Lub nroog twg nce nqe ntiav tsev kim tshaj plaws

Tej nqe nthiav tsev kim ua rau tej neeg xav mus yuav tej tsev me zog lawm, thiab kuj muaj tej units ntawm ib lub nroog kim tuaj ntxiv yuav laug txog 20 feem pua. Nod yog tej xov xwm qhia txog tej nqe uas kim tshaj plaws los yog nce tsawg tshaj plaws.

Graphic showing a unit block, a 'for rent' sign and an arrow pointing up

Advertised rental prices have increased by 9.1 per cent nationally, according to PropTrack's latest report. Source: SBS

Australia tej nqe ntiav tsev nyob yeej tau kim txuas ntxiv ua ntuv zus, thiab tej nqe yuav tej tsev me zog los yeej tau nce kim tuaj ntxiv ces thiaj ua rau tej neeg pom tias lawv tsis muaj peev xwm yuav tsev nyob.

Tej nqe ntiav cov tsev unit nyob thoob teb chaws no twb tau nce kim tuaj ntxiv txog 13.5 feem pua ntawm ib lub xyoos rau ib lub xyoos rau 3 lub hlis xaus rau lub 3 hlis ntuj dhau los no lawm, uas kim tshaj tej nqe ntiav tsev uas tsuas nce txog li 9.1 feem pua xwb raws li PropTrack's uas yog lub tuam txhab teeb txheeb txog tej vaj tse tsab ntawv cej luam tshiab txog tej kiab khw tau qhia.

Tej nqe ntiav tsev unit tau nce kim tuaj npaum li cas lawm?

Tus nqe nrab uas ntiav cov tsev unit nyob thoob plaws teb chaws no yog $590 ib limtiam twg lawm.
According to PropTrack's latest market report.

Tej nqe ntiav uas tau nce kim tshaj plaws tuaj ntxiv ces yog ntawm lub nroog Perth, hos Sydney kuj tseem yog Australia lub nroog ntiav tsev kim tshaj plaws.

Tus nqe nrab uas ntiav tej tsev unit nyob ntawm Perth ces twb raug $590 ib limtiam twg lawm tom qab tej nqe ntiav tau nce txog 19.2 feem pua, hos Sydney ces tsuas nce txog 12.9 feem pua los yog them tus nqe ntiav txog $700 ib limtiam twg.

Tight and getting tighter: How Australia's rental crunch has worsened

Brisbane tej nqe ntiav tsev unit los kuj tau nce txog 16 thiab tus nqe ntiav nrab yog $580 ib limtiam twg lawm, hos ntawm Melbourne ces tej nqe ntiav tau kim tuaj ntxiv txog li 14.6 feem pua los ua $550 ib limtiam twg lawm.

Tus nqe ntiav unit nrab ntawm Adelaide ces yog $480 ib limtiam twg tom qab tej nqe ntiav tau nce txog 11.6 feem pua.

Hos ntawm Darwin ces tej nqe ntiav tsev nrab kuj tau nce kim tuaj ntxiv txog 1.8 feem pua, thiab ntawm ACT los kuj nce 1.8 feem pua tib yam, ces thiaj ua rau tus nqe ntiav tsev nrab ntawm ob lub nroog no kim txog li $550 thiab $570 ib limtiam twg sib law liag lawm.

Tsuas yog nroog Hobart xwb tus nqe ntiav unit nrab uas them raws limtiam thiaj nqe txog 2.1 feem pua thiab them $470 ib limtiam twg lawm xwb.

Table showing the median prices of rental units in Australian cities.

Raws li PropTrack tej xov xwm tshiab tau qhia ces Perth yog lub nroog tau nce tej nqe ntiav unit kim tshaj plaws, tab sis nroog Sydney tseem yog Australia lub nroog ntiav tsev nyob kim tshaj plaws. Source: SBS

Tej nqe ntiav tsev tau nce kim tuaj npaum li cas lawm?

Tej nqe ntiav tsev thoob teb chaws no tsuas nce hauj sim txog 9.1 feem pua rau tib lub caij no ces thiaj ua rau yuav tau them tus nqe ntiav tsev nrab $600 ib limtiam twg lawm.

Tej nqe ntiav tsev ntawm Sydney uas them raws limtiam kuj tau nce kim tuaj yuav laug txog 10.3 feem pua thiaj ua rau yuav tau them $750 ib limtiam twg lawm, thiab kuj tseem yog lub nroog ntiav tsev kim tshaj plaws.

Ntxiv ntawd ces yog ACT uas tau them tus nqe ntiav tsev nrab rau ib limtiam twg $700 tom qab nqe ntiav tsev tau nce kim tuaj ntxiv txog li 1.45 feem pua; ntawm Darwin ces tau them $680 ib limtiam twg (tom qab nqe ntiav tsev kim tuaj ntxiv txog 4.62 feem pua); Brisbane ces tau them $640 ib limtiam twg (tom qab nqe ntiav tsev tau nce ua 10.34 feem pua); Adelaide ces tau them $590 ib limtiam twg (tom qab nqe ntiav tsev tau nce kim txog 12.38 feem pua); thiab Melbourne ces tau them $575 ib limtiam twg (tom qab nqe ntiav tsev nyob tau nce kim tuaj txog 15 feem pua).

Hobart ces yog lub nroog pheej yig tshaj plaws, vim tus nqe ntiav tsev nrab tseem them li qub ntawm ib xyoos rau ib xyoos txog $560 ib limtiam twg xwb.

Thiab Perth ces yog lub nroog nce cov nqe ntiav tsev ntau tshaj plaws txog 16 feem pua, ces thiaj ua rau yuav tau them tus nqe ntiav tsev txog $650 ib limtiam twg lawm.

Maximum rental pain: These are Australia's worst suburbs to be a renter

Paul Ryan yog ib tug senior economist ntawm PropTrack tau qhia tias tej zaum muaj ntau yam tau ua rau tej nqe ntiav cov unit kim tuaj ntxiv lawm.

Thawj yam ces yog txij thaum tau muaj kab mob sib kis coob heev txog tam sim no ces kuj tau rov qab muaj tej neeg nyiam tag nrho tej units ntawm txhua qhov chaw lawm thiab, thiab tej lagluam tos txais qhua los kuj rov qab tab tom qhib ua lagluam, tej chaw ua hauj lwm los kuj rov qab ua hauj lwm li qub thiab muaj peev xwm mua kawm tim ntsej tim muag ntawm tej teej kawm qib siab lawm. Ob tuaj ntxiv ces kuv xav tias tej no ua rau tej nqe ntiav unit kim tuaj tam sim no vim yeej tsis tshua muaj tej nqe ntiav tsev pheej yig ... yog peb txheeb tias tej nqe ntiav tsev tau kim tuaj ntxiv rau ob peb xyoos dhau los no. Ces tej neeg thiaj yuav tau nrhiav tej uas lawv muaj peev xwm them tau xwb, txawm tias yog cov unit unit uas ib nyuag me mi ntsis.
Paul Ryan, senior economist, PropTrack.

Tej nqe ntiav tsev uas tau nce kim tuaj no puas yuav pheej yig tuaj ntxiv?

Kuj pom tias zoo li muaj tej cim qhia tias tej kiab khw vaj tse mus tau qeeb zog lawm thiab.

Tab sis tej nqe ntiav tsev uas raug coj mus haub tau yaum yeej tau nce txog 9.1 feem pua txij tsaib no los lawm thiab — tab sis Ryan tau hais tias kuj tsuas yog cov kev nce tsawg tshaj plaws raws xyoo txij li lub 12 hlis ntuj xyoo 2021 xwb thiab.

Tej xwm txheej lagluam ntiav tsev kuj tseem yog tej yam nyuaj heev rau tej neeg ntiav tsev; thiab kuj tseem muaj tej vaj tse tsawg heev ntiav rau tej neeg nyob thiab, thiab yeej tseem muaj tej nqe ntiav tsev tau nce kim tuaj ze txog li 1 feem pua thoob plaws rau ntau cheeb tsam. Tab sis tej nqe ntiav tsev no kuj tab tom ib nyuag qeeb nce qeeb zog lawm thiab uas qhov no kuj yog ib qho zoo; thiaj cia siab tias yuav pom tej xwm txheej zoo li no rau lub xyoo 2024 no.
Paul Ryan, senior economist, PropTrack.

Jen never imagined she'd be sharehousing at 44. Others her age, and older, are doing it too

Raws li tau muaj ib cov kev teeb txheeb ntawm lub koom haum Oxford Economics Australia uas kwv yees txog tej lagluam thiab tau coj los nthuav tawm rau lub limtiam no ces kuj txheeb tau tias tej nqe ntiav tsev yeej tau nce raws li lawv tau kwv yees tseg thiab yuav nyob tus rau lub sij hawm peb xyoos txog rau xyoo 2027.

Nws tau qhia tias tej zaum yog tej neeg ntiav tsev nyob cov kev muaj peev xwm them taus tej nqe ntiav tsev nyob no thiaj ua rau cov nqe ntiav tsev ib nyuag nce qeeb zog lawm vim tej neeg ntiav tsev nyob yuav tau them tej nqe ntiav tsev kim zog lawm, thiab kuj

muaj kev cia siab tias tej zaum yuav txo kab theem paj kom qes thiab.

Thiab vim tias tej cuab yig tej nyiaj txiaj siv los kuj muaj tsis txaus siv lawm thiab ces thiaj li ua rau tsis tshua tau nqe tej nqe ntiav tsev zoo ntxiv lawm ua ke no los kuj yuav txo cov kab theem paj rau yav lig xyoo 2024 no thiab ces kuj yuav pab kom tej nqe cuam tshuam txog cov kev tsim vaj tse ntiav no hauj sim me ntsis lawm thiab. Nws luj hais ntxiv tias tej zaum kuj yuav muaj tej neeg ntiav tsev nyob no ib nyuag ntau me ntsis ntxiv, tab sis tej zaum tej neeg tsiv teb tsaws chaw txawv teb chaws tuaj rau Australia los kuj tuaj coob txaus lawm thiab.
Maree Kilroy, an Oxford economist and author of the report.