Peb yeej ib txwm cia siab tias muaj ib hnub twg tej zaum peb yuav tau ib pob nyiaj ntau.
Tab sis yog tias peb cov kev npau suav no ho ras los muaj tseeb tiag ne ho yuav zoo li cas?
Tsoom fwv teb chaws tau qhia hnub zwj Kuab (Friday) tias yeej tseem muaj tej nyiaj Medicare benefits ntau tshaj $241 million uas tej neeg tseem tsis tau mus claim.
Bill Shorten uas yog tsoom fwv tus nom tswj dej num pab cuam zej tsoom tau qhia tias tej nyiaj no yog cov neeg Australia coob tshaj 930,000 tus li, tab sis lawv tseem tsis tau qhia lawv tej bank details rau Medicare xwb.
Koj yuav tau nyiaj ntau npaum li cas ntawm Medicare?
Shorten tau hais tias tej nyiaj uas tej neeg tseem tsis tau mus thov ntawd ''kuj tsis yog tej nyiaj tsawg tsawg thiab. Piv txwv li tej zaum ib tug twg kuj yuav tau nyiaj txog li $260 thiab.''
"Thiab kuj muaj ntau txheeb tus neeg kuj yuav tau nyiaj ntau caum txheeb dollars thiab.''
Shorten tau hais tias tej hluas yog cov uas plam tsis tau tej txiaj ntsim no ntau dua yog piv rau lwm cov neeg hnoob nyoog sib txawv.
"Vim yeej muaj tej hluas ntawm phaum neeg Gen Z-ers (Yug txij xyoo 1997 - 2022 uas muaj hnoob nyoog txij 7 - 22 xyoos) txog li 224,000 tus yeej yuav tau ib qho nyiaj twg,'' raws li nws tau hais.
Bill Shorten uas yog tsoom fwv teb chaws tus nom lis dej num pab cuam zej tsoom tau hais tias tej nyiaj Medicare benefits uas tej neeg tseem tsis tau mus claim kuj ''tsis yog tej nyiaj tsawg thiab''. Source: AAP / Lukas Coch
Yuav txheeb li cas thiaj paub tias yus muaj cai tau nyiaj ntawm Medicare
Raws li Shorten hais ces tej txheej txheem mus claim Medicare benefits ces yeej ua tau yooj yim thiab ua tau sai sai xwb.
Nws hais tias ''Yeej thov tau yooj yim xwb. Tsuas yog yus yuav tau xub kub siab siv sij hawm li ntawm 10 ntiag tiv (minutes) mus txheeb xwb.''
Qhov koj yuav tau ua ces yog:
2) Check kom koj phau myGov account txuas tau nrog Medicare,
3) Thiab ua tib zoo xyuas kom koj tej bank details yog tej tshiab uas koj tseem siv tam sim no.
Thaum ua li no tag lawm ces yog tias koj muaj cai tau nyiaj dab tsi ces nyob rau lub sij hawm 3 hnub xwb koj yeej tau rau ntawm koj phau ntawv siv nyiaj (bank account) lawm, raws li Shorten tau hais.
Nws tau ceeb toom rau zej tsoom sawv daws tias kom yuav tau xyuam xim ceev faj tsam raug tej neeg phem siv tej xwm txheej no los dag ntxias yus.
Shorten tau hais tias ''Peb yeej tsis xa ib qho link twg kom nej nyem rau (click) thiab qhib li. Yog li ntawd tsis txhob mus nyem rau ib qho link qhov twg hlo li.''
Cov kev kho Medicare yuav tsum xyuas kom tej neeg zejzog tsiv teb tsaws chaw thiab thoj nam muaj feem koom
Yav lig xyoo 2023, ces tsoom fwv teb chaws tau siv nyiaj $2.5 million los tsim tsa lub koom haum Australian Multicultural Health Collaborative.
Tej nyiaj no yog muab rau lub koom haum sawv cev rau tej zejzog pawg tsawg ntawm teb chaws Australia (Federation of Ethnic Communities Councils of Australia -FECCA) los tsim cov program kom muaj feem koom ntawm tej neeg zejzog coj ntseeg ntau yam kab lis kev cai thiab hais ntau hom lus, kom thiaj paub txog lawv tej kev xav thiab kev tawm tswv yim txog cov kev kho Medicare.
Uas yuav kub siab los tsim ib co program rau lub caij 4 xyoos los daws tej txheej txheem teeb tsa uas tseem muaj cov kev faib cais ntxub ntxaug tsis nyiam lawm tsav neeg, cov kev tsis tau txais vaj huam siab luag rau cov kev kho mob/noj qab nyob zoo, ua ke no los kuj tsim kom muaj txoj kev sib ntseeg siab ntawm tej zejzog thiab nom tswv.
Raws li Rita Prasad-Ildes, uas yog tus managing director ntawm lub koom haum lagluam uas saib xyuas tej koom haum kho mob ntawm tej neeg coj ntseeg ntau yam kab lis kev cai hu ua World Wellness Group hais ces vim cov kev tu ncua rau tej kev sib txuas lus thiab tsis muaj tej xov xwm ua ib hom ntawv twg thiaj tau tab tom ua rau .
LISTEN TO
'Tsis muaj ib tug twg qhia yus tias Medicare ua hauj lwm li cas': Medicas tseem yog tej yam uas coob leej ntau tus tsis paub txog.
SBS News
17/02/202407:23
Nws tau qhia rau SBS News tias "Yog tham txog tej Medicare benefits uas tej neeg tseem tsis tau mus claim, ces lub myGov app yog ib lub tseem ceeb, thiaj tsis yog tej yam ua rau peb ceeb dab tsi [uas peb tseem tiv tej neeg nyiaj],''
Prasad-Ildes tau hais tias cov kev siv tej koom haum uas paub tsis ntsees txog Australia tej neeg coj ntseeg ntau yam kab lis kev cai thiaj yog tej yam tseem ceeb.
Nws tau hais tias "Qhov uas yeej ib txwm siv tau hauj lwm zoo tshaj plaws ces yog ua tib zoo xyuas kom siv tau tej neeg ua hauj lwm kho mob ntawm tej neeg zejzog coj ntseeg ntau yam kab lis kev cai,''
"Thiab cov kev muaj tej xov xwm ua lwm yam ntawv dua ntawm tej xov xwm ua ntawv Askiv los kuj yog tej yam tseem ceeb heev thiab, tab sis qhov tseem ceeb tshaj ntawd mas yog cov kev paub txheeb thiab siv tej system uas sib chab sib chaws heev ntawd,''
"Cov kev qhia qhov tseeb thiab qhia tej no rau sawv daws paub xwb yeej tseem zoo tsis tau txaus, vim rau qhov tej zaum yeej tseem muaj tej neeg coob heev tsis nkag siab tag nrho tej system uas cuam tshuam txog tej Medicare benefits uas tseem tsis tau claim ntawd tias yuav ua li cas ... hais tsi ntsees rau tej uas tseem tsis tau siv lub myGov app.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
