Ntsiab lus tseem ceeb:
- Ib pawb neeg txiav txim plaub ntug ces yeej muaj 12 tug neeg, tab sis tej zaum kuj muaj neeg tsawg dua no thiab.
- Thiab tej xub ke tej neeg no ua hauj lwm yeej sib txawv ntawm tej xeev thiab.
- Muaj qee cov xwm txheej ces kuj zam rau ib txhia neeg ces lawv tsis tas mus koom ua tej hauj lwm no thiab.
Juries (pawg neeg koom txiav txim plaub ntug) ces yog ib feem tseem ceeb ntawm Australia tej txheej txheem hais plaub.
Dr Andrew Burke uas yog ib tug lees kais qhia ntawv ntawm lub teej kawm Macquarie Law School thiab kuj yog tus coj uas tswj lub koom haum tej neeg kawm tiav cai lij choj (Juris Doctor) uas yuav los ua hauj lwm kws lij choj hais tias yog ib txoj xub ke rau tej zejzog los koom tej txheej txheem hais plaub.
"[Pawg neeg koom txiav txim plaub ntug] ces yog ib feem ntawm Australia cov kev tswj hwm democracy, yog li ntawd thaum uas ib tug twg raug txim txhaum loj, ces tej neeg no yuav yog cov txiav txim tias seb tus neeg ntawd puas txhaum los tsis txhaum, tsis yog ib tug kws lij choj, los yog ib tug kws txiav txim plaub ntug yog tus phua txim, tab sis yog 12 tug pej xeem ntawm tej zejzog ntawm pawg neeg txiav txim no ua cov los phua lub txim.''
Pawg neeg txiav txim plaub ntug no ces tsuas raug siv rau qee cov plaub ntug xwb thiab
Jacqui Horan uas yog ib tug Associate Professor ntawm lub tuam chav qhia cai lij choj ntawm tsev kawm qib siab Monash University tshab txhais tias "Tsuas siv pawg neeg txiav txim plaub ntug no ntawm Australia rau tej plaub ntug uas ua txhaum txim loj heev xwb.''
Piv txwv li tej plaub ntug tua neeg, ua luam nyiag muag riam phom txhaum cai thiab tej plaub ntug yuam deev lwm tus. Hos tej plaub ntug me li ua tub sab ces tsuas yog ib tug kws txiav txim plaub ntug ua tus phua txim xwb tsis tas siv ib plawg neeg los txiav txim.Jacqui Horan, Associate Professor, Monash University Faculty of Law
Ces yuav xaiv tej neeg tej npe ntawm lub koom haum tswj Australia cov kev xaiv tsa (Australia Electoral Comission) seb xaiv raug leej twg lub npe.
Mark Nolan uas yog tus coj tswj lub tuam chav Centre for Law and Justice ntawm tsev kawm qib siab Charles Sturt University tshab txhais tias "Raws li ib txwm ua ces lawv yeej yuav xa ib tsab ntawv qhia rau yus tias yus raug txib kom mus ua ib tug neeg pab txiav txim plaub ntug...thiab qhia kom yus mus rau ntawm ib lub vas sab thaib mus teb ib cov lus ntug thiab qhia txog yus tus kheej rau lawv paub tias seb yus puas yuav muaj peev xwm mus koom hais ib rooj plaub tam li yog ib tug neeg pab phua txim rau rooj plaub ntawd,''
Professor Nolan hais ntxiv tias "Tej zaum lawv kuj yuav nug seb yus paub lus Askiv zoo npaum li cas. Tej zaum lawv kuj yuav nug tej lus nug cuam tshuam txog yus tej hauj lwm, los yog yuav nug tias seb yus ho puas paub los tsis paub tej neeg muaj feem cuam tshuam rau rooj plaub ntawd li cas.''
Daim ntawv qhia rau yus tias yus raug txib kom mus ua ib tug neeg pab phua txim plaub ntug. Source: Getty / P_Wei/Getty Images
Nyob rau tej plaub ntug ua txhaum txim loj, ces tej neeg pab phua txim yeej tsis yog tib co qub. Thiaj tsuas nyob ntawm seb yus ho nyog rau cheeb tsam twg ntawm teb chaws Australia xwb.
Dr Horan hais tias "Muaj qee thaj chaw ntawm teb chaws Australia ces, yeej muaj ib pawg neeg los pab phua txim li lawv ua ntawm teb chaws America thiab.''
Thiab yog siv tej neeg los pab txiav txim ces tej zaum tsuas siv rau (6) tus neeg phua txim xwb.
Yus puas raug zam tsis tas mus ua cov neeg pab phua txim plaub ntug?
Raws li tsab cai Jury Act tau teev tseg, ces tej neeg uas yog tib tug leej niam leej txi ua tus tab cuab tab yig xwb uas tseem muaj tej me nyuam tseem yau, los yog ib tug twg uas ua ib hom lagluam me uas yog mus koom hais plaub lawm ces yuav muaj teeb meem rau lawv tsev neeg los yog lagluam ces yuav tsis raug txib kom mus koom haus plaub.
Dr Burke tshab txhais tias “Piv txwv li tej kws lij choj ces yuav tsis raug txib kom mus koom ua ib tug neeg pab phua txim plaub ntug,''
“Piv txwv li yus ho yog ib tug emergency doctor los ygo ib tug nurse rau lub caij tseem muaj kab mob kis thoob ntuj (pandemic), ces yus yuav tsis raug txib kom mus koom ua ib tug neeg phua txim plaub ntug. Thiab yog tias yus tseem raug kaw tsev laj cuj los yug tsis muaj peev xwm yuav mus koom ua ib tug neeg koom txiav txim ib rooj plaub thiab.''
Tsis tas li ntawd los kuj muaj lwm cov xwm txheej sib xws li ntawd thiab, piv txwv li ib tug twg uas tsis tshua hnov lus zoo, los yog tus neeg uas muaj ib yam mob loj, los yog tus neeg uas tu saib xyuas tej laus thiab tsis muaj peev xwm cia tej laus lawv nyob lawv ces yog cov yuav raug zam tsis raug txib mus koom hais plaub thiab.
Yog tias koj raug txib mus ua txoj hauj lwm no (Jury duty) lawm, thiab tsis raug zam, tab sis koj ho tsis mus ua ces tej zaum koj kuj yuav raug nplua thiab.
Law Courts in Australia Source: Getty / Frogman1484/Getty Images
Yuav siv sij hawm ntev npaum li cas mus ua txoj hauj lwm no?
Raws li ib txwm pom ces tej neeg raug xaiv mus koom txiav txim ib raooj plaub yeej ua hauj lwm txij li ntawm 7 hnub txog 12 hnub, tab sis tej zaum kuj yuav tau koom ntau yam ntxiv — piv txwv li yog tias tus neeg raug coj mus hais plaub ntawv raug liam tias yog ib cov terrorists — ces ntshe yuav siv ntau hli los yog ib lub xyoos los sis ntev tshaj ntawd thiab.
Txawm li cas los nom tswv yeej xub nug tej neeg yuav mus ua txoj hauj lwm no thaum xub thawj ua ntej tias yog lawv raug xaiv mus ua txoj hauj lwm no puas muaj sij hawm mus koom hais rooj plaub no rau rau ib lub caij ntev twg thiab.
Dr Burke hais tias yog ib tug neeg mus koom hais plaub mloog tau tias lawv tsis muaj peev xwm yuav koom hais rooj plaub uas siv caij nyoog ntev, ces yuav tsum tau qhia rau nom tswv paub thaum ntxov uas tseem tsis tau pib hais rooj plaub ntawd.
Nws hais tias ''Thaum tseem ntxov ua ntej yuav pib hais rooj plaub ntawd ces tus kws txiav txim plaub ntug yeej los piv peb ntsis rau tej neeg yuav mus koom hais plaub thiab pab phua txim rau rooj plaub no tias ''Nod yog tej txim uas peb tsub rau tus neeg no, thiab nod yog tej pov thawj tim khwv uas nej yuav tau mus koom mloog.''
Nws hais ntxiv tias "Thiab lawv yuav hais tias, 'Yog nej xav tias nej tsis muaj peev xwm yuav ua tau txoj hauj lwm no, los yog ua ua tsis tau tus neeg tuaj nruab nrab rau tej pov thawj no ces qhia rau peb paub tam sim no, thiab peb yuav zam rau nej.''
Ho ua dab tsi ntawm tsev hais plaub?
Dr Burke tshab txhais tias thaum uas tau pib hais rooj plaub ntawd lawm, ces tej neeg mus koom hais rooj plaub thiab yuav ua cov phua txim rau rooj plaub ntawd yuav tau mloog tag nrho txhua yam pov thawj tim khawv.
Pawg neeg jury no yuav tsum tau mus koom rooj plaub ntawd thiab txheeb txhua yam pov thawj, thiab mloog tej tim khawv los qhia txog lawv tej pov thawj. Uas yuav pom txhua yam duab, yeeb yaj kiab (videos) los yog DNA...uas yog tej pov thawj ntawd.Dr Andrew Burke, Senior Lecturer, Macquarie Law School
"Tab sis lawv yuav tawm ntawm lub tsev hais plaub ntawv mus rau ib qho chaw twg lawm yog thaum muaj cov kev sib cav txog ib tsab cai twg, thiab thaum sib kho haum lawm ces mam li rov qab los rau chav hais plaub, thiab tus kws txiav txim plaub ntug mam li tshab txhais rau pawg neeg koom hais plaub thiab nrog phua txim rau rooj plaub ntawd tias lawv yuav tsum tau siv tsab cai dab tsi los txiav txiam seb tus neeg raug coj mus hais plaub ntawd puas txhaum los tsis txhaum.''
Pawg neeg txiv txim plaub ntug: Zaj dab neeg - Tas sim neej ntawm taw ntaiv uas tso rau sawv daws saib ntawm SBS thiab SBS On Demand. Source: SBS / SBS
Nws tshab txhais tias "Thaum uas tag nrho tej tim khawv tau tham tag thiab tau qhia txhua yam pov thawj rau tsev hais plaub lawm, ces yog tias muaj tej ntaub ntawv, ces tsev hais plaub yeej yuav muab tej ntaub ntawv cuam tshuam txog rooj plaub ntawd rau pawg neeg mus koom mloog thiab koom phua txim rau tus neeg raug coj mus hais plaub ntawd, thiab tsev hais plaub mam li muab tej ntawv sau los ntawd cov kev hais rooj plaub ntawd lub tsev hais plaub ntawd rau lawv thiab. Ces mam coj lawv mus rau ib chav thiab mam nug kom lawv los ua cov txiav txim rooj plaub ntawd,''
''Ces thiaj yuav siv sij hawm, tej thaum ces 12 tug neeg no yuav siv sij hawm ntau teev los txheeb txhua yam ua tib zoo xyuas kom lawv txaus siab tias seb tus neeg raug coj mus hais plaub ntawd puas txhaum tiag, los sis seb tom qab txheeb tag tej ntaub ntawv thiab pov thawj tim khawv tag lawm ho puas tseem ua rau lawv tsis paub tseeb tias xyov tus neeg ntawd puas txhaum li cas thiab.''
Cov kev phua txim txhaum
Dr Horan hais tias yuav tsum yog ib cov kev phua txim uas muaj tej neeg koom hais plaub no pom zoo feem coob, los sis yog muaj qee cov plaub ntug ces yuav tsum yog 11 tug neeg ntawm 12 tug pom zoo thiab tsuas muaj ib tug tsis pom zoo xwb mas cov kev phua txim no thiaj yuav raug lees paub.
Nws hais tias "Tab sis feem ntau ntawm teb chaws Australia no yog thaum muaj ib rooj plaub loj li plaub tua neeg lawm ces yuav tsum yog tag nrho 12 tug neeg koom hais plaub tias ua cov txiav txim rooj plaub ntawd pom zoo, txawm li cas los muaj tej thaum tsuas muaj 11 tug ntawm 12 tug neeg no pom zoo rau ib cov kev phua txim lawm ces tus kws txiav txim plaub ntug yeej pom zoo lees txais cov kev phua txim rau rooj plaub ntawd lawm.''
Tab sis yog tias pawg neeg raug txib kom mus koom hais plaub ntawd tsis muaj peev xwm pom zoo ces rooj plaub ntawd yuav khuam daig (hung jury) lawm.
"Txhais tias yuav tsum tau rov qab mus hais dua rooj plaub ntawd tshiab. Thiab rov qab pib txhua yam dua ib zaug ntxiv ntawm rooj plaub tshiab ntawd thiab yuav txib ib cov neeg tshiab mus koom hais thiab phua txim rau rooj plaub ntawd.''
Peb puas tau nyiaj thaum ua tej hauj lwm koom txiav txim plaub ntug no?
Tej neeg ua tej hauj lwm no yeej yuav tau nyiaj them rau lawv lub sij hawm (los yog qee zaus them nqe tsheb) rau lub caij lawv mus koom hais ib rooj plaub. Tab sis yuav tau ntau tau tsawg kuj nyob ntawm seb koj nyob rau lub xeev twg, seb puas yog koj ua hauj lwm full time los part tiem los yog ua hauj lwm casual li cas xwb.
Yog tias hais plaub ntev dua ces tej neeg mus koom hais plaub no yuav tau nyiaj ntau dua vim yog tej yam tsis tshua yooj yim rau lawv.
Raws li lub koom haum Fair Work Commission taj cai National Employment Standards teev tseg ces tag nrho tej tswv lagluam yuav tsum tau them nyiaj ntxiv rau lawv tej neeg ua hauj lwm uas yuav tau mus koom hais plaub li tej nyiaj hauj lwm uas lawv khwv tau rau lub caij thawj 10 hnub uas lawv ua tej hauj lwm no, tab sis tej no yeej tsis duav tej neeg ua hauj lwm casual. Vim tej neeg ua hauj lwm casual muaj cai tau cov nyiaj entitlement raws li tej xeev tej cai tau teev tseg.
Dr Horan hais tias "Thiaj yog tej yam uas txhua tus neeg ua hauj lwm tej tswv lagluam yuav tau them nyiaj kom sib npaug li tej uas ib tug neeg ua hauj lwm ib txwm khwv tau los ntawm lawv cov kev ua hauj lwm, tab sis tsuas yog lawv mus koom hais plaub xwb.''
Tej neeg uas raug txib thiab tau mus koom hais plaub thiab txiv txim plaub ntug xav li cas?
Dr Horan hais tias tej neeg feem coob ces thaum xub pib ces yeej muaj cov kev txhawj xeeb rau cov kev yuav mus koom hais plaub thiab txiav txim plaub ntug, tab sis tom qab tuaj ces kuj ris tej txiaj ntsim uas tau mus koom ua tej hauj lwm no thiab.
Vim yog tsawg tsawg zaus ntawm yus lub neej xwb uas yus thiaj tau mus ua ib tug twg txoj hauj lwm rau lub caij ib los yog ob limtiam xwb, tab sis yog tham txog sab seem no lawm, ces tej pej xeem yeej muaj peev xwm ua tau ib tug neeg txiav txim plaub ntug thiab nkag siab tias tej txheej txheem hais plaub ho ua hauj lwm li cas.Jacqui Horan, Associate Professor, Monash University Faculty of Law
"Yog tej yam zoo heev uas yus tau ua ib zaug ntawm yus lub neej xwb. Thiab raws li tau muaj cov kev teeb txheeb tau qhia lawm ces tej neeg uas tau mus ua tej hauj lwm no yeej xav rov qab mus ua dua ib zaug ntxiv thiab.''
airs weekly from Wednesday 6 November at 8.30pm on SBS with each episode then available to stream free on .
Subscribe to or follow the Australia Explained podcast for more valuable information and tips about settling into your new life in Australia.
Do you have any questions or topic ideas? Send us an email to [email protected]
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
