeb (Thursday) 6 pm, hnub zwj Hnub (Sunday) 11am, los yog koom tau ntxiv ntawm , , thiab . Downloadthiab caum
