Ntsiab lus tseem ceeb:
- Bankruptcy tsuas xaus rau lub caij peb xyoos xwb tab sis tseem muaj ntau yam teeb meem cuam tshuam ntev tshaj ntawd thiab.
- Bankruptcy tsis yog ib co xwm txheej yuav pab kom yus dim ntawm tag nrho yus tej nuj nqes.
- Thiaj ib txwm xav kom nrhiav kev sab laj nrog tej neeg paub sab laj tawm tswv yim txog phab nyiaj txiaj.
Bankruptcy ces yog ib co txheej txheej raws cai uas yuav pab kom koj muaj peev xwm rov qab los tswj tau koj tej nyiaj txiaj thiab pab kom koj ntxeem dhau ntawm koj tej nuj nqes ntau yam. Tsis tas li ntawd los kuj yuav pab kom koj rov qab ib ua tau ib yam dab tsi tshiab thiab.
Koj muaj peev xwm yeem thaj bankrupt los yog ib lub tsev txiav txim plaub ntug twg muaj peev xwm ua tus txiav txim tias koj bankrupted yog tias tus neeg qev nyiaj rau koj - tus neeg koj tiv nuj nqes hais kom koj ua.
Thiab tej zaum kuj yuav yog ib kauj ruam zoo. Txawm li cas los bankruptcy yeej yuav ua rau muaj ntau yam tsis zoo thiab cuam tshuam txog cov kev raug lwm tus ntaus nqe yuam kev nrog thiab.
Clare Corrigan uas yog ib tug Registered Trustee rau cov hauj lwm Bankruptcy yeej xav kom yus xam pom kom nthuav dav tshaj cov kev raug lwm tus ntaus nqe tsis zoo no thiab kom xam tias yog ib cov kev pab kom muaj kev tso tsiab me ntsis rau phab nyiaj txiaj rau tej neeg uas txim nyem nyiaj txiaj heev.
Nws hais tias “Yeej muaj tej neeg feem coob ntau dua feem tsawg uas sau daim bankruptcy form ntawd tau ua los tsis yog tim lawv cov kev txawm dab tsi tab sis tim txom nyem nyiaj txiaj vim muaj lwm yam sab nrauv cuam tshuam.”
Tsim nyog yuav muab cov bankruptcy no saib tam li yog ib kauj ruam muaj tsab peev xwm rau yav tom ntej kom npaj tau lub neej pem suab rau pab nyiaj txiaj tshiab, hais tsi ntsees rau cov kev tau txais kev pab cuam los ntawm tej neeg paub zoo txog tej hauj lwm no, tsis yog cuam tshuam txog cov kev yuav tau los ua raws kev raws cai xwb tab sis kuj yog tej yam pab rau yus txoj kev xav thiab.Clare Corrigan, Registered Trustee in Bankruptcy
Ua ntej koj yuav sau daim ntawv bankruptcy
Ces xav kom koj mus txheeb xyuas lwm txoj xub ke raws kev raws cai uas koj muaj peev xwm ua tau raws li tsab cai Bankruptcy Act thiab.
Cov kev pom zoo txog koj tej nuj nqes
Cov kev pom zoo rau koj tej nuj nqes yuav tso cai rau koj maj mam them koj tej nuj nqes rov qab kom tag, feem ntau mas siv caij li ntawm peb txog tsib xyoos los yog ib co txheej txheem pab kom koj tsis txhob bankrupt.
Ces thiaj yuav muaj ib tug neeg tswj tej hauj lwm no yuav sib khom nrog koj thiab tus neeg uas koj tseem tiv nuj nqes, uas tej zaum nws kuj yuav pom zoo txo yus tej nuj qes thiab npaj ib co tswv yim tias yus ho yuav them tej nuj nqes ntawd rov qab li cas.
Yog tham rau coob leej ntau tus lawm ces yog thaum yus tej lagluam ntog mus tsis tau (bankrupt) lawm ces yuav ua rau yus poob ntsej muag rau phab nyiaj txiaj thiab raug lwm tus ntau nqe yuam kev, tab sis muaj qee zaus ces kuj tsuas yog tib txoj xub ke yus ua tau coj los pab daws yus tej kev nyuaj siab rau phab nyiaj txiaj xwb thiab. Credit: gahsoon/Getty Images
PIA ces yog ib co kev pom zoo raws kev raws cai ntawm yus thiab tus neeg yus tiv nuj nqes. Uas yus sib khom kom npaj tau ib co tswv yim them tau tej nuj nqes no rov qab raws li qhov yus muaj peev xwm them rau lub caij li ntawm peb txog tsib xyoos kom them tag.
Ces thiaj cuam tshuam txog cov kev teeb tsa ib tug trustee. Thiab yus yuav tau them ib co nqe rau cov kev los npaj tej tswv yim uas yuav them tej nuj nqe no rov qab.
Nrhiav kev pab sab laj txog phab nyiaj txiaj (financial counselling)
Sarah Megginson yog ib tug kws paub zoo txog phab nyiaj txiaj ntawm lub koom haum Finder taw qhia tias cov kev sau daim ntawv
bankruptcy yuav ua rau muaj teeb meem nyuaj ntau yam, yog li thiaj xav kom nrhiav kev sab laj nrog tej neeg sab laj nyiaj txiaj (financial counsellors) ua ntej yuav txiav txim siab ua ib yam dab tsi.
Lub koom haum yeej muaj cov kev pab cuam txij hnub zwj Hli (Monday) txog hnub zwj Kuab (Friday) ntawm nws tus xov tooj 1800 007 007. Thiab nws yeej muaj tej neeg paub sab laj txog nyiaj txiaj uas yuav sab laj seb ho muaj tej xub ke pab yus li cas.
Ms Megginson thiaj hais tias “Lawv yeej yog ib lub koom haum pab zej tsoom tuaj nruab nrab tsis nce rau tog twg, thiab yeej ib txwm yog cov kev pab cuam pub dawb, thiab yeej tsis coj yus tej xov xwm mus qhia rau lwm tus thiab kuv yeej ib txwm taw qhia kom tej neeg mus ab laj nrog lawv.”
Tej txheej txheem
Lub koom haum (AFSA) yog lub koom haum tswj cov txheej txheem bankruptcy.
Thiab yeej muaj peev xwm sau tau cov bankruptcy form hauv online ntawm AFSA lub vas sab (website). Ces txuas ntxiv ntawd lawv mam li txheeb yus daim ntawv.
Ms Corrigan hais tias “Yog tias lawv lees txheeb yus daim ntawv tias yus ua tsis tau lagluam ntxiv lawm no ces txij thaum ntawv kiag mus, ces lawv yuav muaj ib cov kev pov puag yus ntawm tus neeg yus tseem tiv nuj nqe uas yuav pab kom yus rov qab musj peev xwm los ua tau lwm yam kom rov qab khwv tau nyiaj dua.”
Ces tom qab ntawd yuav musj ib tug trustee los nrog xyuas tus neeg ua tsis tau lagluam (banruptee) uas yuav ua tib zoo xyuas kom txhua tog tau txais txiaj ntsim, suav tus neeg yus tiv nuj nqe nrog, kom muaj kev sawv cev ncaj ncees tib yam.
Tej trustees no los kuj yuav los txheeb txog tus neeg ua tsis taus lagluam ntxiv no tej nyiaj txiaj, thiab los txheeb txog lawv cov kev siv nyiaj, thiab yuav muag tej peev txheej uas tus neeg ua tsis tau lagluam ntawd muaj coj los them nws tej nuj nqes.
Ms Corrigan thiaj hais tias “Peb kuj muab ib co xov xwm rau tej neeg ntiag tug uas ua tsis taus lagluam ntxiv pab qhia rau lawv tias lawv ho muaj tej cai dab tsi thiab ho muaj tej luag hauj lwm dab tsi yuav tau ua rau lub caij bankruptcy ntawd.”
Bankruptcy tsuas xaus rau lub caij peb xyoos thiab ib hnub xwb, tab sis yeej tseem muaj ntau yam teeb meem nyuaj ntev tshaj ntawd thiab. Credit: Vladimir Vladimirov/Getty Images
Bankruptcy yuav ua rau muaj teeb meem dab tsi rau koj lub neej?
Lub caij bankruptcy tsuas xaus rau lub sij hawm peb xyoos thiab ib hnub xwb, tab sis tseem yuav muaj ntau yam teeb meem ntev tshaj ntawd thiab los kuj tau.
Vim yus yuav raug teev rau hauv lub koom haum National Personal Insolvency Index, ces thiaj yuav ua rau muaj teeb meem rau yus cov
credit rating thiab yus cov kev rov qab musj peev xwm mus qev/txais tau nyiaj los siv txawm tias tom qab lub caij bankruptcy tau dhau mus lawm. Tsis tas li ntawd los tej zaum kuj yuav ua rau yus tsis tau txais qee yam kev ywj pheej thiab.
Matthew uas yog ib tug txwv lagluam me yeej txheeb tau tias cov xwm txheej ua tsis taus lagluam txuas ntxiv (bankruptcy) tau ua rau muaj teeb meem rau nws cov kev musj peev xwm mus ntoj ncig txawv teb chaws li cas.
Nws hais tias “Qhov tseem ceeb uas ua rau kuv txhawj xeeb tshaj ces thaum kuv tau qhia tias kuv ua tsis taus lagluam txuas ntxiv lawm ces ntshe yuav ua rau kuv tsis muaj peev xwm mus xyuas tau kuv tus ntxhais lawm. Vim nws nyob ntawm teb chaws Philippines.”
Thaum koj qhia rau nom tswv paub tias koj ua tsis tau lagluam txuas ntxiv (lagluam ntog - bankrupt) lawm ces yuav ua rau koj tsis muaj peev xwm mus ntoj ncig txawv teb chaws raws siab xav li thaum twg yus xav mus los mus tau lawm. Yus yuav tau xub thov kev tso cai los ntawm tus neeg bankruptcy trustee ua ntej tso.Matthew, small business owner
Bankruptcy yeej tsis muaj teeb meem dab tsi rau yus cov kev muaj peev ua tau hauj lwm, thiab tsis tas qhia tej no rau yus tus tswv lagluam paub. Tab sis yeej tseem muaj qee co lagluam twg, li tej lagluam teev ntaub ntawv nyiaj txiaj, los yog cai lij choj ntawd yeej hais kom yus yuav tau qhia rau tsoom fwv lub tuam chav cuam tshuam los yog lub koom haum tswj cov lagluam ntawd paub thiab sab laj txog yus tej ntaub ntawv tso cai ua tau cov lagluam ntawd los yog cov kev ua tub koom siab nrog lub koom haum ntawd thiab.
Ces ib tug neeg ua tsis tau lagluam txuas ntxiv (lagluam ntog - bankruptee) thiaj tsis muaj peev xwm yuav tswj ib lub tuam txhab lagluam twg yam tsis tau txais kev tso cai ntawm tsev hais plaub los yog raug txwv tsis pub ua zej tsoom ib co hauj lwm twg.
Thiab li Matthew yeej txheeb tau lawm tias, tej zaum yus kuj yuav raug txwv qee yam yog yus tseem tab tom ua ib yam lagluam dab tsi.
Nws hais tias “Kuv tsis muaj peev xwm yuav tau cov public liability insurance los yog qhib ib co accounts siv thiab tsis pub muaj cov kev sib khom pom zoo nrog tej suppliers tias yuav siv nyiaj yuav khoom ntawm lawv npaum li cas. Thiab kuv yuav tau siv nyiaj ntsuab coj los them kiag ua ntej rau txhua yam xwb.”
Tsis tas li ntawd los tej credit reporting agencies los yeej tseem teev yus cov bankruptcy rau lub sij hawm tsib xyoos pib txij li hnub yus bankrupted los yog tom qab ob xyoos uas tau xaus lub sij hawm bankruptcy lawm thiab.
Lub caij bankruptcy tag sij hawm rau peb xyoos thiab ib hnub, tab sis yeej tseem muaj ntau yam teeb meem nyuaj ntev tshaj ntawv rau yus thiab. Credit: courtneyk/Getty Images
Puas yog cov bankruptcy yuav pab kom yus dim tag nrho ntawm yus tej nuj nqes?
Teb yooj yooj yim thiab pab tsis tau.
Tab sis tsuas pab kom yus dim tes me ntsis rau tej nuj nqes uas tsis tas siv peev txheej dab tsi los zoj (unsecured debts) li tej credit cards, tej nqe kho mob thiab tej nyiaj qev los siv xwb.
Ces tej zaum yus tus trustee kuj yuav muag yus tej peev txheej kom tau nyiaj coj los them tej neeg uas yus tseem tiv nuj nqe. Ua raws li ib txwm pom mas yus yeej tseem muaj peev xwm tau tej khoom cuab yeej cuab tim, tej twj ua lagluam, los yog ib lub tsheb uas tseem muaj nqe me ntsis
Lub koom haum yeej muaj cov kev pab cuam txij hnub zwj Hli (Monday) txog hnub zwj Kuab (Friday) ntawm tus xov tooj 1800 007 007. Thiab yog koj xav tau txais kev pab cuam rau tej xwm txheej ti tes ti taw ces hu tau rau lub koom haum Lifeline tus xov tooj 11 13 14.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Download
thiab caum
