ዕለታዊ ዜና ኤስ ቢ ኤስ ትግርኛ (10 ለካቲት 2025)

ን ሎሚ 10 ለካቲት 2025 ዘዳለናዮ ትሕዝቶ ልኡኽና ዝሰደደልና ጸብጻብ፡ ዕደና ክቡራት መዓድናት ሙሉእ ብሙሉእ ደው ክብል ጊዝያዊ ምምሕዳር ወሲኑ። ፕረዚደንት ኢሳይያስ ኣፈወርቂ፡ ብምኽንያት ጽንብል መበል 35 ዓመት ዝኽሪ ስርሒት ፈንቅል፡ ኣኽሊል ዕምባባ ኣንቢሩ፡ ዳይሬክተር ዓለም ለኸ ትካል ገንዘብ ክርስቲና ጆርጅያ ኣብ ኢትዮጵያ ዝተተግበሩ ቁጠባዊ ሪፎርም ንኢዳ። ድሕሪ ምቍራጽ ሓገዝ ኣመሪካ፡ ጽላት ጥዕና ኢትዮጵያ ዓቢ ክፍተት ኣጋጢምዎ። ሰሙናዊ መደብ ስፖርትን ካልእ ዝተፈላለዩ ትሕዝቶታት ቀሪብና ኣለና ። ኣርእስታት ዜና፥ ግብጺ ፡ "ኣብ ጕዳይ ፍልስጤም ሓድሽ ዝዀነን ሓደገኛን ምዕባለታት" ንዚበለቶ ምንቅስቓስ ንምፍሻል ፡ ኣብ 27 ለካቲት ህጹጽ ኣኼባ ሃገራት ዓረብ ከም እተአንግድ ኣፍሊጣ ። መራሒ ቃልሲ ኣንጻር ኣፓርታይድን ናይ ፈለማ ፕረዚደንት ናሚብያ ፡ ኣብ 95 ዓመት ዕድሚኡ ዓሪፉ ። ሊቨርፑል ኣብ ራብዓይ ዙር ዋንጫ ኤፍ ኤ ካፕ ፡ 1ብ0 ተሳዒራ ።