Key Points
- اگر آپ زخمی یا بیمار جنگلی حیات کا سامنا کرتے ہیں، تو اپنی مقامی وائلڈ لائف ریسکیو سروس سے رابطہ کرکے ماہر کی مدد حاصل کریں۔
- زخمی یا بیمار جنگلی حیات کی مدد کرتے وقت، اپنی اور جانوروں کی حفاظت کو یقینی بنائیں۔
- جانوروں کے ڈاکٹر زخمی اور بیمار جنگلی حیات کا جائزہ لیتے ہیں اور ان کا علاج کرتے ہیں، اور جنگلی حیات کی دیکھ بھال کرنے والے مسلسل دیکھ بھال اور بحالی میں مدد کرتے ہیں۔
آسٹریلیا دنیا کی سب سے متنوع اور دلکش جنگلی حیات کا گھر ہے، جن میں کینگرو، والبیز، وومبٹس، پوسم، مینڈک، پرندے، سانپ اور سمندری جانور شامل ہیں۔
آپ کا سامنا کون سے جانوروں سے ہوتا ہے ، یہ اس بات پر منحصر ہے کہ آپ آسٹریلیا میں کہاں رہتے ہیں، آپ کو نظر آنے والی جنگلی حیات کی انواع ماحول اور جگہ کی مناسبت سے مختلف ہوں گی۔ بدقسمتی سے، جنگلی حیات بعض اوقات گاڑیوں، انفراسٹرکچر، یا قدرتی آفات جیسے آگ یا سیلاب سے بیمار ہو سکتی ہے یا زخمی ہو سکتی ہے۔
اگر آپ زخمی یا بیمار جنگلی حیات کا سامنا کرتے ہیں تو یہ جاننا ضروری ہے کہ محفوظ طریقے سے کس طرح مدد فراہم کی جائے اور ماہر کی مدد کہاں سے لی جائے، تاکہ جنگلی حیات کو علاج، صحت یابی اور جنگل کی زندگی میں واپس جانے کا بہترین موقع فراہم کیا جا سکے۔
Wael laef veterinarian Dr Tania Bishop - WIRES.jpg
آسٹریلیا میں ڈرائیونگ کے دوران، خاص طور پر دیہی علاقوں میں کار سے جنگلی حیات کو دیکھنا کوئی غیر معمولی بات نہیں ہے اور خاص طور پر صبح اور شام کے وقت جب جنگلی حیات زیادہ حرکت میں ہوتے ہیںتانیہ بشپ
" اگر آپ کیمپنگ کر رہے ہیں یا (رہائشی علاقے سے دور ) گھوم پھر رہے ہیں تو جنگلی حیات کا سامنا کرنے کا ایک اچھا موقع ہے، اور آپ جتنے پرسکون ہوں گے، اتنا ہی زیادہ امکان ہوگا کہ آپ کو جنگلی جانور نظر آجائیں ،" ڈاکٹر بشپ کہتی ہیں۔
Stradbroke Island in Queensland, Australia Source: iStockphoto / Kevin LEBRE/Getty Images/iStockphoto
اگر آپ زخمی یا بیمار جنگلی حیات دیکھیں تو ماہر سے مدد لیں۔
سیاحت کے دوران یا عام زندگی میں زخمی یا بیمار جنگلی حیات کا سامنا کرنا پڑ سکتا ہے، خاص طور پر بڑی انواع جیسے کینگرو، وومبٹس یا کوالا۔ ڈاکٹر بشپ تجویز کرتی ہیں کہ ایسی صورت میں جلد از جلد ماہر کی مدد حاصل کریں۔
"یہ مقامی جانوروں کے ڈاکٹر یا مقامی کونسل کے رینجر سے لے کر ٹیلی فون وائلڈ لائف کیئر ہیلپ لائن تک ہو سکتا ہے یا موبائل فون ایپس بھی ہیں جو آپ کا رابطہ جنگلی حیات کے بچاؤ کی ایسی تنظیم سے کروا سکتی ہیں جوجنگلی حیات کو بچائے گی اور اسے ضرورت کے مطابق مناسب دیکھ بھال کے لیے لے جائے گی۔ آسٹریلیا کی ہر ریاست اور علاقے میں وائلڈ لائف ریسکیو اور نگہداشت کی تنظیمیں موجود ہیں، اس لیے آپ اپنی جگہ کے لیے موزوں وائلڈ لائف کیئر ہیلپ لائن کو آن لائن تلاش کر سکتے ہیں۔"
یہ بھی ضروری ہے کہ آپ پہلے اپنی اور دوسروں کی حفاظت پر غور کریں۔
"خاص طور پر اگر آپ کو سڑک کے کنارے جنگلی حیات نظر آتی ہے، تو یہ یقینی بنانا ہمیشہ ضروری ہے کہ آپ اپنی کار کو کسی محفوظ جگہ پر کھڑا کریں جہاں اسے آسانی سے دیکھا جا سکے، اور آپ محفوظ پوزیشن میں ہوں۔ یاد رکھیں کہ ممکن ہے زخمی جنگلی حیات خوفزدہ ہو جائیں اور اپنے دفاع کی کوشش کریں ،‘‘ ڈاکٹر بشپ کہتی ہیں۔
A bettong with a cast and bandage on its fractured leg - WIRES.jpg
یہ ضروری ہے کہ کسی بھی جنگلی حیات سے بہت خاموشی اور سکون سے رابطہ بنائیں تاکہ ان کے تناؤ کو کم کیا جا سکے۔ اگر آپ ایسا محفوظ طریقے سے کر سکتے ہیں تو، اگر ممکن ہو تو جانور کو تولیہ یا کپڑے کی ٹوکری سے ڈھانپیں، کپڑا گرمی اور تناؤ سے کچھ راحت فراہم کرتا ہے لیکن اس کے ذریعے سانس لینا ممکن ہوتا ہے، اور جتنی جلدی ممکن ہو مدد کے لیے کال کریں۔تانیہ بشپ
اگر آپ کا سامنا کسی مردہ مرسوپیئل سے ہوتا ہے، جو کہ ممالیہ جانور کی ایک قسم ہے یہ جانور اپنے بچوں کو جسم سے منسلک قدرتی تھیلی میں رکھتے ہیں - جیسے کینگرو، والبیز، وومبٹس اور پوسم، تو ڈاکٹر بشپ کہتی ہیں کہ بچے کے لیے جانور کے تھیلی کو چیک کرنا ضروری ہے، اگر آپ محفوظ طریقے سے ایسا کر سکتے ہیں۔ .
"تھیلی سے صرف ایک ایسے بچے کو نکالیں جس کے جسم پر واضح طور پر کھال ہو۔ اگر اس کی کھال نہیں ہے تو اسے ایک خصوصی دیکھ بھال کرنے والے کے ذریعہ تیلی سے ہٹانے کی ضرورت ہوگی کیونکہ اس مرحلے پر ان کے منہ عموما قدرتی طور پر بند ہوتے ہیں اور ہٹانے سے شدید نقصان ہوسکتا ہے۔ یہ ضروری ہے کہ ایک جانور کے اس بچھے کو گرم تاریک ماحول میں رکھا جائے اور جلد از جلد ایک دیکھ بھال کرنے والے کے پاس لے جایا جائے کیونکہ یہ بچے اپنی ماؤں کو کھونے پر بہت زیادہ صدمے کا شکار ہوتے ہئیں اور اگر وہ مزید دباؤ کا شکار ہوں تو بہت آسانی سے مر سکتے ہیں۔
اپنی گاڑی میں جنگلی حیات کی ابتدائی طبی امداد کی کٹ رکھیں
ڈاکٹر بشپ کا کہنا ہے کہ کچھ عام طور پر دستیاب گھریلو اشیاء ہیں جو آسانی سے جنگلی حیات کے لیے بنیادی طبی امدادی کٹ کا حصہ بن سکتی ہیں۔
"ایک بہترین وائلڈ لائف فرسٹ ایڈ کٹ میں ایک پرانا موٹا تولیہ شامل ہوگا جس میں پنجوں کے الجھنے کے لیے کوئی ڈھیلے دھاگے نہیں ہیں، ایک گتے کا ڈبہ یا پالتو جانور پالنے والا بکسا اور باغبانی کے موٹے دستانے اور اگر ممکن ہو تو، جانور کے چھوٹے بچے کو محفوظ رکھنے کے لئے تکیے کا غلاف ۔ آپ کو مل سکتا ہے۔"
زخمی جنگلی حیات کو جتنی جلدی ممکن ہو جانوروں کے ڈاکٹر کو ضرور دیکھانا چاہیے۔ قانون کے مطابق صرف لائسنس یافتہ اور تربیت یافتہ جنگلی حیات کی دیکھ بھال کرنے والوں اور جانوروں کے ڈاکٹروں کو آسٹریلیا کی جنگلی حیات کی دیکھ بھال کا اختیار ہے کیونکہ جنگلی جانور کی ضروریات بہت پیچیدہ ہوتی ہیں
A young wallaby under general anaesthetic in a wildlife hospital receiving treatment for a fractured leg - WIRES.jpg
مورگن فلپوٹ وائز کے ساتھ جنگلی حیات کی دیکھ بھال کرتے ہیں وہ ایک دہائی سے زیادہ عرصے سے یہ خدمت انجام دے رہے ہیں ۔
"ہم اپنے فون پر دیکھ بھال کرنے والے کے طور پر ایک پیغام موصول کرتے ہیں جس میں ہمیں زخمی جانور کے بچاؤ کے بارے میں مطلع کیا جاتا ہے۔ اور پھر عام طور پر ہم بچانے والے سے رابطہ کرتے ہیں اور مزید تفصیلات حاصل کرتے ہیں اور وہاں سے ہمارا کام شروع ہو تا ہے کہ کیا ان جانوروں کو واقعی زخم یا بیماری کی تشخیص کے لیے بہت جلد ڈاکٹروں کے پاس جانے کی ضرورت ہے،‘‘ جناب فلپوٹ کہتے ہیں۔
