Maiv Xis Thoj hais tias cov kev yuav tsu siv childcare tsis yog yuav cia li tau siv kiag thiab muaj ntau yam yus yuav tau ua.
''Childcare no mas tsis tau siv automatically es nom tswv yuav muab rau nej siv nawb, nej yuav tsum los mus ua ib qho claim li nej yuav tsum thov rau peb tias kuv mus kawm ntawv pes tsawg teev, kuv tus txiv ua hauj lwm npaum no teev, wb tsis muaj sij hawm zov me nyuam, thiab xav kom pab peb, no ces peb (Services Australia) mam li txheeb seb tsim nyog pab nej peb tsawg teev ces mam qhia rau nej,'' raws li Maiv Xis qhia.
Nws tseem qhia ntxiv tias yog yus tsis coj yus tus me nyuam mus hno tshuaj vaccine kom txwm txhua koob ces yuav ua rau yus tsis tau cov nyiaj Family Benefit Part A thiab tsis tau siv cov childcare.
''Yog thaum peb sau ntawv tuaj qhia rau nej tias nej tus me nyuam hno tshuaj vaccine tsis txwm tab sis nej tsis teb tuaj qhia rau peb, thiab peb twb muaj cov nyiaj ntawd txiav lawm, tab sis tom qab tuaj nej mam xa tej xov xwm no tuaj rau peb ces peb tsis them lawm, peb tsuas them rau hnub nej tuaj ntsib peb xwb.''
Tsis tas li ntawd los yog tham txog cov kev siv Medicare lawm ces Maiv Xis kuj xav kom sawv daws kub siab txheeb yus ib co xov xwm qee yam kom teev ntawm yus phau myGov account.
''Tam sim no ces sawv daws siv siv myGov lawm, yog hais txog Medicare ces xav kom nej nco ntsoov check nej cov address (cov chaw nyob) nrog Medicare kom yog, thiab nej cov bank account kom Medicare muaj, es thaum nej mus them nqe kho mob rau tom doctor ces Medicare muab cov nyiaj ntsaws kiag automatically tuaj rau nej es nej thiaj li tsis tau ua claim, ces ob qho tseem ceeb ntawm Medicare ces xyuas kom qhov chaw nyob thiab bank account yog yog xwb mas.''
'Peb pom tau tias tej neeg thoj nam nyuam qhuav tuaj tshiab tsis paub mus nrhiav cov bulk billing (cov free Medicare) siv ces pheej tau them nyiaj kho mob ntau xwb. Peb yeej zoo siab heev yog tias cov kev tau cov free Medicare siv yuav zoo heev rau tej neeg xav tau siv, thiab cov tsis paub lus, yog lawv mus txog ntawm tej chaw kho mob ces cia li siv Medicare card xwb ces thiaj yooj yim rau lawv.'
'Sawv daws yeej siv tau Medicare, yog tias ib tug kws ho mob twg kom yus them nqe kho mob los yog yus claim tau ces Medicare yeej rebate (rov qab thim me ntsis rau yus) xwb. Thiab yeej muaj ib qho family safety net uas teev tias pub yim neeg siv npaum li cas xwb, yog tia yus tsis tau siv dhau qhov limit ntawd no ces yus yeej tseem siv tau Medicare.'
Maiv Xis hais ntxiv tias 'ib qho tseem ceeb ntawm cov kev xav siv childcare ces nej yuav tsum hais rau Services Australia (Centrelink) paub tias vim li cas nej thiaj xav siv cov childcare? Ces nom tswv mam txheeb tias seb tsim nyog yuav pab nej li cas.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
