ကညီဘၣ်ကီဘၣ်ခဲဒဲကဝီၤသ့ၣ်တဖၣ် ဆူၣ်ချ့တၢ်အံးထွဲကွၢ်ထွဲန့ၣ် ဘၣ်တၢ်ဆီၣ်ထွဲမၤစၢၤအီၤလၢ International Rescue Committee (IRC) လၢအမ့ၢ်တၢ်ကရၢကရိလၢအဒိးန့ၢ်ဘၣ်ကျိၣ်စ့ တၢ်မၤစၢၤလၢ (USAID) အအိၣ်အဃိ တၢ်ဆီတလဲအံၤ ဒုးအိၣ်ထီၣ်တၢ်ဘၣ်ဒိဘၣ်ထံးဒီးကညီဘၣ်ကီဘၣ်ခဲဆူၣ်ချ့တၢ်အံးထွဲကွၢ်ထွဲသနၢၣ်သ့ၣ်တဖၣ်န့ၣ်လီၤ.
မ့ၢ်လၢတၢ်ဂ့ၢ်ကီသ့ၣ်တဖၣ်အံၤအဃိ ခဲကနံၣ်အံၤ ကညီဘျၢထံခရံာ်ဖိတဝၢလၢအအိၣ်ဖဲကီၢ်အီစထြ့လယါပူၤသ့ၣ်တဖၣ် ကျဲးစၢးဃုထၢဝဲတိၢ်မၤဘူၣ်ဒ်သိးကကဲထီၣ်တၢ်မၤစၢၤတဆံးတက့ၢ် လၢဘၣ်ကီဘၣ်ခဲဒဲကဝီၤဆူၣ်ချ့တၢ်အံးထွဲကွၢ်ထွဲအဂီၢ်န့ၣ်လီၤ.
တၢ်ဃုထၢတိၢ်မၤဘူၣ်လၢပှၤဘၣ်ကီဘၣ်ခဲဆူၣ်ချ့အဂီၢ်အတၢ်ရဲၣ်တၢ်ကျဲၤအံၤစးထီၣ်အသးဒ်လဲၣ်ဒီး မတၤတဂၤသ့ၣ်တဖၣ်တီခိၣ်ရိၤမဲရဲၣ်ကျဲၤအီၤလဲၣ်န့ၣ် SBS ကညီကျိာ်တၢ်ရဲၣ်တၢ်ကျဲၤ ကတိၤသကိးတၢ်ဒီး သရၣ်ဒိၣ်က့လ်မိၣ်ဒွဲၣ် လၢအကွၢ်တၢ်အိၣ်ဖှိၣ်ဖဲဝ့ၢ်ရဘံၢ်ကညီဘျၢထံတၢ်အိၣ်ဖှိၣ် (Werribee Karen Baptist Church) ဒီး မ့ၢ်စ့ၢ်ကီးပှၤနဲၣ်တၢ်တဂၤဖဲအီစထြ့လယါကီၢ်ကညီဘျၢထံတၢ်အိၣ်ဖှိၣ်ဖိတၢ်အိၣ်ဖှိၣ် (Karen Baptist Churches of Australia) န့ၣ်လီၤ.
သရၣ်ဒိၣ်က့လ်မိၣ်ဒွဲၣ် စးထီၣ်ရှဲပၠးပှၤလၢတၢ်ဂ့ၢ်တၢ်ကျိၤသ့ၣ်တဖၣ်ဒ်အံၤန့ၣ်လီၤ.
