Lakuna legál ne'ebé permite polítiku sira atu bosok durante kampanha eleisaun nia laran

Ho data eleisaun ne'ebé marka ona ba loron 3 fulan-Maiu, kampaña ofisialmente hahú ona. Maibé publisidade polítika sira sirkula ona iha fulan hirak nia laran. Ita bele fiar buat neʼebé sira hatete ka lae?

Iha lakuna ida ne'ebe iha Lei Eleitorál ne'ebé maka permite atu iha posibilidade kona-ba publisidade hodi sirkula iha li'ur durante períodu kampaña eleitorál.

Peritu sira hatete katak ida-ne'e hamosu estragu, la'ós de'it ba kandidatu polítiku ida nia reputasaun, maibé mós ba prosesu eleitorál.

Iha tinan 2022, Senadór independente ACT nian David Pocock hato'o keixa formál ida ba Komisaun Eleitorál Austrália nian (AEC) kona-ba nia imajen ne'ebé altera dijitalmente ne'ebé mosu fulan ida hafoin de data eleisaun nian marka.

Imajen ne'e hatudu Pocock loke nia kamiza hodi hatudu logotipu ofisiál hosi partidu Verde ka Green Party nian iha kamizola ne'ebe nia hatais iha laran. Imajen ida ne'e hetan iha estrada ninin ne'ebe besik sentru votasaun ida.

Ida-ne'e hetan autorizasaun hosi grupu lobi polítiku konservadór Advance Australia.

AEC deside katak imajen ne'e la loos no labele hatudu durante kampaña eleitorál. Advance Australia la konkorda ho deskobrimentu ida ne'e, maibé konkorda atu la hatudu imajen ne'e.

Panfletu ida ne'ebé altera dijitalmente ba Alex Dyson, ne'ebé autoriza hosi Advance Australia, tau iha kaixa-postál votante sira nian iha kandidatu nia fatin eleitoradu tomak iha Wannon. Credit: Supplied

Iha loron 31 fulan-Marsu, mandatu sira fó sai ona ba Eleisaun Federál 2025, hodi nune'e ofisialmente hahú kampaña eleitorál.

Liu hosi anunsiu ne'e ho Advance Australia ne'ebe deside atu fahe imajen ne'ebé hanesan ho alterasaun dijitál iha Fevereiru tinan ida-ne'e — hatudu katak — sira la viola lei ruma.

Iha eleisaun Wannon nian, imajen ida ne'ebé altera dijitalmente hosi kandidatu independente Alex Dyson fahe iha panfletu sira ne'ebé hatudu nia loke nia kamiza hodi hatudu kamizola ida ho logotipu ofisiál hosi partidu verde ka the Green party.

Sr. Dyson hatete katak imajen ne'e hamosu reasaun oioin.

“Ema balun hakfodak tebes bainhira haree letra ki'ik sira katak ida-ne'e maka Advance Australia. Ema sira seluk, ne'ebé karik labele haree ho diak tanba letra ne'ebe hakerek kiik tebes mós hakfodak tanba razaun ida ne'ebé diferente".

Ne'e selvajen tebes.

Profesór Asosiadu iha Eskola Direitu Monash Yee-Fui Ng hatete katak Advance Australia "hetan ona chamada katak ida-ne'e la permite no sira foin deskobre lakuna ida ne'e iha regulamentu".

Portavós Advance Australia nian ida hatete ba SBS Examines katak AEC fó hanoin ba sira katak materiál hanesan panfletu Sr. Dyson nian "la viola lei eleitorál."

Seksaun 329 hosi Lei Eleitorál bandu publikasaun hosi materiál ne'ebé bele lohi ka bosok eleitór ne'ebé fó sira nia votu, maibé bainhira kuandu mandatu sira ne'e fó sai ona.

Diretór hosi Programa Demokrasia no Responsabilidade Institutu Austrália nian Bill Browne hatete katak depende ba telespetadór atu avalia saida maka la loos bainhira ko'alia kona-ba publisidade polítika sira.

“Kuantidade saudavel ida hosi skeptisizmu sempre sai ideia di'ak ida bainhira avalia publisidade, no ida-ne'e dala ruma sai dala rua ba publisidade polítika".