Iha nia tinan balun dahuluk nu'udar australianu, Andrew Gai sei selebra ho orgullu Loron Austrália nian.
Andrew hanesan refujiadu ida hosi South Sudan, nia nunka iha oportunidade atu selebra loron nasionál ida nune'e sei partisipa ho orgullu.
Maibé, bainhira nia hahú harii amizade ho membru komunidade Aboríjene lokál sira iha Melbourne, Andrew hahú kestiona se loos ka lae atu selebra iha loron 26 Janeiru.
Nia hatete “Preparasaun ba Loron Austrália nian ba ema indíjena sira ida ne'e no depois loron ne'e hanesan lembransa traumátiku ida, no ba hau ita bele halo di'ak liután".
Ha'u hakarak tebes atu iha loron ida,ne'ebé maka australianu hotu-hotu, la haree ba sira nia orijen, bele sente nesesidade no mós ksolok loron nian.
Kada loron 26 Janeiru, Maggie Blanden no membru sira seluk hosi komunidade palawa nian marxa iha Elizabeth Street iha Hobart nia CBD, hodi hanoin hikas sira nia bei'ala ne'ebé lakon iha violénsia iha fronteira. Sira halo protesta hasoru impaktu ne'ebé la'o hela hosi kolonizasaun.
Nia hanoin hikas tinan sira ne'ebé nia ho nia família hasoru abuzu hosi ema sira ne'ebé haree.
Nia hatete "Ema sei hamrik iha dalan no hakilar no abuzu hasoru ami, maibé ida-ne'e la akontese ona . . . iha tinan hirak nia laran, ami haree ema barak hahú hamutuk ho ami. Ami iha aliadu sira ne'ebé la'o hamutuk ho ami".
Enkuantu debate Loron Austrália nian hahú, Maggie no Andrew fiar katak dalan atu liu maka empatia no ligasaun.
Andrew haktuir "Ha'u enkoraja ema sira atu sai no koñese liu tan ita nia ema indíjena sira no sira nia kultura ne'ebe furak no laran-luak ne'ebé sira iha. Bainhira ita halo ida-ne'e, ita sei informadu liután kona-ba saida maka futuru, no loron sira hanesan Loron Austrália nian signifika ba ita hotu."
Maggi akresenta tan"Bainhira ita mai hamutuk, ita tuur no ita aprende ba malu ita sai aliadu sira ne'ebé di'ak liu".
Epizódiu ida-ne'e husu: saida maka dalan loos atu marka loron 26 Janeiru, no ita-boot bele iha orgullu ho Austrália no kondena injustisa?