Lus tim tsum: Zaj xov xwm no yog ib zaj ua rau ib txhia nyuaj siab ntxhov plawv.
Aunty Lorraine tseem muaj hnoob nyoog 4 xyoos xwb thaum uas nws raug nyiag ntawm nws lub zos Brewarrina Mission ntawm qaum teb xeev New South Wales.
Ces nws thiaj raug coj mus nyob rau ntawm lub chaw Cootamundra Domestic Training Home for Aboriginal Girls uas sawv daws paub zoo tias tsis tshua zoo rau lub caij 10 xyoo. Lorraine tau hais tias:
"Thaum kuv mus txog ces, kuv tej khaub ncaws uas kuv hnav yeej raug muab pov tseg tag, los yog coj mus hlawv pov tseg. Ces lawv mam li muaj ib co chemicals los ywg yus ... muab yus chais plaub hau do dus. Thiab muab ib txoj txoj hauj lwm rau yus ua, kom yus ntseeg ib co kev ntseeg, thiab muab ib lub txaj rau yus pw,''
"Ces yus yeej mag rau txim kiag tam sim ntawd yog yus tsis coj cwj pwm li neeg dawb ... ces lub tswv yim yog qhia kom peb yog ib tug neeg dawb, hais neeg dawb lus, hnav khaub ncaws dawb thiab coj yam ntxwv neeg dawb,''
"Peb yeej tsis muaj peev xwm tham txog ib tug neeg txum tim Aboriginal li. Ces thiaj muab tej me nyuam hnoob nyoog 4 xyoos ntxuav hlwb, ces sai sai tom qab ntawv tsis ntev ces yus cia li tsis hnov qab txog yus cov neeg Aboriginal li lawm thiab kawm tej neeg dawb tej tswv yim lawm xwb.''
Aunty Lorraine Peeters at the Cootamundra Girls Home. Source: Supplied / The Peeters Family
Nws thiaj raug lub koom haum Stolen Generation Survivors xaiv los los ua tus muab cov iav Coolamon rau Australia tus coj thiab tus coj ntawm lwm pab nom teb chaws tam li yog lub cim qhia txog lawv cov kev vam kev cia siab rau cov kev sib raug zoo tshiab.
Aunty Lorraine thiaj tau hais tias ''Kuav yeej tseem nco ntsoov hnub ntawd.''
"Qhov kuv tau los ntawm cov kev thov txim no ces tsis yog tau rau kuv xwb, tab sis tau rau kuv niam kuv txiv thiab. Nws yeej tau hais lus thov txim rau kuv niam kuv txiv thiab.''
Shannan Dodson uas yog ib tug poj niam neeg txim tim caj ceg neeg Yawuru thiab yog tus coj lub koom haum Healing Foundation uas sawv cev rau lub koom haum Stolen Generations survivors tau hais tias cov kev thov txim no yog ib lub tsam thawj tseem ceeb heev. Nws tau hais tias:
''Thiaj li yog thawj zaug uas tau los hais lus tso tshav lug rau zej tsoom thiab yog cov kev los lees paub ntawm haiv neeg no dua ntawm tsab ntawv cej luam rov qab coj lawv los tsev (Bringing Them Home Report), thiab tej kev raug tsim txom ntawm tej neeg uas tseem muaj txoj sia nyob thiab tej xwm txheej uas lawv tau ua lub neej nyob nrog thiab tau ntxeem dhau.''
Toom xov xwm SBS Examines no qhia txog hnub thov txim sawv cev ntawm haiv neeg (National Apology) rau ntau phaum neeg Stolen Generations, tiab nco txog ib toom keeb kwm phem uas txaus tu siab heev ntawm Australia tej keeb kwm.
Yog tias zaj xov xwm no los yog zaj lus xov xwm no ua rau koj los sis yog ib tug twg nyuaj siab ces kom hu xov tooj thov kev pab cuam nrog lub koom haum Lifeline tus zauv xov tooj 13 11 14 los sis hu tau rau lub koom haum 13YARN tus zauv xov tooj 13 92 76 tau.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum los yog lwm cov podcast platforms (, , thiab ).
