آسٹریلیا اوپن 2025 اپنے عروج کو پہنچ چکا ہے ایونٹ کے سنسنی خیر مقابلے دیکھنے کےلیے دنیا بھر سے ٹینس کے شوقین افراد میلبرن کا رخ کر رہے ہیں ۔ سال کے پہلے گرینڈ سلیم آسٹریلین اوپن میں مردوں اور خواتین کے سیمی فائنل اور فائنل کی لائن اپ تیار ہوگئی ہے۔
کوارٹر فائنل میں امریکہ کے بین شیلٹن اور اٹلی کے یانک سنر نے اپنے اپنے حریفوں کو شکست دے کر سیمی فائنل میں جگہ بنائی جبکہ سربیا کے نوواک جوکووچ اور جرمنی کے الیگزینڈر زیوریو بھی سیمی فائنل میں پہنچ چکے ہیں ۔دوسری طرف خواتین کے سنگلز کا فائنل مقابلہ آرینا سبا لینکااور امریکہ کی میڈیسن کیز کے درمیان کل کھیلا جائے گا۔
میلبرن پارک میں جاری آسٹریلین اوپن میں نہ صرف شاندار ٹینس مقابلے پیش کیے جارہے ہیں بلکہ شائقین کے لیے تفریح، موسیقی، اور آسٹریلیا کی ثقافت کا لطف اٹھانے کا بھی موقع فراہم کیا گیا ہے جس وجہ سے میلبرن ایک بار پھر عالمی کھیلوں کا مرکز بنا ہوا ہے آسٹریلین اوپن کا فائنل اتوار کے روز کھیلا جائے گا ۔
آئی سی سی چیمپئنز ٹرافی کے پاکستان میں انعقاد کے لیے اسٹیڈیمز کی تزئین و آرائش کے لیے پاکستان کرکٹ بورڈ نے ایک اور ڈیڈ لائن دے دی ہے ۔ پی سی بی کے مطابق ٹورنامنٹ کے لیے اسٹیڈیمز اب تیس جنوری تک تیار کر لیے جائیں گے۔
Jan 22, 2025; Melbourne, Victoria, Australia; Novak Djokovic of Serbia celebrates during his match against Carlos Alcaraz of Spain in the quarterfinals of the men's singles at the 2025 Australian Open at Melbourne Park. Mandatory Credit: Mike Frey-Imagn Images/Sipa USA Source: SIPA USA / Mike Frey/Mike Frey-Imagn Images/Sipa USA
پاکستان اور ویسٹ انڈیز کے درمیان دوسرا ٹیسٹ میچ کل سے شروع ہوگا دو ٹیسٹ میچوں کی سیریز میں پاکستان کو ایک صفر کی برتری حاصل ہے ملتان میں میڈیا سے گفتگو کرتے ہوئے وائس کپتان سعود شکیل نے کہا کہ ہمیشہ کوشش کرتے ہیں کہ ان کی پرفارمنس سے ٹیم جیتے ۔
(بشکریہ انس سعید)
___________________________________________
- یا ڈیوائیسز پر انسٹال کیجئے پوڈکاسٹ کو سننے کے لئے نیچے دئے اپنے پسندیدہ پوڈ کاسٹ پلیٹ فارم سے سنئے:
