Tam sim no ces yeej muaj neeg qhia rau peb tias tus kab mob --li ua npaws, hnoos qhuav, ua tsis tau pa yooj yim thiab nkees nkees.
Yeej tau muaj ntau cov kev teeb txheeb txog tej xwm txheej uas tej neeg kis tus kab mob COVID-19 no tab sis tsis muaj cov yam ntxwv mob ntawm ntau lub teb chaws li Iceland, Japan, China thiab ntawm teb chaws Australia no.
Raws li tau muaj ib tsab ntawv teeb txheeb ntawm cov kws teeb txheeb hauv teb chaws Suav uas tau coj los cej luam rau hauv phau ntawv xov xwm JAMA Network Open yeej txheeb tau tias ntawm cov neeg mob 78 tus ces yeej muaj txog li 42.3 % yeej yog cov neeg tsis muaj cov yam ntxwv mob no txawm lawv kis tau tus mob COVID-19.
Kuj tau muaj Australia ib cov kws teeb txheeb ntxiv thiab uas tau coj mus cej luam rau hauv phau ntawv xov xwm Thorax yeej pom tau tias muaj 217 tus neeg uas tau caij lub nkoj Greg Mortimer ntawd ces yeej muaj tej neeg no ntau tshaj 8 tus ntawm 10 tus raug sim tau tias kis tau tus kab mob txawm tias lawv yeej tsis muaj ib cov yam ntxwv mob li.
Nod yog thaum New South Wales Heald daim yeeb yaj kiab qhia txog thaum koj mus sim seb puas kis kab mob coronavirus seb lawv ua li cas thiab tom qab koj sim tag koj yuav tsum tau ua dab tsi:
Cov yam ntxwv pre-symptomatic thiab asymptomatic transmission yog dab tsi?
Ntiaj teb lub koom haum tswj kev noj qab haus huv (World Health Organisation-WHO)
Pre-symptomatic ces yog lub caij tom qab kis tau tus mob no lawm ua ntej yuav pib muaj cov yam ntxwv mob.
Tab sis txawm tseem tsis tau muaj cov yam ntxwv mob, los kuj txhais tsis tau tias yuav tsis kis tau rau lwm tus thiab. Vim yeej tau muaj ntau cov kev tshawb fawb txog tej neeg uas kis tau tus mob no rau lub caij li ib hnub txog peb hnub ntawd mas tej neeg no mam li pib muj cov yam ntxwv mob.
Hos hais txog Asymptomatic transmission ces yog lub caij thaum tus neeg kis tau tus kab mob COVID-19 no uas tsis muaj cov yam ntxwv mob pib kis tau rau lwm tus neeg.
Yog li ntawd tej kws paub zoo txog tus kab mob no ho xav li cas rau cov kev tshawb fawb tsis ntev los no?
Zeskais (Professor) Raina MacIntryre uas yog tus coj cov hauj lwm Biosecurity Program ntawm lub chaw teeb txheeb Kirby Institute hais tias ''yeej muaj ntau cov pov thawj qhia tias tej yam ntxwv asymptomatic and presymptomatic infection yeej yog ib cov yam ntxwv pom muaj cuam tshuam nrog tus kab mob COVID-19 no tas mus li.''
Nws teev txog cov kev teeb txheeb txog tej kev tus tsom kwm tej laus neeg thiab lwm cov xwm txheej ua tau ua rau muaj tus kab mob COVID-19 sib kis ntawd ces yeej pom tau tias ''muaj li ntawm 50% los yog ntau tshaj ntawm tej neeg uas kis tau tus kab mob no yeej yog cov neeg tsis muaj yam ntxwv mob li."
Daim yeeb yaj kiab no yuav qhia peb tias yuav siv ntaub npog qhov ncauj li cas thiaj siv yog thiab thiaj tau txais kev nyab xeeb rau peb. Txheeb tau ntawm no ntxiv:
Thaum tseem ntxov lub 5 hlis ntuj ntawd ces lub tsev laus Grant Lodge, ntawm nroog Melbourne lub zos Bacchus Marsh yeej muaj nws ib tug neeg ua hauj lwm uas yeej tsis muaj cov yam ntxwv mob tab sis raug txheeb tau tias kis tau tus mob COVID-19 no thiab.
"Tsis tsim nyog peb pheej yuav sib teev theev txuas ntxiv lawm. Yog li thiaj tsim nyog yuav tau kom tej neeg uas tau mus nrog ib tug twg nyob ua ke ntawm thaj chaw muaj kab mob sib kis, tsis hais yog ntawm lawv tsev neeg los yog ib thaj chaw muaj kab mob sib kis uas raug muab kaw lawm yuav tsum tau mus sim seb puas kis tau tus mob COVID-19 no txawm lawv yuav muaj thiab tsis muaj cov yam ntxwv mob li, tsis li ntawd ces peb yeej yuav tsis muaj peev xwm txheeb tau tej neeg kis tau tus mob no tab sis tseem tsis tau txheeb thiab sim lawv,'' raws li zeskais MacIntryre tau hais.
"Vim tseem yuav tau siv sij hawm li 10 txog 14 hnub mas lawv lub cev thiaj yuav tsim tau cov antibodies los tua tus kab mob no, thiab kuj tsis yog tej yam ua rau peb ceeb dab tsi tias yeej mua cov kev sim tej neeg cov antibodies tsawg heev coj los sim tej neeg rau ib qho chaw uas muaj neeg kis tau tus mob no coob heev li."
Tseem muaj ib txhia kws paub zoo txog tus kab mob no tsis paub zoo txog cov xwm txheej uas tej neeg kis tau tus mob COVID-19 no tab sis tsis muaj tej yam ntxwv mob.
Sanjaya Senanayake uas yog ib tug kws paub zoo txog kab mob sib kis ntawm lub tsev kawm qib siab Australian National University.
Nws tau teev txog ib cov kev tshawb fawb ntawm teb chaws Suav uas tej neeg tau coj los xaus ib cov lus rau hauv lawv tsab ntawv cej luam txog cov neeg kis tau tus mob COVID-19 no tab sis tsis muaj tej yam ntxwv mob hais tias tej zaum tej neeg no tsis cais lawv tus kheej vim rau qhov lawv tsis muaj tej yam ntxwv mob no li.
"Tej kws teeb txheeb yeej tseem tsis tau ua tib zoo txheeb xyuas tias seb ho puas muaj tej neeg kis tau tus mob ntawm tej neeg kis tau tus mob no tab sis tsis muaj yam ntxwv mob no uas tsis cais lawv tus kheej ntawd ntxiv."
Lub 2 hlis ntuj dhau los tsab ntawv cej luam uas koom teeb txheeb ua ke ntawm ntiaj teb lub koom haum tswj kev noj qab haus huv thiab teb chaws Suav kuj txheeb tau tias tej neeg mob uas kis tau tus mob COVID-19 no tab sis tsis muaj yam ntxwv mob feem coob ces yeej muaj cov yam ntxwv mob thaum kawg lawm. Zeskais Senanayake thiaj tsis paub meej tseeb tias tej neeg mob uas lawv tau teeb txheeb txog no puas mob los tsis mob li cas.
"Yog li thiaj tseem muaj qee yam teeb meem li no uas tej kws teeb txheeb uas los saub tsab ntawv cej luam no yeej lees paub txog thiab tias lawv ho muaj peev xwm txheeb tau tej xov xwm txog tej neeg mob COVID-19 uas tsis muaj cov yam ntxwv mob no tau zoo npaum li cas. Puas yog tias txawm lawv tsis mob sab heev tab sis lawv yeej mloog tau tias zoo li yeej tsis xis neej 100% li qub lawm piv txwv tias yog lawv so thiab nyob twj yim ces kuj tsis ua li cas tab sis yeej tsis xav mus ua exercise?''
Tsis tas li no los nws yeej tseem teev txog ''ntau yam ntawm cov neeg kis tau tus mob no tab sis tsis muaj cov yam ntxwv mob ntawm ntau cov kev tshawb fwb'' tias tseem tsis tau muaj cov kev nkag siab ntxaws txog tej neeg kis tau tus mob COVID-19 no tab sis tsis muaj tej yam ntxwv mob no.
Teb chaws Iceland yeej txheeb tau tias ntawm yeej muaj tej neeg kis tau tus mob COVID-19 uas tsis muaj cov yam ntxwv mob txog li 50%, hos ntawm teb chaws Japan ces muaj txog li 30.8% diam, tab sis nyob rau ib cov kev teeb txheeb txawv cov kev teeb txheeb no ces Suav kuj txheeb tau tias muaj cov neeg mob li hais no txog li 80% diam thiab.
"Thiaj yog tej yam peb tsis paub tias qhov twg thiaj yog qhov tseeb tiag. Thiab txawm tias ze rau qhov peb yuav totaub txog qee cov neeg kis tau tus mob COVID-19 no es tsis muaj tej yam ntxwv mob me ntsi lawm los, peb yeej tseem tsis tau paub zoo tias ho puas muaj teeb meem li cas rau tej neeg no kis tus mob no ntxiv tau rau lwm tus li cas, piv txwv li seb tej neeg no ho puas kis tau tus mob no rau ib pawg neeg tsawg tsawg ntxiv los yog kis tau tus mob no rau ib cov neeg coob heev txuas ntxiv li cas thiab?"
"Hais tau tias, txhua txhua tus neeg mob uas kis tau tus mob COVID-19 ces yeej muaj 4 tug neeg mob twg yeej tsis muaj cov yam ntxwv mob li."
Zeskais Ivo Mueller yog ib tug kws paub zoo txog cov kab mob sib kis ntawm lub chaw teeb txheeb Walter and Eliza Hall Institute of Medical Research tau txhab txhais tias cov kev nkag siab txog tias muaj tej neeg kis tau tus mob COVID-19 no tab sis tsis muaj cov yam ntxwv mob ntawd hos puas sib kis tau rau lwm tus ntxiv li cas ntawd yog ib co tseem ceeb heev yuav pab kom peb zoo tshaj qub ntxiv txog tej neeg uas kis tau tus kab mob virus no, tab sis ''kuj yuav muaj teeb meem tau rau peb cov kev kwv yees tias cov kab mob COVID-19 no ho sib kis li cas rau ntau hli ntxiv no thiab."
"Thiab peb ho muaj cov tswv yim dab tsi los daws tus kab mob no uas yog ib cov tseem ceeb tshaj plaws yuav los tiv thaiv kom txhob muaj neeg rov qab kis tau cov kab mob coronavirus no ua zaum ob ntxiv los yog kom tej neeg txhob tas sim neej ntxiv," raws li nws tau hais.
Yog li cov kev teeb txheeb txog tej neeg uas kis tau tus mob COVID-19 no ntawm lub nkoj Greg Mortimer uas muaj neeg Australia 96 tus ntawm tag nrho 217 tus uas caij lub nkoj no ces yeej txheeb tau tais muaj 128 tus raug txheeb tau tias kis tau tus kab mob COVID-19. Ntawm tej neeg uas kis tau tus kab mob virus ntawd ces yeej muaj 104 tug yeej tsis muaj cov yam ntxwv mob no li--uas yog muab xam ua feem pua lawm ces twb yog 81% ntawm tej neeg uas raug sim uas kis tau tus kab mob no.
"Hais tau tias, txhua txhua tus neeg mob uas kis tau tus mob COVID-19 ces yeej muaj 4 tug neeg mob twg yeej tsis muaj cov yam ntxwv mob li. Yog tias tseem rov qab muaj tej xwm txheej zoo li no tshwm sim dua ntxiv rau lwm qhov chaw thiab ces, txhais tau tais ntau lub teb chaws tsuas sim tej neeg ua muaj cov yam ntxwv mob xwb, qhov tseeb ntawm tej neeg kis tau tu mob no tej zaum ntshe tseem yuav mob coob tshaj 5 npaug ntawm tej neeg mob ua raug cej luam tam sim no,'' raws li zeskais Mueller tau hais.
Prof Mueller hasi tias cov kev los txheeb kom 'tau qhov tseeb txog cov kev sib kis tus kab mob no ntawm tej neeg txhua cov hnoob nyoog uas tsis muaj cov yam ntxwv mob ntawd yuav tsum yog ib cov hauj lwm tseem ceeb tshaj plaws uas yuav tau xub xub kub siab los xyuas ua ntej kom sai."
NYEEM NTXIV:
Download tau lub coj los nruab rau koj lub xov tooj ntawm tes kom pab Australia tiv thaiv tau kom txhob muaj neeg kis tau tus kab mob coronavirus COVID-19 no ntxiv lawm.
Tam sim no twb muaj neeg Australian ze txog 6 million tus tau download lub COIDSafe app no los siv lawm tab sis nom tswv Australia yeej xav kom muaj neeg yuav laug txog li ib nrab (10 million) tus download siv mas thiaj siv tau hauj lwm zoo.
Tsim nyog koj paug txog tej xo dab tsi rau lub caij muaj tus kab mob coronavirus no tseem sib kis thoob ntuj :
Australia muaj neeg kis tus kab mob COVID-19 li no:
Ntiaj teb muaj neeg kis tau kab mob COVID-19 npaum li no:
Ntiaj teb daim luaj chib lig (World map) qhia tias teb chaws twg kis thiab tas sim neej los ntawm tus kab mob COVID-19 ntau npaum li cas:
