Pontu Chave sira:
- Bainhira ita-boot publika hakerek,fahe imajen, vídeo no múzika iha mídia sosiál ida-ne'e automatikamente kobre ona hosi direitu autór nian ka copyright.
- Direitu autór ka copyright limita oinsa ita atu fahe ema ida nia serbisu.
- Konteúdu bele fahe tuir “Fair dealing (negósiu ne'ebé justu) ho Creative Commons licences.
- Violasaun direitu autór ka copryright nian bele rezulta iha taka konta no penalidade finanseira sira.
Direitu autór ka copyright, hanesan tipu protesaun legál ida ne'ebé aplika ba obra kriativu sira hanesan hakerek, fotografia, múzika no vídeo sira. Ida-ne'e fó direitu ba kriadór (content creator) atu uza iha maneira balu hanesan fahe sira nia konteidu iha mídia sosiál.
Ida-ne'e mós prevene ita atu uza ema ida nia serbisu lahó sira nia lisensa.
Advogadu mídia sosiál Tegan Boorman hatete katak "La presiza rejista direitu autór (copyright) nian iha Austrália—ne'e gratuitu no automátiku".
Sra. Boorman haktuir “Bainhira ema publika iha mídia sosiál entaun direitu autór (copyright) nian jeralmente sei subsiste iha buat sira hanesan obra literária, dramátika, muzikál no artístika,".
"Entaun fotografia ida jeralmente sei konsidera hanesan obra artístika ida, no na'in ba direitu autór nian jeralmente maka autór ba obra ne'e."
Saida maka ita-boot konkorda iha mídia sosiál?
Plataforma mídia sosiál sira iha sira nia termu no kondisaun rasik ne'ebé maka titulár konta nian konkorda bainhira tama—hanesan funsionalidade fahe nian.
Kriadór konteúdu nian konkorda atu ema seluk fahe sira nia serbisu iha plataforma ne'ebá, enkuantu mantein propriedade ba sira nia direitu autór nian. Konfigurasaun sira mós bele ajusta atu prevene fahe..
Porezemplu Facebook no Instagram permite ita-boot atu fahe konteúdu iha plataforma sira-ne'e tanba sira na'in-rua maka Meta nia na'in. Ida-ne'e signifika katak se ita-boot fahe serbisu hosi titulár konta seluk nian, plataforma sei fó kréditu automatikamente ba sira.
Maibé, ida ne'e la simplesmente hatama ema ida nia konteúdu iha li'ur plataforma ba ita-boot nia rede sosiál.
Plataforma nia termu no kondisaun sira normalmente sei ezije ita-boot atu iha direitu apropriadu sira atu halo ida-ne'e—katak, ita-boot tenke sai kriadór ba obra, ka hetan ona lisensa hosi kriadór atu uza sira nia obra.
Konteúdu bele fahe tuir lisensa negósiu justu "fair dealing" ka Creative Commons licences. Source: iStockphoto / anyaberkut/Getty Images/iStockphoto
Sempre fó kréditu
Direitu autór nian iha fatin atu proteje kriadór, nune'e komunikasaun no atribuisaun simples sei prevene maioria violasaun direitu autór nian.
Iha kazu artista no profesór arte vizuál Paul Murray, nia obra arte nian publika iha mídia sosiál lahó nia konsentimentu no viola nia direitu autór nian.
Sr.Murray hatete "Ema ida-ne'e tuir ha'u nia espozisaun ida no hasai fotografia sira ho kualidade ladi'ak tebes hosi ha'u nia serbisu,".
Sira publika iha Facebook ho títulu ne'ebé laloos. Sira hakerek ha'u nia naran ho sala maibé aat liu tan maka sira aprezenta iha kontextu ida ne'ebé sobu ha'u nia intensaun, kona-ba espozisaun tomak.Paul Murray, Profesór iha arte vizuál
Sr. Murray relata ba Facebook hodi depois sira hasai post ida-ne'e.
Se ita-boot hakarak fahe ema ida nia serbisu, di'ak liu kontaktu sira liuhosi plataforma no husu oinsá sira hakarak atu hetan atribuisaun. Se sira maka influensiadór ida, porezemplu, ita-boot bele kontaktu sira nia jestaun.
Iha kazu barak, kriadór sei ezije de'it atu ita-boot tau tag ba sira nia naran utilizadór hodi liga fali ba sira nia konta.
Ita bele uza konteúdu ruma lahó lisensa?
Iha exesaun balu tuir Lei Direitu Autor Austrália nian ne'ebé permite ita-boot atu uza ema seluk nia materiál lahó viola sira nia direitu autór.
Exesaun ida hanesan ne'e maka tuir lei 'tratamentu justu'. Ida-ne'e permite ita-boot atu uza ema ida nia materiál lahó sira nia lisensa espresa, bainhira ida-ne'e ba objetivu la'ós komersiál no iha interese públiku. Ida-ne'e bele ba:
- Notisia
- Peskiza
- Edukasaun
- Paródia no sátira
Bele mós ho seguru atu fahe ema ida nia konteúdu kriativu tuir saida maka hanaran Creative Commons licence. Ida-ne'e kolesaun ida hosi materiál ne'ebé hetan protesaun hosi direitu autór nian. ne'ebé hetan iha online.
Maski konteúdu ne'e disponivel atu uza lahó lisensa, tuir lisensa Creative Commons nian kriadór nafatin iha direitu autór nian, nune'e ita-boot sei presiza fó kréditu ba sira.
Iha lisensa Creative Commons oioin, nune'e asegura katak ida-ne'e tuir ita-boot nia objetivu.
Alex Solo hanesan ko-fundadór ba servisu legál Sprintlaw nian. Nia hatete katak tuir tipu ida hosi lisensa Creative Commons nian nia bele publika nia fotografia sira iha liña no enkoraja ema sira atu uza ida-ne'e, maibé de'it ba uzu pesoál, la'ós komersiál. Se ema ruma hakarak uza ida-ne'e komersialmente, sira presiza selu.
"Konserteza ami enkoraja kriadór konteúdu barak ka utilizadór sira hosi konteúdu seluk atu verifika lisensa sira," dehan Sr. Solo, "no se iha Creative Commons ne'ebé luan atu permite sira atu uza, ida-ne'e bele sai solusaun di'ak tebes atu iha atu husu lisensa beibeik.”
Atu uza imajen Creative Commons, buka iha Google Images, buka opsaun ‘Tools’ no depois hili ‘Creative Commons Licences’.
Sinkroniza múzika ba ita-boot nia vídeo sira
To'o foin lalais ne'e ami presiza artista nia lisensa atu sinkroniza sira nia múzika ho ami nia imajen no vídeo sira—ne'ebé normalmente imposivel atu hetan.
Atu evita ida-ne'e, plataforma sira hanesan Instagram no TikTok agora oferese biblioteka múzika nian ne'ebé inkorporadu ho akordu artista luan sira ne'ebé iha ona
Se ida-ne'e la'ós iha biblioteka múzika nian no ita-boot uza múzika fora hosi plataforma, ita-boot presiza nafatin lisensa hosi artista.
Hasai foto ba progresu husi ita-boot nia serbisu. Credit: LeoPatrizi/Getty Images
La enkoraja ema seluk atu kopia ita-boot nia serbisu
Ita-boot bele fó hanoin ba ema katak ida-ne'e ita-boot nia serbisu hodi aumenta símbolu direitu autór nian—letra C iha sírkulu ida nia laran—ka avizu ida hanesan ‘labele uza lahó ha'u nia lisensa’ iha ita-boot nia post sira.
Paul Murray uza estratéjia lubuk ida atu proteje obra arte nian.
Sr. Murray dehan "Primeiru, keta publika imajen ho rezolusaun aas hosi obra tomak,".
“Segundu ita-boot bele watermark ba obra uza Photoshop ka watermark tools sira seluk. Terseiru, ita-boot bele asegura katak ita-boot inklui de'it detalle ida hosi serbisu, la'ós serbisu tomak.”.”
Ita-boot mós bele publika imajen sira ne'ebé maka sei hala'o daudaun hodi prova katak ita-boot maka kriadór, maski plataforma barak liu iha karimbu data nian.
Sr. Solo husu ba kriadór konteúdu hotu-hotu atu monitoriza sira nia serbisu rasik.
Ita-boot bele halo peskiza imajen inversu Google nian no haree de'it fatin hotu-hotu ne'ebé ita-boot nia imajen sira uza ona no kontaktu ema sira-ne'e; ita-boot bele buka fragmentu sira hosi ita-boot nia blog post sira no haree se ema ruma kopia sira.Alex Solo, Sprintlaw
Konseitu direitu ba autór (copyright). Credit: JLGutierrez/Getty Images
Oinsá se ema ruma viola ita-boot nia direitu ba autór?
Even with protections in place, copyright infringements occur all the time. Maski ho protesaun ne'ebe existi, infrasaun ba direitu autór nian akontese beibeik.
Se ita-boot hare katak ema ruma viola maka'as ita-boot nia direitu autór nian ita-boot bele hili atu buka konsellu legál.
Plataforma barak iha funsaun relatóriu ba infrasaun sira. Sira bele hasai konteúdu no mós dezativa konta sira.
Iha mós penalidade sira ne'ebé maka'as liu ba violasaun lei sira direitu autór nian, tantu ho intensaun ka lae. Infrasaun direitu autór nian bele rezulta iha asaun legál no penalidade finanseira sira, liuliu se ema ruma hetan lukru hosi ema seluk nia serbisu.
Ita-boot bele hetan informasaun liután hosi Konsellu Direitu Autor Austrália nian ka Australian Copyright Council.
Subscribe or follow the Australia Explained podcast for more valuable information and tips about settling into your new life in Australia.
