Ntsiab lus tseem ceeb:
- Yeej tau muaj ntaub ntawv teev zoo tseg cia ntawm Australia tias Australia tej hluas hnoob nyoog qes dua 18 xyoo yeej haus luam yeeb pa tas mus li lawm.
- Cov kev txwv tsis pub muag tau tej luam yeeb pa yam raug cai tej zaum kuj yuav cheem tsis tau kom tsis txhob muaj tej kiab khw muag tej luam yeeb pa txhaum cai no txuas ntxiv.
- Cov kev quav tej nicotine ntawm tej luam yeeb pa yam tsis nco faj txog no tej zaum kuj yuav yog ib co laj thawj ua rau ib tug hluas nto nkauj no nraug twg yuav xaus tsis haus tej luam yeeb pa no yuaj heev.
Kuj tau muaj cov kev txwv nruj tuaj ntxiv tsis pub tej neeg muaj peev xwm yuav tau tej luam yeeb pa ntawm teb chaws Australia lawm.
Mark Butler uas yog Australia tus nom tswj dej num noj qab haus huv tau piv tias cov kev hau luam yeeb pa no ''yog zej tsoom ib cov teeb meem noj nyob zoo tseem ceeb'' thiab ''yog ib co teeb meem cwj pwm tseem ceeb ntawm tej teej kawm ntau lub,'' uas tau tsim "".
Raws li , ces yeej muaj tej tub kawm high school txhua txhua ib tug ntawm peb tug twg yeej tau siv cov e-cigarettes xyoo 2022/23.
Becky Freeman uas yog ib tug Associate Professor uas qhia txog zej tsoom tej kev noj qab haus huv ntawm tsev kawm qib siab University of Sydney.
Nws yog tus coj tswj cov Generation Vape Project uas tau ua ib cov kev tshawb fawb mus tshuaj ntsuam tej hluas cov kev ntseeg thiab tej cwj pwm txog cov kev haus luam yeeb pa thiab hais tias yeej tau muaj ntaub ntawv teev zoo txog tias yeej pom muaj tej hluas nto nkauj nto nraug siv tej e-cigarettes tas mus li lawm.
Nws hais tias ''Peb kuj paub ntxiv ntias tau ntau xyoo tsis ntev los no ces kuj muaj tej hluas coob tuaj ntxiv siv lawm, hais tsi ntsees rau peb cov kev txheeb ua ntej thiab tom qab muaj tus kab mob COVID kis thoob ntuj rau lub caij uas raug muab tej teej kawm kaw thiab tag nro zej tsoom sawv daws kub siab txog tus kab mob COVID.''
Tej kws hais tias tej lagluam muag luam yeeb pa txhob txwm tsim tej luam yeeb pa no kom muaj cov ntxhiab thiab tej kob zoo nkauj uas tej hluas nyiam coj los muag rau lawv. Credit: Peter Dazeley/Getty Images
"Yog tias koj yog ib tug hluas hnoob nyoog 14 xyoos ces yeej muaj peev xwm yuav tau ib co twj haus luam yeeb pa yooj yim heev li, ces thiaj tsis yog ib co lagluam muag tej khoom no txhaum cai dab tsi. Tab sis yog ib cov kiab khw uas yeej muag tej twj no tso tshav lug. Vim li ntawd peb thiaj yuav tsum tau los tswj tej xwm txheej uas pheej tseem ua rau tej neeg tseem muaj peev xwm yuav tau coj los siv.''
Thiab yeej muaj tej twj haus luam yeeb pa no los tau ntau lub xyoo no lawm.
Zeskais Freeman thiaj ntseeg tias ib co laj thawj ntawm ntau cov uas pheej ua rau tej hluas nyiam ces yog cov kev raug coj mus muag tias yog tej yam txawv cov kev haus luam yeeb.
Nws hais tias “Yog tham tsi ntsees rau tej hluas lawm ces, lawv yeej yog tej neeg uas tawm tsam nrog cov kev hau luam yeeb no heev. Thiab lawv yeej totaub zoo txog tej xo qhia rau lawv tias luam yeeb kim heev, thiab yeej muaj tej ntawv los dej duab mob nkeeg txaus ntshai heev los rau ntawm tej luam yeeb, tsis tas li ntawd los zoo li yeej tsis muaj peev xwm yuav tau tau luam yeeb txhua txhua qhov chaw lawm thiab ... Tab ssi yog tham txog cov kev haus luam yeeb pa, ces tej hluas yeej xav txawv tej hais ntawd. Lawv pom tias tau txais kev nyab xeeb, thiab zej tsoom yeej lees paub los sis yog tej yam haus kom muaj kev lom zem, thiab tej lagluam muag luam yeeb pa los kuj tau muag zoo heev vim lawv tau muaj cov kev qhia tej xov xwm cuav tias puas muaj teeb meem dab tsi los sis yog haus lawm yuav ua rau quav npaum li cas.''
Teeb meem mob nkeeg uas yuav muaj tau rau cov kev haus luam yeeb pa
Professor Nick Zwar ces yog tus coj lub koom haum sawv cev rau tej kws kho mob (Royal Australian College of General Practitioners ) ntawm pawg kws sab laj tawm tswv yim uas npaj tej kev taw qhia ntau yam coj los pab tej neeg ua hauj lwm kho mob pab kom tej neeg xaus cov kev haus luam yeeb.
Nws hais tias tej twj haus luam yeeb pa feem ntau yeej muaj nicotine xyaw txawm tias tsis muaj ntawv lo qhia tias muaj.
“Thaum lub koom haum tso cai siv tshuaj thiab tej twj kho mob (Therapeutic Goods Administration) thiab lwm cov koom haum tau los sim tej twj haus luam yeeb pa uas muaj ntawv los qhia tias tsis muaj nicotine xyaw ntawd, ces lawv yeej txheeb tau tias tej luam yeeb pa no muaj tej nicotine txog li ntawm 80 thiab 90 feem pua diam.”
Kuj tau kwv yees tias yeej muaj tej hluas nto nkauj nto nraug txog li 1 feem 3 thoob plaws teb chaws Austrlia no yeej tau sim haus luam yeeb pa lawm. Source: Moment RF / Daniel Lozano Gonzalez/Getty Images
“Yog tias pheej haus tej luam yeeb pa no ntev tuaj ntxiv ces yeej yuav muaj peev xwm muaj tau teeb meem tsis zoo rau lub ntsws, tej hlab plawv thiab lub plawv. Thiab yeej tseem tsis tau peeb tseeb tias ho yuav muaj tau tej teeb meem no loj npaum li cas.”
Yog tham txog tej khoom muaj nicotine lawm, ces tej nicotine no yeej yog ib co teeb meem tseem ceeb hais tsi ntsees rau tej hluas.
Nws hais tias ''Ib yam tseem ceeb ntawm ntau yam kev txhawj xeeb ntawd ces yog yuav ua rau muaj teeb meem rau tej hluas cov hlab txais kev paub (nervours system) thiab hais tsi ntsees rau cov kev muaj teeb meem rau cov kev txhim kho rau tej hluas lub paj hlwb.”
Tej niam txiv thiab tej lees kais tsim nyog yuav tau ua tib zoo xyuas kom tej hluas ras txog tias nicotine yog ib co uas quav tau yooj yim heev. Credit: fotostorm/Getty Images
Muaj tej kev pab cuam coj los pab
Ntawm teb chaws Australia no ces Quitline yeej yog ib cov xov tooj pab cuam thiab muaj cov kev sab laj tawm tswv yim hauv online coj los pab rau tej neeg uas xav tso tseg tsis haus luam yeeb los yog xaus tsis haus luam yeeb pa. Thiab yeej muaj tej koom haum no ntawm ib lub xeev twg raws tus xov tooj 13 QUIT (137848).
Rachael Andersen uas yog tus coj lub koom haum Quit Victoria hais tias yeej tsis yog muaj tib txoj xub ke uas thiaj pab kom tej neeg xaus tsis haus luam yeeb pa nkaus xwb.
“Lo lus teb yooj yooj yim ces nqe lus nug no ces yog nyias yeej muaj nyias ib lub tswv yim txawv coj los siv rau lawv. Tab sis tej neeg uas xav tso tseg tsis haus yeej muaj tej yam ntxwv muaj ntsis zoo sib xws thiab tej txheej txheem los tso tseg cov nicotine no tsis hais cov kev haus luam yeeb pa los yog luam yeeb tiag ces yeej muaj ntsis sib xwb thiab.”
Professor Zwar tshab txhais tias txawm tias tsev neeg thiab tej phooj ywgcov kev pab rau qee tus hluas yeej txaus lawm los yeej tseem muaj lwm tus hluas uas yuav tau txais kev pab cuam los ntawm tej neeg kho mob kom thiaj li muaj peev xwm thim tau cov kev quav nicotine thiab.
Nws hais tias ''Yeej muaj ib txhia hluas yeej muaj peev xwm txiav txim siab tau yooj yooj yim tias lawv muaj peev xwm tso tseg tsis haus ntxiv thaum lawv tsev neeg los sis yog lawv tej phooj ywg pab lawv, hos ib txhia ces kuj yuav ncua tsis haus, los yog ua ib yam dab tsi kom lawv tsis txhob nco qab haus, los yog yuav tau haus dej pab los sis ua ib yam dab tsi pab, los sis muaj peev xwm hu thov kev pab ntawm lub koom haum Quitline.''
Tej kws paub zoo txog kev noj qab nyob zoo hais tias tej twj haus luam yeeb pa uas tsis muaj tej nicotine xyaw los kuj yuav ua tau rau muaj tej neeg haus muaj mob thiab, vim rau qhov muaj tej khoom me me xyaw rau hauv, muaj tej pa, tej gas ntawm tej kua uas muaj rau tej e-cigarettes li tej glycerine thiab propylene glycol xyaw thiab. Source: Moment RF / Martina Paraninfi/Getty Images
Nws hais tias “Yog hais tsi ntsees rau tej hluas ces tej zaum lawv kuj tsis coj tej cwj pwm quav los yog haus luam yeeb dhau los, ces tej zaum cov kev tsis paub txog tej teeb meem uas yuav muaj rau lawv los ntawm cov kev haus no thiaj ua rau lawv pib haus tej luam yeeb pa.”
Yog li yus ho muaj peev xwm pab tau tej hluas nto nkauj nto nraug kom tso tseg tsis txhob haus luam yeeb pa li cas?
Prof Freeman ntawm tsev kawm qib siab University of Sydney, thiab nws los kuj yog ib tug leej niam uas muaj ib tug me nyuam hnoob nyoog 12 xyoos, thiaj li taw qia ob co kauj ruam tseem ceeb tias: yuav tsum muaj cov kev sib tham zoo qhib siab lug txog tej no thiab nrhiav kev pab cuam ntawm tej kws los pab.
“Kuv xav tias yog tej yam tseem ceeb uas yuav pab tau thiab yog ua tib zoo xyuas kom tej hluas nkag siab tias yog tej lagluam muag luam yeeb pa tsim teeb meem rau lawv, tsis yog lawv yog tej neeg tawv ncauj los yog tej hluas uas pheej tawm tsam.
“Ua ke no los kuj kuj xav txhawb nqa kom tej niam txiv ho coj lawv tej hluas mus ntsib lawv tsev neeg tus kws kho mob uas muaj peev xwm pab lawv los yog ho mus ntsib tej teej kawm tej nurse los yog tej neeg ua hauj lwm sab laj pab kom tau txais kev noj qab nyob zoo uas yus muaj peev xwm nrog tham. Tsis tas li ntawd los kuj muaj ntau yam xov xwm ntawm lub koom haum Quitline thiab lub vas sab uas muaj peev xwm mus txheeb tau.”
Tej niam txiv los kuj muaj peev xwm sab laj tawm tswv yim nrog tej neeg kho mob thiab los yog siv tej kev pab cuam uas muaj cov kev pab cuam tias txoj xub ke twg thiaj yuav pab tau yus tej hluas uas nyuam qhuav nto nkauj nto nraug zoo tshaj plaws rau lub caij uas lawv yuav tau ua kom lawv xaus tsis haus ntxiv.
Ms Andersen ntawm lub koom haum Quitline hais tias xav kom tej neeg tso siab tias txhua tsab xov tooj uas hu nrog lub koom haum Quitline tham ntawd yeej cov ib cov kev tham uas tsis pub qhia rau lwm tus paub los yog ib cov kev tham uas yeej tsis txiav txim los yog ntau nqe tsis zoo rau ib tug twg.
Nws hais tias “Vim lawv yeej muaj peev xwm los pab npaj ib co tswv yim siv tsi ntsees coj los pab rau ib tug hluas twg. Thiab lawv kuj muaj peev xwm qhia tej xov xwm txog ntau cov kev pab cuam uas tej zaum muaj coj los pab. Thiab lawv kuj muaj peev xwm taw qhia tias yuav pib tham txog tej no li cas thiab ho yuav taw qhia lawv kom mus thov cov kev pab cuam uas lawv xav tau ntawd li cas thiab.”
Ms Andersen taw qhia tias kom xyuas kom muaj cov kev sib tham qhib siab lug txog tej luam yeeb pa nrog yus tej me nyuam kom lawv muaj peev xwm tawm tau tswv yim tias yo muaj dab tsi rau lawv yam tsis tau raug lwm tus txiav txim dab tsi. Credit: Plan Shooting 2 / Imazins/Getty Images/ImaZinS RF
Tej kev pab cuam thiab kev txhawb nqa kom tso tseg tsis txhob haus luam yeeb pa
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
