Tsab xo qhia txog cov kev txwv theem 3 rau ntau lub zos ntawm Melbourne

Tau muaj Melbourne ib cov zos rov qab raug muab txwv rau theem 3 pib txij ib tag hmo hnub zwj Feej (Wednesday) tim 8 July 2020 mus txog ib tag hmo zwj Feej (Wednesday) tim 19 August 2020 lawm.

Ntawm nod yog ib tsab xo tseem ceeb xa rau cov neeg ntawm xeev Victoria.

Vim tab tom muaj neeg kis tau tus kab mob coob ntxiv tuaj ntawm lub xeev no lawm ces thiaj li tau rov qab muab ib co chaw rov qab kaw raws li cov tswv yim theem 3 uas siv los tswj tus kab mob coronavirus no lawm.

Yuav pib siv cov kev txwv theem 3 no txij ib tag hmo (11:59pm AEST) hnub zwj Feej (Wednesday) tim 8 July 2020 mus ces yuav muab cov chaw li haus txuas ntxiv hauv qab no kaw lawm:

• Banyule
• Bayside 
• Boroondara
• Brimbank
• Cardinia
• Casey
• Darebin
• Frankston
• Glen Eira
• Greater Dandenong
• Hobsons Bay
• Hume
• Kingston 
• Knox 
• Manningham 
• Maribyrnong
• Maroondah
• Melbourne
• Melton
• Mitchell Shire
• Monash
• Moonee Valley
• Moreland
• Mornington
• Nillumbik 
• Peninsula 
• Port Phillip
• Stonnington
• Whitehorse
• Whittlesea
• Wyndham
• Yarra
• Yarra Ranges

Yog tias koj yog cov neeg nyob rau tej chaw hais los saum toj no, ces tsuas muaj 4 co laj thawj uas koj muaj cai tawm ntawm koj tsev mus xwb xws li:

• Mus yuav zaub mov noj thiab khoom siv tseem ceeb xwb.
• Mus tu ib tug neeg twg los yog mus zov ib tug neeg twg.
• Mus ua exercise.
• Mus kawm ntawv los yog mus ua tej hauj lwm uas koj tsis muaj peev xwm ua tau ntawm tsev xwb.

Tsis ntev los no yeej tau muaj ib cov lagluam ntawm tej chaw no yeej tau rov qab pib qhib ua lagluam li qub- tsis hais tej chaw ua kom ib ce zoo nkauj, gyms, chaw saib ntawv thiab tej pas da dej-tab sis tam sim no tau rov qab muab tej chaw no kaw tag lawm thiab-tsuas pub tej chaw haus kasfes thiab tej khw noj mov npaj tej khoom noj khoom haus kom tiav ces tej neeg yuav nqa kiag mus los yog coj mus xa rau tej neeg lawm xwb.

Yog li thiaj yuav siv cov kev txwv no mus txog ntua ib tag hmo (11:59 pm AEST) rau hnub zwj Feej (Wednesday) tim 19 lub 8 hli ntuj xyoo 2020 (19 August 2020) lawm.

Yog koj xav tau xov xwm txog cov kev txwv no kom ntxaws ntxiv ces mus txheeb tau ntxiv ntawm:

dhhs.vic.gov.au/coronavirus

.

Download tau lub 

COVIDSafe app

 los siv kom pab Australia tiv thaiv kom txhob muaj neeg kis tau tus kab mob coronavirus no ntxiv.

Tam sim no twb muaj neeg Australian ze txog 6 million tus tau download lub COIDSafe app no los siv lawm tab sis nom tswv Australia yeej xav kom muaj neeg yuav laug txog li ib nrab (10 million) tus download siv mas thiaj siv tau hauj lwm zoo.

READ MORE

Cov tshuaj vaccine coj los kho tus kab mob COVID-19

READ MORE

Lub app coj los tiv thaiv kab mob COVID-19

READ MORE

Tej cai uas tej xeev coj los siv tswj kab mob thoob plaws teb chaws Australia

Tsim nyog koj paug txog tej xo dab tsi rau lub caij muaj tus kab mob coronavirus no tseem sib kis thoob ntuj :

Australia muaj neeg kis tus kab mob COVID-19 li no:

Ntiaj teb muaj neeg kis tau kab mob COVID-19 npaum li no:

Ntiaj teb daim luaj chib lig (World map) qhia tias teb chaws twg kis thiab tas sim neej los ntawm tus kab mob COVID-19 ntau npaum li cas:

---

Tej neeg nyob ntawm nroog Melbourne yuav tsum tau nyob twj ywm hauv tsev li nom tswv tau haias thiab tsuas tawm tsev mus yuav khoom noj khoom haus tseem ceeb, mus kawm ntawv, mus ua hauj lwm, mus ua exercise los yog mus tu saib xyuas lwm tus neeg xwb. Tsis tas li no los nom tswv yeej tau taw qhia kom siv ntaub khwb qhob ncauj thaum lawv mus rau zej tsoom tej chaw thiab. Mus txheeb tau tej xov xwm koj yuav tsum tau paub txog tus kab mob COVID-19 ntawm tej xeev tau ntxiv ntawm no.

Tej neeg nyob ntawm teb chaws Australia yuav tsum nyob kom nrug ntawm lwm tus neeg li 1.5 metres. Thiab mus txheeb ntxiv seb koj lub xeev ho muaj cov kev txwv tsis pub tej neeg sib sau li cas ntxiv.

Yog tias koj tau khaub thuas thiab muaj yam ntxwv mob, ces nyob twj yim hauv tsev thiab npaj hu xov tooj nrog koj tus kws kho mob tham los yog hu rau lub koom haum Coronavirus Health Information Hotline tus xov tooj 1800 020 080 tham seb yuav mus sim seb puas kis tus kab mob coronavirus no tau li cas.

SBS yeej tsim tau cov xov xwm ua 63 hom lus qhia txog tus kab mob no thiab koj muaj peev xwm mus txheeb xyuas tau ntawm sbs.com.au/coronavirus.

Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.