Liberdade espresaun hanesan direitu umanu fundamentál ida, maski nune’e, iha Australia laiha protesaun esplísitu ida.
Iha parte seluk, informasaun sala no dezinformasaun maka kestaun ida ne'ebé sériu - no ida-ne'e hanesan risku globál boot liu agora daudaun.
Entaun - oinsá ita bele kombate informasaun ne'ebé laloos, sein fo impaktu ba ita-nia direitu ba liberdade espresaun?
Mídia sosiál permite ema sira hosi fatin ne'ebé de'it, iha tempu ne'ebé de'it, atu fahe saida de'it maka sira hakarak. Asumi katak ema iha telemovel ka sasan eletroniku ruma ne’e iha ligasaun internet. Iha parte positivu ida-ne'e permite mundu ne’e atu iha interligadu.
Maibé iha parte seluk mós signifika katak informasaun falsu bele fahe liután no lalais liu duké uluk. No ita hatene katak ida-ne'e hamosu divizaun, deskonfiansa no prejuízu grave sira seluk.
‘Ha'u preokupa tebes ho dékada balun tuirmai... Ha'u hakarak hatete…ita maka sivilizasaun ida ne'ebé derepente hetan arma nukleár informasaun ida ne’ebe iha forma mídia sosiál no iha superkomputadór sira iha ita-nia bolsu no iha tempu badak iha mis atu iha AI atu halo parte husi media social ne’e.. ida ne’e hanesan fakar gazolina ba ahi”
Ida nee lia fuan husi kriadór no aprezentadór ba podcast “ Uncomfortable Conversations” Josh Szepps. Tanba nia vokál kona-ba liberdade espresaun nian, nia preokupa ho interpretasaun sala kona-ba fahe ideia sira hanesan sala no dezinformasaun.
"Realidade maka katak se ita-boot atu moris iha sosiedade ida ne'ebé boot, diversu, pluralista, multi-étnika, iha momentu ruma, ita-boot sei tenke luta ho ideia lubuk ida ne'ebé ema balun iha husi sosiedade ne'ebá sei hetan ofensivu ka insultu. No balun husi ida-ne'e sei baliza ho informasaun sala ka dezinformasaun".
Defensór vokál ida ba liberdade espresaun, nia preokupa katak fahe ideia sira online bele hetan interpretasaun sala hanesan fahe informasaun ne'ebé laloos.
“Realidade maka, se ita-boot atu moris iha sosiedade boot, oioin, pluralista, multi-étnika ... ita-boot sei tenke luta ho ideia lubuk ida ne'ebé maka grupu balun hosi sosiedade nia laran sei hare hanesan ofensivu ka insultu," nia hatete ba SBS Examines.
"No balun seluk sei uza informasaun sala no dezinformasaun ne'e atu hafahe ema".
Komisária Direitus Umanus Lorraine Finlay hateten atu bele la’o ba oin, informasaun sala no dezinformasaun presiza define loloos.
"Ita presiza proteje ema sira hosi informasaun falsu, maibé mós asegura katak ita proteje liberdade espresaun nian iha tempu hanesan".
Epizódiu ida-ne'e hosi SBS Examines husu: Ita bele luta hasoru informasaun ne'ebé la loos lahó restrisaun ba liberdade espresaun nian?
