Akordu ne'e sei habelar projetu komersiál ida-ne'ebé eziste husi Google iha rejiaun ne'e ba nasaun sira iha Micronesia hanesan; Kiribati, Marshal Island, Papua New Guinea, Solomon Island no mos Timor-Leste.
Tuir planu, akordu ida ne’e sei anunsia durante vizita ofisiál husi Primeiru-Ministru Australia Anthony Albane ba Washington. Akordu ne’ebe antes ne’e la fo sai ba publiku envolve kontribuisaun husi governu rua ne’e nian.
Tuir ofisiál administrasaun seniór ida hateten katak Governu Australia sei kontribui $50 milliaun no Governu Estadus Unidus sei aumenta tan $15 milliaun.
Iha tinan hirak ne’e nia laran, nasaun ki'ik no dalaruma izoladu iha Pasifiku sira ne’e hetan atensaun maka’as, ne’ebe nasaun hanesan Estadus Unidus ho China tau atensaun espesial ba dezenvolvimentu infraestrutura no parseria militár sira.
Prezidente Joe Biden mós dudu ona dominasaun EUA nian iha servisu telekomunikasaun, tanba nia haree indústria ida ne’e hanesan asuntu seguransa nasionál importante ida tanba kontrola ona informasaun ne'ebé suli iha mundu tomak.
Agora dadaun, Google servisu hela iha kabu fibra-optiku ne'ebé liga Taiwan, illa ne'ebé Xina deklara ona hanesan parte husi sira nian, ho Filipina no Estadus Unidus.
Tuir official ne’e mos dehan katak; Estadus Unidas hare parte ida hanesan projetu Illa Pasifiku nian, sira sei servisu hamutuk ho nasaun sira kona-ba reziliensia ba seguransa cybresecurity, hodi ajuda seguru informasaun xave ba rede globál cloud networks.
