Iha Australia laiha lei espesífiku ruma kona-ba AI.
Ho eleisaun federal ne'ebé maka besik ona, diretór ezekutivu adjuntu hosi Institutu Dezeñu Polítika Teknolojia, Zoe Jay Hawkins, hatete katak "tarde ona atu reforma lejislativa boot ba Austrália" molok ita ba iha urna sira.
Ikusmai, depende ba votante sira atu deside saida maka loos no saida maka falsu bainhira ko'alia kona-ba konteúdu ne'ebé maka hamosu hosi AI iha kampaña eleitorál sira.
Porta-vós hosi Komisaun Eleitorál Austrália nian, Alex Morris, hatete katak " kontinua alerta maibé labele alarma".
"Se ita-boot haree buat ruma ne'ebé maka ita-boot labele garante nia ezatidaun, se ita-boot la iha serteza katak ida-ne'e loos, keta fahe ba publiku ka se deit, antes ita-boot halo verifikasaun."
Iha epizódiu ida-ne'e ami husu saida maka australianu sira bele hein hosi IA iha preparasaun ba Eleisaun Federál 2025 nian.
Se ita-boot haree deepfakes ruma ka konteúdu ne'ebé kestionável antes eleisaun, fó hatene mai ami.
