Pontu Chave sira;
- Regra sira ne'ebé la hakerek iha servisu fatin ida bele fó impaktu ba ita-boot nia progresu kareira nian.
- Se ita-boot la komprende regra sira ne'ebé la hakerek ne'e, ita-boot bele sente hanesan ita-boot la tama ka la hala'o serbisu ho di'ak.
- Se ita-boot iha dúvida kona-ba oinsá buat sira hala'o iha ita-boot nia servisu fatin, keta ta'uk atu husu.
- Peritu sira hatete katak empreza sira tenke ajuda funsionáriu foun sira atu navega sira nia dalan liuhosi regra sira ne'ebé la eskrita iha servisu fatin.
Hafoin hetan serbisu foun iha Austrália, importante tebes atu komprende empreza nia regra ne'ebé la temi ka hakerek.
Robyn Johns, Dekanu Asosiadu (Funsionáriu Akadémiku) no Profesór Asosiadu iha Eskola Negósiu University of Technology Sydney (UTS), hatete katak regra sira ne'ebé la eskrita muda hosi empreza ida ba empreza seluk.
Nia esplika “Regra sira ne'e hanesan saida maka ita refere hanesan konjuntu norma sosiál sira no saida maka ba-bain ema iha organizasaun partikulár ida nia laran halo".
Profesór Johns hatutan tan katak importante tebes atu hatene regra sira ne'e bele hamosu dezafiu ida no bele fó impaktu ba ema ida nia progresu kareirra.
"Se ita-boot la tuir regra sira ne'ebé la hakerek no ita-boot la hatene kona-ba sira, ema iha kompaña bele hare ita-boot la halo parte husi ekipa sira nian ka la'ós hanesan ema ida ne'ebé tama iha kultura organizasaun nian".
Profesór Johns hatete katak regra sira ne'ebé la temi ne'e balun hahú hosi kostume no hahalok simples loro-loron nian to'o oinsá ema ida halo rede no hari'i relasaun.
“Balun seluk bele husi relasaun ho oinsá ita-boot harii relasaun sira no oinsá ita-boot halo ligasaun ka rede ho ema seluk. Dala barak iha regra sira ne'ebé la hakerek kona-ba ida-ne'e iha servisu fatin no mós oinsa ema sira halo polítika iha servisu fatin nian — no oinsá ita-boot bele to'o iha ne'ebá no trata polítika internu organizasaun ida nian, hanesan parte ida ne'ebé importante tebes".
Ekipa diversiu hosi profisionál australianu sira ne'ebé kolabora hamutuk iha eskritóriu ida iha Sydney Credit: pixdeluxe/Getty Images
Email nia ton no estilu
Profesor Johns hatete mos, Estilu no ton husi email sira mós importante atu tau matan ba.
“Hanoin ba se ita-boot bele uza emoji no sinál esklamasaun no buat sira hanesan ne'e. Presiza hatene etika kona-ba uza sasan sira-ne'e. No dala ida tan, ida-ne'e la'ós buat ida ne'ebénesesariamente hakerek ona. Pratika ida ne'e buat ida ne'ebé bele informál liu kona-ba oinsá ema iha kompanya laran komunika ba malu. Maibé kuandu ita uza emoji sira ne'ebe ita la hatene ninia signifikante tuir kostume servisu fatin nian, ema bele hanoin ita halo sira tauk ho maneira ne'ebé ita komunika liuhosi email sira
Ita-boot bele halo ema tauk ho maneira ne'ebé ita-boot komunika liuhosi email sira.Robyn Johns, Associate Dean (Academic Staffing) and Associate Professor at UTS Business School
Serbisu-fatin iha Austrália "iha regulamentu maka'as"
Christine Castley hanesa Xefe Ezekutivu hosi Multicultural Australia, organizasaun ida ne'ebé bazeia iha Queensland ne'ebé ajuda refujiadu sira, estudante internasionál sira, ema sira ne'ebé buka azilu no migrante sira atu estabelese sira nia moris foun hatete "
"Austrália iha sistema ida ne'ebé komprensivu kona-ba lei no regulamentu sira iha servisu fatin ne'ebé ho objetivu atu proteje direitu no moris-di'ak traballadór sira-nian".
"Ha'u hanoin katak ida ne'e bele sai xoke ida ba ema sira ne'ebé mai hosi nasaun sira seluk maka mai serbisu iha australia nia servisu fatin. Iha Australia, regulamentu maka'as no klaru tebes, karik reguladu liu duké serbisu sira iha hosi nasaun sira seluk, inklui iha parte intimidasaun nian.”
Nejat Basar, hanesan Produtór Ezekutivu SBS Turkish nian, konta tuir nia servisu iha Turkey durante tinan 20 molok muda mai Austrália.
Nia hatete “Bullying hanesan norma ida iha Turkey. Ema espera ida ne'e. Hanesan, "Ok xefe sira presiza siak no funsionáriu sira presiza halo tuir orden sira’. Enkuantu iha ne'e [iha Austrália] iha definisaun sira ne'ebé klaru kona-ba intimidasaun no prejuizu jéneru nian, [ezemplu]”.
Dalaruma la komprende regra sira ne'ebé la hakerek iha servisu fatin bele lori ema ida sai izoladu. Credit: pixdeluxe/Getty Images
Multikulturalizmu no protokolu sira enkontru nian
Australianu sira bele hato'o dezentendimentu sira nian iha enkontru sira, maibé maneira oinsá dezentendimentu sira espresa bele varia bazeia ba norma kulturál sira no sira baibain halo ida-ne'e ho maneira ida ne'ebé respeitu no konstrutivu, Sr. Basar hatete..
“Iha kultura-serbisu ida kona-ba ema nia maneira koalia ho ita ho diak[iha Austrália]. Iha ema balun ne'ebe hare hanesan sira konkorda ho ita nia opiniaun. Hanesan iha inísiu, sira dehan, ‘oh, di'ak, sim, ita-boot loos. Ne'e pontu di'ak ida’. No depois [sira] hatete kontráriu, sira koko atu muda konversa ba diresaun seluk. Iha Turkey ema prefere koalia diretamente. Ita-boot dehan, ‘lae, ida-ne'e sala; ida-ne'e maka dalan loos atu halo buat sira,’” Sr. Basar esplika.
Aleinde ne'e, iha servisu fatin, australianu sira kostume liu kaer liman, hakruk ka kumprimenta, hanesan sira nia forma preferidu ba interasaun nian.
Sra. Castley hatete, di'ak liu evita hatudu ita nia afetu (affection) ba kolega sira se ita iha kultura la hanesan.
" Iha nasaun balun ne'ebé iha kostume atu hakuak ema hotu no rein hasan sori-sorin, ida ne'e la'ós kostume ida iha Austrália. Iha ne'e, hanesan metade no metade. No depois iha tan nasaun buat ne'ebé maka diferente kultura mós, hanesan kultura aziátiku barak, ne'ebe sira la-halo buat ida-ne'e".
Pontualidade mós hetan valór aas iha servisu fatin sira iha Austrália.
Ida-ne'e hatudu respeitu ba ema seluk nia tempu no haree hanesan sinál profisionalizmu nian.
Profesór Johns hatete, komprende kultura kona-ba oras sira ne'ebé kompaña espera ita-boot atu iha iha eskritóriu mós importante tebes.
"Enkuantu iha ema nia kontratu, kompaña bele hakerek oras servisu nian, dala barak iha regra la hakerek balun ne'ebe organizasaun sira halo tuir, iha ne'ebé ema sira bele serbisu to'o pontu ida to'o tempu kalan. Entaun karik, ita-boot hanoin atu remata servisu porezemplu tuku 5.30 loraik, maibé ema sira seluk sei serbisu to'o tuku hitu, entaun presiza atu hare ne'e didiak. No se ita-boot la haree ida, ema sei hanoin, 'oh, ema ne'e ladún dedikadu-an tanba ema ne'e sempre sai tuir oras'.
Maske nune'e, ha'u hanoin katak organizasaun lubuk ida koko ona atu muda ida-ne'e"..
Sosializasaun no ligasaun ekipa nian
Hemu kafé ka xá hamutuk hanesan prátika komún ida ba sosializasaun no harii relasaun sira iha Austrália nia servisu fatin.
Maibé, migrante balu karik ladún hatene kona-ba prátika ida-ne'e, no bele haree ida-ne'e hanesan la étika no lakon tempu.
Ida-ne'e liga ho kazu hosi migrante foun ida ne'ebé Sra. Castley tulun hodi estabelese iha serbisu foun iha Australia.
Sra. Castley hatete " Migrante barak maka nunka rona kona-ba "xá dadeer nian" molok muda ba Austrália".
Mai ita hemu kafé signifika ‘mai ita hasoru malu no mai ita ligasaun’. Maibé ida-ne'e sai pontu importante tebes kona-ba ligasaun, no ha'u hanoin ida-ne'e maka komprende oinsá ita kria ligasaun sira-ne'e.Christine Castley, Chief Executive Officer, Multicultural Australia
Hafoin hetan serbisu foun iha Austrália, esensiál atu komprende empreza nia regra sira ne'ebé la temi. Credit: xavierarnau/Getty Images
Nune'e, enkuantu importante ba empreza sira atu fasilita prosesu ida-ne'e, traballadór sira mos bele fasilita sira nia tranzisaun hodi husu pergunta sira no buka mentor ka "belun" ida, Sra. Castley rekomenda.
"Hanesan ema migrante ida iha servisu fatin ita-boot sira bele bele husu pergunta bainhira hahu servisu 'Ha'u presiza komprende kultura servisu fatin nian atu bele hala'o hau nia servisu ho di'ak no tuir ha'u nia abilidade. Apoiu saida maka ita-boot bele fó mai ha'u nu'udar empregadór atu asegura katak ha'u halo buat ne'ebé di'ak ba ita-boot".
Subscribe or follow the Australia Explained podcast for more valuable information and tips about settling into your new life in Australia.
Do you have any questions or topic ideas? Send us an email to
