آسٹریلین سسٹرز کلب اور پاکستانی ویمن ان آسٹریلیا کے زیر انتظام میلبرن میں خواتین کے عالمی دن کے حوالےسے ایک اعزازی تقریب کا انعقاد کیا گیا
Credit: Supplied by Rida Aleem
تقریب کے آغاز میں اسرائیل ۔ حماس جنگ میں بے گناہ جاں بحق ہونے والے افراد کی تکریم کے لئے ایک منٹ کی خاموشی اختیار کی گئی
ایونٹ میں وہ خواتین بھی شامل تھیں جو گھر بیٹھے اپنے ذاتی کاروبار کر رہی ہیں ۔ ان کا کہنا تھا کہ یہ ایونٹ اور اس طرح کی مختلف کاوشیں ان کے کاروبار کو فروغ دینے اور بہتر طریقے سے مشتہر کرنے میں معاون ہیں ۔
تقریب کی مہمان خصوصی مایہ ناز پاکستانی شیف کوکب خواجہ تھیں ۔ انہوں نے آسٹریلیا میں موجود خواتین کی تعریف کرتے ہوئے کہا کہ آسٹریلیا میں مقیم تارکین وطن خواتین زیادہ محنت کش اور ہمت والی ہیں ، جو نہ صرف اپنے گھروں کو بہترین اور منظم انداز میں چلا رہی ہیں بلکہ ساتھ ہی اپنی ملازمتوں اور دیگر امور میں بھی طاق ہیں۔
کوکب خواجہ نے ایس بی ایس اردو سے خصوصی گفتگو میں کہا کہ آج کے تیز رفتار اور جدید دور میں بطورشیف کھانوں میں جدت لانا اور کھانا پکانے کے پروگرام پیش کرنا ماضی کی نسبت زیادہ مشکل ہیں
خولہ فہد اور مریم منور جو اس تقریب کی شریک منظم اور میزبان تھیں ان کا موقف تھا کہ وہ بیرون ملک سے آنے والی طالبات کو ایک پلیٹ فارم فراہم کرنا چاہتی ہیں جہاں یہ طالبات اپنے مسائل، ان کے حل اور تجربے بلا جھجھک ایک دوسرے سے بانٹ سکیں
اس موقع پر پیغام دیتے ہوئے مریم منور نے کہا کہ وہ تارکین وطن خواتین جو تنہا زندگی کی جدوجہد کر رہی ہیں یا وہ خواتین جو گھریلو تشدد اور خانگی مسائل کا سامنا کر رہی ہیں ان کے لئے آسٹریلیا میں بہترین مواقع اور ہر طرح کی معاونت دستیاب ہے۔
پوڈکاسٹ کو سننے کے لئے نیچے دئے اپنے پسندیدہ پوڈ کاسٹ پلیٹ فارم سے سنئے:
