Pontu Chave sira
- Kultura sunu hanesan prátika Indíjena ida ne’ebe ohin loron haree hanesan dalan "teste" ba oin hodi halo redusaun inséndiu ai-laran no promove saúde Nasaun nian.
- Títulu nativu fó ba komunidade Aboríjene siara maka “naroman verde” ne’ebe atu hamoris fali kultura sunu tuir dalan ne'ebé sira hatene, no evidénsia hatudu katak ida-ne'e funsiona.
- Benefísiu hosi aplikasaun ahi tradisionál inklui mitigasaun ba ahi-han ailaran no seluk tan. Ema Nasaun dahuluk sira uza aprosimasaun olístiku ida ne'ebé suporta ekosistema ida ne'ebé reziliente.
Ita barak iha Austrália haree ahi hanesan ameasa ida—komprendevelmente, haree ba devastasaun husi ahi-han ailaran iha tinan 2019-20 no, foin lalais ne'e, ahi-han ne'ebé maka'as no luan iha 2024.
Maibé ba ema Nasaun dahuluk sira, ahi uza ona hanesan buat ida ne'ebé forte liu iha tinan rihun ba rihun. Ida-ne'e esensiál ba jestaun rai, planeamentu sustentasaun, no protesaun ekosistema sira, inklui hosi ahi-han ai-laran.
Prezidente Wunambal Gaambera Aboriginal Corporation Catherine Goonack maka hanesan ema ida hosi grupu ne'ebe ne'ebé kaer tradisaun ahi nian iha tempu agora iha Austrália. Nia aprende sunu kulturál diretamente hosi nia bei'ala sira. Foto: Russell Ord ba WGAC
“Ha'u nia aman, nia hatete mai ami katak tinan-tinan ami tenke sunu hodi kolleita ai-han.
“Kultura sunu ne’e ami-nia bei’ala sira-nia dalan, dalan moris ida. Sira uza ahi hodi lori Nasaun ne'e moris fali, hodi lori kreximentu no hapara ahi-lakan sira ne'ebé mosu,” temi hosi Catherine Goonack, Prezidente hosi Korporasaun Aboríjene Wunambal Gaambera.
Prátika kostumeiru ida-ne'e—koñesidu hanesan sunu kulturál, to'os ho ai-sunu, ka sunu malirin—seidauk pratika ho luan dezde kolonizasaun.
No peskizadór sira estabelese ona katak ida-ne'e maka razaun ida tansá maka Austrália sai prone liu ba inséndiu no vulneravel liu ba inséndiu destrutivu sira.
"Ema katuas sira hatene katak importante atu sunu Nasaun hodi mantein nia saudavel," Sra. Goonack hatete.
Iha 2024, nia ko-autór ba estudu ida ne'ebé dokumenta oinsá situasaun inséndiu nian hadi'a iha norte remotu Kimberley nian iha Austrália Osidentál, nu'udar rezultadu hosi sunu kostumeiru ho eskala boot ne'ebé maka introdús fali.
"Ami halo monitorizasaun iha tinan 10 ikus ne'e atu hapara inséndiu sira. Ami iha ona ami nia problema oi-oin, maibé agora ami fila fali ba dalan loos."
Estudu ne'e sukat oinsá grupu tradisionál na'in haat konsege hamenus ahi-han maka'as, ne'ebé uluk domina paizajen savana tropikál rejiaun nian.
Abilidade sira atu avalia tempu ne'ebé loos, no oinsá atu sunu ho maneira ne'ebé loos, moris to'o ohin loron. Fire walk husi Jeremy Kowan, Uunguu Ranger no Wunambal Gaambera Na'in Tradisional. Photo: Mark Jones for WGAC
Se sunu kulturál prova ona katak funsiona, tansá la hamoris fali ida-ne'e iha fatin hotu-hotu?
Rejiaun Kimberley norte hanesan fatin ida hosi fatin uitoan iha Austrália ne'ebé programa sunu kulturál sira bele hala'o hamutuk ho métodu sira seluk ne'ebé autorizadu, tuir devolve títulu rai nian ba Na'in Tradisionál sira.
Tom Vigilante, autór prinsipál ida hosi estudu, hatete katak hetan títulu nativu "hanesan pontu virajen boot ida".
“Tanba ida-ne'e signifika katak ema sira iha direitu sira-ne'e atu jere rai tuir dalan ne'ebé sira hakarak.
"Alternativa maka atu iha parke nasionál sira ka tipu rai sira seluk ne'ebé maka ajénsia governu nian sira maka responsavel ba sunu. Iha situasaun sira-ne'e, ema Aboríjene sira tenke koko no influensia maneira sunu nian ne'ebé akontese iha área sira-ne'ebá, maibé sira laiha direitu atu halo rasik..”
Trevor Howard maka Jerente Nasionál ba Sunu ho Preskrisaun iha Konsellu Autoridade sira Servisu Bombeiru no Emerjénsia Austrália nian (AFAC).
Nia haree jestaun inséndiu indíjena nian iha Kimberley no rejiaun savana luan liu hanesan "ezemplu di'ak ida kona-ba saida maka bele atinji iha parte sira seluk Austrália nian".
“Paizajen iha leten ne'ebá hetan transformasaun absoluta iha tinan 20 ikus ne'e.
"Iha inséndiu ai-laran barak ne'ebé maka'as tebes, no agora ida-ne'e jere no kontrola liután ho intensidade ki'ik, inséndiu sira iha tempu loos iha tinan ida nia laran, lidera hosi ema indíjena sira, hala'o programa sira ne'ebé hetan apoiu hosi siénsia."
Sr. Vigilante elabora kona-ba téknika jestaun inséndiu nian iha North Kimberley: “Sunu barak maka halo hosi veíkulu sira, balun la'o iha ai-laran ka sunu hale'u fatin kulturál sira. Ami mós uza aviaun tanba ami tau matan ba besik hektar millaun ida.” Photo: WGAC
No oinsá maka estadu no teritóriu ida-idak sei hetan benefísiu hosi ida-ne'e, sei depende ba sira nia envolvimentu ho kustodiu tradisionál sira.
“Tanba iha Austrália tomak ami iha grupu Indíjena barak, no grupu sira-ne'e ida-idak iha nia apego rasik ba sira nia nasaun lokál.
"Entaun, ida-ne'e ezije duni ajénsia estadu no teritóriu ida-idak atu serbisu ho grupu sira-ne'e hodi komprende sira nia aspirasaun no nesesidade sira, no atu apoia sira hodi dezenvolve sira nia prátika sunu kulturál sira iha sira nia maneira rasik, iha sira nia Rain rasik."
Oinsá ahi restaura saúde iha nasaun
Gareth Catt maka Jerente Parseria sira Dezertu nian iha Aliansa Indíjena Dezertu nian.
Nia serbisu ona ho guarda-floresta Nasaun dahuluk sira nian iha Territóriu Norte, Austrália Osidentál, no Austrália Súl dezde 2012.
Parte barak hosi serbisu ida-ne'e foka ba integrasaun prátika tradisionál sira ahi nian iha kontestu modernu iha eskala.
Nia fiar katak susesu hosi sunu kulturál hanesan aprosimasaun proativu ida ba ahi-han ai-laran nian maka iha oinsá ida-ne'e hala'o, ho foku maka'as ida hodi fó prioridade ba nesesidade sira hosi paizajen.
“"Ema sira ne'ebé ha'u serbisu hamutuk halo interasaun ho ahi iha maneira ida ne'ebé haree ba kondisaun tempu nian, komprende ahi ne'e sei ba ne'ebé no oinsá Nasaun ne'e sei hatán."
Sr. Catt hatete katak iha interese foun iha koñesimentu tradisionál kona-ba mitigasaun inséndiu ai-laran nian, "partikularmente dezde inséndiu boot sira iha bailoron iha 2019-2020".
"Bainhira ema hanoin kona-ba ahi-han, sira hanoin kona-ba nakukun ne'ebé maka husik hela, perigu ne'ebé maka asosiadu ho ida-ne'e," nia hatutan.
“Maibé bainhira ahi aplika ho kuidadu ba paizajen, ida-ne'e la'ós forsa destrutivu ida, ida-ne'e forsa renovadór ida. Se ita sunu ahi ne'e iha tempu ho loloos no interasaun ho paizajen ho konsistente, ahi sai hanesan instrumentu ida liután atu promove diversidade vejetasaun no kreximentu foun.”
Peskiza konjunta hosi membru sira hosi Konsellu Rai Aboríjene Lokál Ulladulla no akadémiku sira hosi Universidade Wollongong nian hetan katak sunu kulturál sira hadi'a maka'as kualidade rai nian, hodi permite nutriente no mikróbiu barak liután atu buras. Photo: Paul Jones (UOW) Credit: pauljones
Profesór Anthony Dosseto fahe hanoin sira kona-ba evidénsia ikus liu ne'ebé hale'u prátika ida-ne'e.
Profesir Anthony hanesan peskizadór ida iha investigasaun 2024 nia kotuk ne'ebé kompara efeitu ba saúde rai nian hosi sunu ne'ebé lidera hosi ajénsia, ho sunu kulturál.
Estudu ne'e hala'o hamutuk hosi akadémiku sira iha Universidade Wollongong nian no membru sira hosi Konsellu Rai Aboríjene Lokál Ulladulla nian.
Nia hetan katak dalan rua ne'e iha efeitu pozitivu ba rai. Maibé sunu kulturál hatudu benefísiu adisionál sira.
"Porezemplu, ami hetan katak redusaun densidade rai nian boot liu iha ne'ebé iha ona sunu kulturál," Prof Dosseto esplika.
“No iha karbonu no nitrojéniu barak liu kompara ho área sira ne'ebé iha ona sunu ne'ebé maka lidera hosi ajénsia. Karbonu no nitrojéniu importante tebes, tanba sira maka nutriente prinsipál ba ekosistema ida-ne'e.”
Profesór Dosseto hatete katak la'ós kona-ba tau sunu ne'ebé preskreve hasoru sunu kulturál.
Maibe, foku ba fahe evidénsia no hanoin sira kona-ba papél ne'ebé sunu kulturál hala'o iha mitigasaun inséndiu ai-laran no saúde ekosistema nian— papél ida ne'ebé komunidade Nasaun dahuluk sira komprende ona durante tinan rihun ba rihun.
"Ami iha kaixa ferramenta ida-ne'e, se ita-boot hakarak, kona-ba téknika jestaun inséndiu nian. No iha tempu naruk nia laran ami ignora ferramenta sira hosi komunidade Primeira Nasaun nian ne'ebé maka tau matan ba nasaun ida-ne'e durante tinan rihun sanulu resin.”
Subscribe or follow the Australia Explained podcast for more valuable information and tips about settling into your new life in Australia.
