Cov nyiaj JobSeeker thiab JobKeeper
Yuav muab cov nyiaj JobKeeper pab txuas ntxiv mus txog ntua lub 3 hlis ntuj 2021, thiab pab cov nyiaj JobSeeker mus txog ntuaj lub December 2020. Ntau hlis ntxiv no, tsoom fwv mam li qhia nws tej tswv yim tias seb yuav ua li cas rau cov nyiaj JobSeeker.
JobSeeker:
Them cov nyiaj JobSeeker rau cov neeg muaj hnoob nyoog txij 22 xyoos mus txog cov neeg muaj hnoob nyoog so noj nyiaj laus, thaum koj poob hauj lwm thiab tseem nrhiav hauj lwm ua, los yog yuav tau mus ntsib cov chaw hauj lwm kom nrhiav tau ib txoj hauj lwm ua. Yuav them cov nyiaj no rau koj yog tias:
- Koj ib leeg xwb ces tsuas tau $815 xwb.
- Koj tib leeg xwb tab sis muaj 1 tug me nyuam nrog ces tau $862.
- Koj tib leeg xwb thiab muaj hnoob nyoog 60 xyoos los yog tshaj ntawd ces tau $862.
- Koj nrog koj tus hluas nkauj los yog hluas nraug nyob ces tau $760.
Txheeb tau xov xwm ntxiv ntawm:
Thaum xaus lub 9 hlis ntuj mus ces koj muaj peev xwm khwv tau nyiaj $300 rau 2 limtiam twg, uas khwv tau ntau tshaj $106 dollars li xub tau teev tseg ua ntej yuav cuam tshuam txog koj cov nyiaj JobSeeker uas nom tswv them rau koj.
Jobkeeper
Yuav them cov nyiaj Jobkeeper rau tej neeg muaj hnoob nyoog yam tsawg li 16 xyoo rov sauv uas nws ua ib hom lagluam dab tsi, ua hauj lwm full-time los yog part-time, los yog ua hauj lwm casual tau ntev tshaj 1 xyoos los txog tim 1 lub 3 hlis ntuj xyoo 2020. Tab sis cov neeg muaj hnoob nyoog 16 los yog 17 xyoo yuav tsum tsis tau txais nyiaj pab cuam ntawm leej twg mas lawv thiaj muaj cai tau cov nyiaj no.
Thiab tau muab cov nyiaj no faib ua 2 hom xws li ib cov muab rau cov neeg ua hauj lwm full-time hos ib co ces muab rau cov ua hauj lwm part-time.
Cov nyiaj them 2 plua (Fortnight) rau tej neeg ua hauj lwm full time tau li no:
- Tam sim no tau $1,200.
- Txij lub 1 hlis ntuj 2021 ces tau $1,000.
Cov nyiaj them 2 plua (Fortnight) rau cov neeg ua hauj lwm part time tau li no:
- Tam sim no tau $750.
- Tij lub 1 hlis ntuj 2021 mus ces tau $650.
Cov xov xwm saum toj no yog muab los ntawm zaj xov xwm
Listen to on Thursday at 6 pm AEST or Sunday 11 am AEST, follow us on , listen and subscribe to podcasts from , , and or download to listen to SBS Hmong radio Program.
