Iha mundu tomak, mane foin-sa'e sira barak muda ka aliña sira nia-an ba partidu politiku "loos" iha espektru polítiku.
Iha Estadus Unidus, mane hamutuk 56 pursentu ho idade entre 18 to'o 29 maka vota ba Donald Trump kompara ho feto ne'ebe iha 40 pursentu.
Maibé, peritu sira hatete katak iha fatór balun ne'ebé maka difikulta apoiu ba extrema-direita iha ne'e iha Austrália kompara ho rai-li'ur.
Hafoin peskiza kona-ba funsionamentu internu hosi partidu sira extrema-direita nian iha Austrália, peskizadór seniór iha Sentru ba Demokrasia Deliberativa no Governasaun Globál iha Universidade Canberra Jordan McSwinney hatete katak sira ladún organizadu.
"[Kandidatu sira] la nesesariamente satisfeitu ho partidu nia pozisaun, maibé ho maneira partidu nian funsiona."
Votasaun obrigatóriu mós iha papél.
nvestigadór foin-sa'e no dosente iha Governu iha Universidade Flinders Intifar Chowdhury hatete katak ideolojia partidu "loos" sira forte tebes no sira la ladun hetan forte hosi votante moderadu no progresivu sira.
"Hanesan australianu sira ita iha tendénsia atu sai sentradu liu no tanba ne'e maka ladún akontese hanesan iha mundu tomak".
Iha epizódiu ida-ne'e husi Sé maka loos? Sé maka karuk? ita haree ba lakuna jéneru ideolójiku iha Austrália, no oinsá ida-ne'e muda.
