Ntsiab lus tseem ceeb:
- Yuav muaj nom tswv ib pawg neeg tshiab los txheeb thiab rau txim rau cov kev haub tau yam thiab tej tsev ntiav rau lwm tus nyob uas tsis tsim nyog ntiav rau lwm tus nyob.
- Yog li ntawd tej ua txhaum uas yog tej tuam txhab ua lagluam ntiav tsev tseem yuam ces yuav raug nplua $57,000 hos tej neeg ntiag tug ces yuav raug nplua $11,000.
- Thiab zej tsoom yeej muaj peev xwm qhia nom tswv pawg neeg no tias leej twg yuam tej kev txwv no.
Yog tias tej tswv tsev thiab tej neeg muag/ntiav tsev twg uas nyob ntawm xeev Victoria tseem ua txhaum tsab cai Rental Standards Laws ces yuav raug nom tswv txheeb thiab nplua hnyav.
Ces thiaj yuav muaj tsoom fwv ib pawg neeg yuav mus txheeb thiab tawm tsam nrog cov kev haub tau yaum cuav, thiab cov kev nthiav tej vaj tse uas tsis tsim nyog ntiav rau lwm tus nyob thiab tsis hais kom tej neeg ntiav tsev nyob them cov nyiaj bonds.
Gabrielle Williams uas yog tus nom tswj tej dej num pov puag tej neeg yuav khoom siv thiaj tau hais tias nom tswv pawg neeg no yuav pib los txheeb tej xwm txheej nod lub xyoo no thiab yuav npaj ib cov neeg soj xwm uas paub tshuaj ntsuam thiab paub txheeb txog tej xwm txheej no nrog tej neeg kws lij choj.
Rental minimum standards yog dab tsi?
Nws tau hais tias txawm tias tsoom fwv xeev yeej tau kho tej hauj lwm ntiav tsev no ntau tshaj 130 zaus rau xyoo 2021 lawm los zoo li tej tswv tsev tseem pheej coj tej cwj pwm tsis zoo no txuas ntxiv ua ntuv zus thiab.
Williams hais tias ''Tej lagluam ntiav tsev feem ntau los yog tej neeg ntiav tsev/muag tsev feem ntau yeej ua qhov yog xwb - tab sis cov kev qhia txog tsoom fwv tej hauj lwm hnub no yog ib cov kev xa ib tsab xo meej tseeb qhia rau tej uas pheej tseem yuam tej cai tswj cov kev ntiav tsev.''
Yog li ntawd tej cai tswj tej vaj tse uas tsim nyog ntiav rau lwm tus nyob ntawm xeev Victoria thiaj teev tias lub tsev ntiav ntawd yuav tsum muaj ib chav ua noj uas haus uas tseem siv tau zoo, muaj ib lub qhov rooj kaw tau rau sab nraum zoov thiab yog ib lub tsev uas tseem ruaj thiab khov thiab tsis xau nag.
Cov kev tso cai rau ib tug neeg ntiav tsev mus nyob ib lub tsev uas txawv tej hais no yog ib co kev ua txhaum cai thiab yuav raug nplua nyiaj ntau tshaj $57,000 yog tias yog tej tuam txhab lagluam, thiab yuav nplua $11,000 yog tias yog tej neeg ntiag tug.
Koj yuav muaj peev xwm qhia cov kev ua txhaum no rau nom tswv li cas?
Ces lub koom haum Consumer Affairs Victoria thiaj yuav ua tus tswj tej dej num no thiab yuav tso cai rau zej tsoom qhia nws pawg neeg mus soj tej xwm txheej no tias seb puas muaj leej twg ua txhaum cai thiab muaj peev xwm tso tej duab pov tau rau hauv nws lub vas sab.
Thiaj tau pib tej hauj lwm no tom qab pab nom Greens tau los nug hauv tsev tsoom fwv txog tsoom fwv xeev tej tswv yim uas xav muab zej tsoom 44 lub tsev siab ntau tshooj rhuav thiab yuav muag tej av no muag.
Yog li cov kev nug txog tej xwm txheej no thiaj yuav mus tshuaj ntsuam tias puas muaj laj thawj zoo txaus uas yuav muab tej tsev no rhuav thiab nws lub tswv yim no ho yuav muaj teeb meem li cas rau tej neeg uas nyob ntawm zej tsoom tej tsev tam sim no li cas.
Samantha Ratnam uas yog tus coj pab nom Greens ntawm xeev Victoria thiaj tau hais tias 6 hlis dhau los no ces tus tsoom fwv no (Victoria) yeej tsis kam teb ntau cov lus nug uas nug txog nws tej tswv yim no li.
Lawv yeej tau tsis kam sab laj nrog leej twg, tau tsis kam teb tej lus nug ntau yam, thiab tsis qhia dab tsi rau tej zejzog paub li, thiab cia siab tias tej neeg 10,000 tus nyob ntawm tej vaj tse no yuav cia li ua twj ywm tawm ntawm tej vaj tse uas lawv nyob los ntev no, kom tus tsoom fwv no thiaj muaj peev xwm muab tej vaj tse no rhuav xwb. Tab sis cov kev muab zej tsoom tej vaj tse no rhuav haj yam yuav ua rau muaj tej teeb meem vaj tse phem tshaj qub tuaj ntxiv xwb.Victorian Greens leader Samantha Ratnam.
Ces Jacinta Allan uas yog hau xeev Victoria thiaj tau liam pab nom Greens tias koom tes nrog pab nom koom tswj los tawm tsam tsis pom zoo thiab xaus cov kev nqes peev tsim zej tsoom tej vaj tse xwb.
Tej no yuav ua rau yuav muab tej nyiaj coj mus siv los txheeb tej hauj lwm laj fai kum xeeb ntawm tsev kis xeev siab lawm xwb (thiab) yuav muab tej nyiaj no tig coj mus ua lwm yam dua ntawm cov kev yuav tsim kom tau tej vaj tse ntau tuaj ntxiv rau tej neeg Victoria nyob.Victoria's Premier Jacinta Allan told reporters on Thursday.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
