Twb yuav laug txog 30 xyoo dhau los no lawm uas Australia tau pom zoo kos xyeem mem tes nrog UN tsab cai Convention on the Rights of the Child, uas yog pej kum haiv ib cov kev pom zoo thiab tau cog lus tseg tias yuav pub txoj cai rau tej me nyuam tau txais kev nyab xeeb thiab ua tau lub neej loj hlob cus plaws tau txais kev noj qab nyob zoo raws li qhov tsim nyog.
Tab sis raws li lub koom haum pov puag tej me nyuam txoj cai Nations International Children's Emergency Fund (UNICEF) tsab ntawv cej luam dhau los tau qhia, Australia tsuas ua tej hauj lwm pov puag tej me nyuam yaus txog cai ib nyuag zoo me ntsis tuaj xwb.
Source: Getty Images
Pab cuam kev kawm thiab daws cov teeb meem mob hlwb
Yam peb txhawj xeeb tshaj plaws yog me nyuam yaus cov kev kawm. Peb xav tias zoo li tsis muaj neeg kub siab nrog xyuas kom tej me nyuam tau kawm ntawv zoo thiab tseem tsis tau txais vaj huam sib luag rau cov kev kawm txuj kawm ci. Peb los kuj txhawj xeeb txog tej me nyuam no cov teeb meem mob hlwb uas yog tej yam tseem ceeb heev thiab, vim lawv tej hluas hauv Australia yeej muaj teeb meem nyuaj siab ntxhov plawv ntau heev, raws li Amy Lamoin, uas yog tus coj policy thiab advocacy ntawm lub koom haum UNICEF Australia tau qhia.
Australia tej me nyuam 1 tug ntawm 6 tus twg yeej tseem ua lub neej txom nyem, thiab tseem muaj 1 tug ntawm 7 tus me nyuam twg raug cov teeb meem mob hlwb thiab.
Ms Lamion tseem txhab ib cov lus ntxiv hais ntxiv tias, qhov peb pom uas tseem yog ib cov teeb meem loj rau tej me nyuam tsis hais ntawm teb chaws Australia, ntawm cheeb tsam Pacific los yog hauv ntiaj teb no ces yog seb tej tsoom hwv puas los daws tej teeb meem hloov quag ntuj thiab lawv ho tau los ua dab tsi li cas kom tej me nyuam no tau ua lub neej loj hlob nrog tej ib puag ncig huv si xwb.
Source: Getty Images
Tiv thaiv kom lawv txhob raug ntaus cev ntaj ntsug los yog txog raug lwm tus yuam deev
Raws li lub koom haum the Australian Bureau of Statistics (ABS) cov kev teeb txheeb txog tej neeg ntiag tug cov kev nyab xeeb xyoog 2016 (The 2016 Personal Safety Survey) tau qhia, yeej muaj tej me nyuam 1 tug ntawm 8 tus twg yeej raug lwm tus ntau lawv lub cev los yog yuam deev lawv ua ntej lawv hnoob nyoog yuav nto 15 xyoos.
Raws li lub koom haum pov puag me nyuam yaus (Australian Centre for Child Protection) tau qhia, yeej muaj ib tug ntawm 35 tug me nyuam ntawd ces yeej tau thov cov kev pab cuam pov puag tej me nyuam siv (Children protection services) txij xyoo 2017 txog rau xyoo 2018.
Karen Flanagan yog ib tug senior policy advisor ntawm lub koom haum Save the Children Australia ntseeg tias yog xav kom pov puag tau tej me nyuam no zoo tshaj qub ntxiv ces yuav tsum tau tso tseg txhua cov kev rau txim rau tej me nyuam no lub cev ntaj ntsug ntawm tej cuab yig.
Source: Getty Images
Tawm tsam tsis pom zoo nrog cov kev faib cai ntxub ntxaug lwm tsav neeg
Australia yog ib lub teb chaws muaj ntau tsav neeg tuaj nyob ua ke, uas 1 tug ntawm 10 tus me nyuam yaus yeej yog cov yug txawv teb chaws, thiab muaj tej me nyuam hauv Australia no txog li 6% yeej yog Australia cov keeb cag neeg tej me nyuam. Tab sis yog ib qhov tsis muaj hmoo uas tseem muaj ntau cov kev tshawb fawb tau qhia tias yeej lawv yeej tseem raug cov teeb meem raug lwm tus faib cais ntxub ntxaug thiab tsis nyiam.
Megan Mitchell uas yog tus coj ntawm lub koom haum National Children’s Commissioner hais tias, peb yuav tsum tib thiab tawm tsam tsis pom zoo thiab kom tej neeg ua li ntawd yuav tsum tau qhia tias tias yog vim li cas thiaj muaj tej xwm txheej no tshwm sim hauv peb tej teej kawm, tej lees kais thiab tej me yes yuav tsum tau los koom tes ua ke los ua tib zoo xyuas kom tej me nyuam txhob raug lwm tus faib cai, tsis hais yuav yog hauv tej chav kawm los sis yog tom tej chaw ua si, kom lawv thiaj tau siv lawv txhua yam cai li lawv muaj cai ua lub neej loj hlob nrog txoj kev tau kawm ntawv zoo, raug lwm tus cam hwm thiab saib tsim txiaj, thiab tau txais kev nyab xeb tsis hais lawv yuav cog tsav neeg twg, hais hom lus twg los yog coj kev cai dab qhua dab tsi li.
A serious teenage girl gestures as she sits on a couch in her school counselor's office and talks to her unrecognizable counselor. Source: Getty Images
Tej txiaj ntsim ntawm cov kev txhawb nqa tej me nyuam yaus
Megan Mitchell taw qhia tias yuav tau qhia tej me nyuam no kawm lawv paub txog lawv tej cai: Yog tej yam tseem ceeb heev uas yauv tsum tau cia lawv muaj feem koom los sab laj sib tham nrhiav tswv yim tias seb yuav ua li cas kom lawv thiaj muaj peev xwm nyiaj ntxeem dhau ntawm tej teeb meem, yuav nrhiav kev pab cuam, thiab peb ho yuav muaj peev xwm los ua dab tsi kom lawv nrhiav tau tej kev pab cuam uas lawv xav tau, kom lawv tsis txhob khaws lawv tej kev nyuaj siab ntxhov plawv rau lawv tus kheej xwb tab sis kom lawv muaj peev xwm hais tawm thiab qhia toxg tej kev txhawj xeeb rau lwm tus paub thiab kom lawv thov tau tej kev pab cuam uas lawv xav tau los pab rau lawv.
Karen Flagnagan hais tias yog peb xav kom muaj cov kev pauv hloov tshwm sim tiag tiag, ces peb yuav tsum tau kho los yog hloov tej xwm txheej uas pheej ua rau tej me nyuam muaj kev txhawj xeeb ntawd.
Muaj tej thaum ces tej laus pheej xav tias yog peb pheej pub tej me myuam muaj cai ntau yam ces lawv yuav tsis cam hwm lwm tus thiab yuav siv tej cai ntawd ua dab tsi kom lawv tau txais txiaj ntsim. Tab sis tsis yog li ntawd, qhov tseeb tiag ces raws li pab pom kiag lawm ces yog tej laus txhawb nqa lawv thiab pab lawv ces thiaj li yuav tsim tau lub neej thaj yeeb thiab lub teb chaws tswj hwm democracy uas tso cai rau pej xeem xaiv nom tswj hwm los sawv cev rau, muaj cai tawm tau tswv yim ywj pheej, cam hwm lwm tus txoj cai thiab tej kev tawm tswv yim los yog thaum ua txhaum ib yam dab tsi lawm yeej muaj cai los ua tib zoo txheeb xyuas raws li txoj kev cai ncaj ncees.
Yog koj xav tau xov xwm kom ntxaws ntxiv txog tej me nyuam yaus txoj cai hauv teb chaws Australia, ces mus sab laj tawm tswv yim nrog rau lub koom haum pab cuam cai lij choj Legal Aid Centre ntawm koj lub zos los yog lub xeev koj nyob ntawd. Hos yog xav tau txais kev pab cuam daws kev nyuaj siab ces hu rau lub koom haum Kidsline tus xov tooj 1800 55 1800, los yog hu rau lub koom haum Lifeline tus xov tooj 13 11 14, los sis hu rau tus zauv emergency 000 yog tias koj los yog ib tug twg uas koj paub yuav raug teeb meem phom sij kiag rau lub caij tam sim ntawd.
Mloog tau ntau yam xov xwm ua lus Hmoob thiab lus Askiv tau raws li hauv qab no:
READ MORE
Tsev tsoom hwv cov cai txo se 2019
READ MORE
Txo se rau tej neeg ntiag tug
