Pedidu Liberdade Informasaun nian ne'ebé maka hatama hosi Koligasaun fó sai kuaze $450,000 ne'ebé maka gasta hosi departamentu 21 iha governu federal 21 iha tinan rua nia laran.
Gastu ne'e hetan krítika maka'as hosi Ministra Sombra ka Shadow Minister ba Asuntu Indíjena no Efisiénsia Governu nian, Jacinta Nampijinpa Price.
"Gasta liu meiu millaun dolar iha serimónia sira Benvindu ba Nasaun ne'e no serimónia sunu nian hosi departamentu governu nian la'ós uzu apropriadu hosi fundu kontribuinte nian, bainhira osan hirak ne'e la fó benefísiu ba ema indíjena australianu sira ne'ebé marjinalizadu," nia hatete ba SBS Examines.
Ministra ne'e hatete tan katak Koligasaun iha okasiaun barak "klaru beibeik" ona kona-ba sira nia promesa eleitorál hodi hamenus despeza liuhosi "elimina gastu governu nian ne'ebé la produz rezultadu sira" no "kompromete ba medida prátika sira ne'ebé hadi'a australianu indíjena sira nia moris".
""Iha kontestu ida ne'ebe maka governu nia gastu kontribui ba inflasaun aas no krize kustu moris nian, australianu sira merese hatene sira nia osan atu uza ho responsabilidade no efisiente hosi governu", nia hatete.
Nia akuza governu "distraídu" hosi "ideolojia no tokenizmu".
Ministra ba Australianu Indíjena nian, Malarndirri McCarthy rejeita reklamasaun ne'e hosi Senadór.
"Enkuantu Governu Albanése foka ba Taka Lakuna entre Australianu Indíjena no la'ós Indíjena sira no dudu empoderamentu ekonómiku ba ema Primeira Nasaun sira, opozisaun foka ba funu kulturál sira kona-ba serimónia Bemvindu ba Nasaun," nia hatete.
"Se Peter Dutton no Koligasaun hanoin katak funu kulturál sira sei selu dívida Liberál nian, sira sai hosi sira nia profundidade".
READ MORE
What does Welcome to Country mean?
Akadémika no autór, Profesora Marcia Langton fiar katak diskusaun kona-ba serimónia Bemvindu ba Rai ne'e hamosu "funu kultura aat sira".
"Ha'u la komprende tanba sa maka ida-ne'e relata hanesan eskándalu ida. . . . .Iha liu fali sinál rasizmu nian iha ida-ne'e. Laiha problema ba australianu sira atu ba tuir serimónia iha Loron ANZAC nian, maibé iha problema ba serimónia sira Bemvindu ba Nasaun nian," nia hatete.
"frankamente, ha'u haree katak eskándalu sira ne'ebé maka mosu iha mídia kona-ba FOI . . . sai hanesan soke ida iha funu kulturál aat sira nia laran."
Enkuantu komentadór Asuntu Indíjena nian, Dr. Anthony Dillon hatete katak asuntu serimónia Bemvindu ba Nasaun uza hanesan "polítiku futeból ".
"Polítiku balun iha liur ne'eba haree no kaer kestaun ruma hodi hamanas situasaun, ida ne'e hanesan polítiku futeból . . . kestaun Bem-vindu ba Nasaun hanesan buat ida ne'ebé fasil ba ema sira ne'ebé baruk ona ho polítika no asuntu Indíjena sira nian," nia hatete.
If this content has caused distress, please call the National Aboriginal and Torres Strait Islander Crisis Hotline 13YARN on 13 92 76.
LISTEN TO
Rumoris, Rasizmu no Referendu
SBS English
07:08
