د سویلي آسټرالیا سناتورې فاطمې پیمان نن سهار په رسمي ډول نوی سیاسي ګوند اعلان کړ.
سناتورې پیمان څرګنده کړې چې د هغې ګوند به په ټولو ایالتونو کې د ولسي جرګې او سنا مجلس په ټاکنو کې نوماندان ولري.
هغې ویلي، د 'آسټرالیا غږ' به یو مرکزي ګوند وي چې په "ټولو آسټرالیایانو" تمرکز کوي.
آغلې پیمان د خپل سیاسي ګوند د پالیسۍ پلیټ فارم ندی څرګند کړی، مګر ځینې مسئلې یې په ګوته کړي چې آسټرالیایان ورسره لاس او ګریوان دي لکه د ژوند لګښتونه او د کورونو وړتیا.
Source: Supplied / Supplied/Fatima Payman
د کارګر ګوند له پارلماني ډلې څخه د هغې نوم وروسته له هغې لرې شوی و چې هغې د خپل ګوند د دریځ خلاف په پارلمان کې د فلسطیني دولت رسمیت پیژندلو ته رایه ورکړه.
LISTEN TO
د کرېکټ نړیوالې شورا لا هم د افغانستان د ښځینه کرېکټ لوبغاړو لیک ته ځواب نه دی ورکړی
SBS Pashto
07/10/202404:33
فاطمه پیمان څوک ده؟
فاطمه پیمان په ۱۹۹۵ کال کې د افغانستان په پلازمېنه کابل کې له تاجک پلار او ازبکې مور څخه پیدا شوې ده.
نوموړې په ۲۰۰۳ م کال کې له خپلې مور او ورونو سره آسټرالیا ته راغلې ترڅو له خپل پلار سره یو ځای شي چې په ۱۹۹۹م کال کې آسټرالیا ته راغلی وه.
د آغلې پیمان کورنۍ د لویدیځ آسټرالیا ایالت، د پرت ښار په شمالي سیمو کې میشته شوې. آغلې پیمان په ۲۰۱۸ م کال کې خپل پلار له لاسه ورکړی او له هغې وروسته یې په ژوند کې سختې ورځې لیدلي دي.
LISTEN TO
د آسټراليا بشردوستانه ويزو ته کوم کسان غوښتنليک سپارلى شي؟
SBS Pashto
02/10/202408:58
د اس بي اس پښتو خپرونه دلتهیا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له یا څخه ترلاسه کړئ.
