Ntsiab lus tseem ceeb:
- Dua ntawm tej park loj dua li Botanic Garden lawm ces tej nom tswv nroog yog cov ua tus tu thiab saib xyuas tej park hauv nroog feem ntau xwb.
- Feem ntau mas yog tias cov kev siv park cuam tshuam txog kev ua koom txoos lagluam ces yuav tsum tau thov kev tso cai thiab yuav tau them nyiaj thiaj tau siv.
- Yog li ntawd thaum siv tej park ces thiaj yuav tau coj tej cwj pwm uas xam txog lwm tus neeg los yog tej zej zog thiab.
Neeg Australia yeej yog tej neeg nyiam lawv tej park ntawm tej nroog. Thiab yeej muaj tej park
Tej vaj no yeej raug coj los siv ua ntau yam, li coj dev mus taug kev, mus ua si, mus ua exercies, ua chaw sib ntsib, ua chaw noj mov ntawm park, ua chaw ci nqaij no ua si, los yog ua lwm yam koom txoos.
Sammi Dobinson yog ib tug leej niam muaj ob tug me nyuam thiab ku yog ib tug coj ntawm lub koom haum , uas yog ib lub vas sab (website) uas taw qhia txog tej tswv yim uas tawm mus ua ib cov koom txoos dab tsis dawb rau tej me nyuam los yog tej cuab yig. Thiab nws los yeej tau mus xyuas tej vaj feem ntau ntawm nws lub nroog no.
Nws hais tias “Tej neeg yeej xav kom muaj peev xwm mus tau rau ib qho chaw twg, kom muaj kev lom zem thiab tsis tas pheej yuav siv nyiaj tas mus li."
“Thiab raws li ib txwm pom, ces tej parks tyog tej chaw uas tej neeg pheej nyiam siv thaum lawv mus nyob rau ib lub zos tshiab twg, vim yog ib thaj chaw uas muaj peev xwm nrhiav tau tej phooj ywg ntawm tej zejzog thiab nrhiav tau qee yam xov xwm txog yus lub zos ntawd."
Yog pom tej yam dab tsi puas los yog tsis zoo ntawm tej park hauv yus lub zos ces qhia rau nom tswv zos paub. Getty Images/Marianne Purdie Source: Moment RF / Marianne Purdie/Getty Images
Nws hais tias “Peb yeej muaj lub luag hauj lwm nrog saib xyuas tej parks los yog tej tshav puam, piv txwv li ib txhia chaw uas tsoom fwv xeev los yog tej koom haum trusts ua cov tswj ntawd.''
“Tab sis feem ntau ces tej nom tswv zos, crown reserve manager, los yog tej trust manager yeej yog cov tswv los sis yog tej tswj tu thiab saib xyuas peb tej parks.''
Txawm tias yeej muaj ib co cai twg siv coj los tswj li, txwv tsis pub pw hmo thiab tsis pub tsav tsheb mus rau tej parks feem ntau ntawm tej nroog, los kuj yog tej yam tseem ceeb xav kom tej neeg ho kub siab txog tej cai ntau yam siv rau ntawm tej nom tswv zos thiab.
Mr Johnson hais tias “Vim tej zaum kuj muaj ntau yam sib txawv, tej chaw sib txawv los yog ntau yam tab tom tshwm sim rau ntawm tej chaw ntawm tej nom tswv zos ntawd thiab. Yog li thiaj yog tej yam tseem ceeb uas yuav tau txheeb nrog yus tej nom tswv zos tso."
Tej niam txiv uas muaj tej me nyuam loj lawm tsim nyog nrog xyuas kom tsis txhob mus nrog tej me nyuam tseem yau ua si ntawm lawv tej chaw ua si. Getty Images/Jordan Lye. Source: Moment RF / Jordan Lye/Getty Images
“Ntawm peb 400 lub parks , ces tsuas muaj txog li 50 lub nkaus xwb uas thiaj pub yus tso dev yam tsis khi hlua xwb, tab sis , txhais tias muaj peb tej parks tshaj 50 feem pua ces yog tej parks uas yus tsis tas khi yus tej dev li."
Ms Dobinson tshab txhais tias, txawm tias tej parks uas tso cai rau yus tso tau tej dev yam tsis tas khi hlua, los kuj yog tej yam tseem ceeb uas yuav tau khi hlua rau thiab tuav rawv thaum mus nyob ze me nyuam yaus tej chaw ua siv thiab.
“Tej yam uas kuv pom qee zaus ces muaj ib txhia neeg pheej coj lawv tej dev mus rau ntawm tej me nyuam yaus tej chaw ua si thiab lawv yeej tsis tshua nyiam dev pes tsawg… Yog li ntawd, thiaj xav kom saib xyuas txhua sij hawm."
Ms Dobinson hais tias thaum tham txog tej cwj pwm siv park thiab me nyuam yaus tej chaw ua si lawm, ces muaj ntau yam ces yus yeej paub lawm tias tsim nyog los tsis tsim nyog ua li cas lawm.
“Tej yam li nqa yus tej khoom seem txeej (rubbish) nrog yus mus los sis yog ho coj mus pov rau ib lub thoob rau khoom seem txeej ntawm thaj chaw ntawd, thiab ua ntej yus yuav ncaim thawm thaj chaw ntawd mus tsim nyog yuav tu kom hu si, thiab ua zoo xyuas kom tej me nyuam yaus los tsuas ua si nrog tej twj uas haum raws lawv tej hnoob nyoog xwb thiab, vim yus yees tsis xav kom muaj tej me nyuam loj lawm pheej mus ua zawv zawg nrog tej me nyuam tseem yau, vim yuav yog tej yam nyuaj heev rau tej me nyuam."
Tsis tas li ntawd los tsim nyog coj tej cwj pwm zoo sib xws li no thiab ho xam rau lwm tus thiab thaum yus siv ib lub park ntawm zos ua khoob tsheej hnub yug rau yus tus me nyuam.
“Nrog xyuas kom tej me nyuam tsis txhob qw lom vab vab, tsis txhob nqa tej thev (boombox) uas tso suab nrog tooj ntsej heev mus siv, thiab nrog xyuas kom tej me nyuam tsis txhob pheej dhia rau ub rau no, thiab thaum ua koob tsheej tiav lawm kom nqa tej koom yus siv ntawd nrog yus rov qab mus tsev."
Yog tias tsuas muaj neeg tsawg mus sib ntsib, los yog ci nqaij noj ua ke, los sis yog siv lwm kem chaw ntawm tej parks ntawd, ces yog leej twg xub mus txog ces yuav xub tau siv thaj chaw ntawd ua ntej. Getty Images/Hero Images Inc Credit: Hero Images Inc/Getty Images
Kuv puas yuav tau thov kev tso cai tso yog yuav ua ib yam dab tsi ntawm lub park ntawd?
Raws li Mr Johnson ntawm City of Sydney tshab txhais ces yog tias yuav ua tej yam dab tsi uas muaj neeg koom coob, li ua tshoob thiab ua koob tsheej xaus xyoo laus, ces yuav tau teem caij los yog thov kev tso cai ntawm nom tswv. Thiab kuj yuav tau ua tib yam li no thiab yog tias ho ua koom txoos lagluam.
Tej koom txoos uas yuav tau thov kev tso cai ces yog tej uas yuav muaj tau teeb meem loj rau tej park, piv txwv li tej koob tsheej paj nruag, kiab khw, los yog ua lagluam muag khoom.Joel Johnson
Hos tej neeg uas mus xyaum qhia cov chav kawm rau lwm tus kom tau txais kev noj qab nyob zoo ntawm tej park ces tej zaum kuj yuav tau thov kev tso cai ntawm nom tswv zos, thiab muaj qee zaus ces yuav tau them nqe thiaj tau siv thiab.
Scott Hunt uas yog tus teeb tsa thiab kuj yog tus coj lub koom haum Fitness Enhancement, uas yog ib co lagluam qhia tej neeg ua exercise nraum zoov thoob plaws ntawm peb (3) lub xeev.
Nws hais tias “Yog tias koj tsuas qhia tej neeg tsawg dua li 10 leej xwb los koj yeej yuav tau thov kev tso cai, tab sis tsuas siv tau lub park ntawd dawb xwb. Tab sis ho muaj neeg coob tshaj 10 leej lawm li ua cov boot camp lawm, ces koj yuav tau them nyiaj thiab mas thiaj tau txais kev tso cai siv tau."
Tej laj thawj uas yog vim li cas tej nom tswv zo pheej muaj cai los tswj tej koom txoos ua luam ntawm tej parks ces twb yog xav kom tau txais kev noj qab nyob zoo thiab kev nyab xeeb rau zej tsoom.
“Qhov zoo ntawm tej uas lawv pheej hais tias yuav tau txais kev tso cai, ces yog pab txheeb tej personal trainers ntawd tias seb lawv puas qualified, puas yuav insurance pov hwm tej neeg uas siv tej parks ntawd."
Tab sis kuj tsis tas thov kev tso cai dab tsi thiab yog tias ib pab neeg mus koom ua excercis kom lom zem ntawm lub park ntawd xwb.
“Yog tias koj thiab koj tej phooj ywg, los yog koj pab neeg ncaws pob los sis yog koj tej neeg ua hauj lwm ua ke, los yog yus tus kheej ua exercise ntawm ib lub park xwb, thiab tsis tau nyiaj dab tsi, ces kuj tsis muaj kev txwv dab tsi. Vim peb tej parks ces yeej yog tej chaw rau tej neeg siv li ntawd, thiab peb yeej tau them tej council rates thiab them se lawm.”
Getty Images/Traceydee Photography Source: Moment RF / Traceydee Photography/Getty Images
Yog li ntawd ne tej nom tswv zos ho txwv dab tsi xwb? Feem ntau mas lawv tsuas txwv yus yog tias ho muaj neeg yws tsis txaus siab rau lawv xwb. Thiab yog yus tsis ua rau tej zej zog tu siab dab tsi ces kuj tsis muaj dab tsi thiab, vim yus yeej tsis xav kom muaj teeb meem rau yus thiab.Scott Hunt
“Thiaj xav kom ua raws li qhov tsim nyog ua xwb, thiab muaj kev hwm, thiab kom ras tias lub park ntawd los yeej yog yus lub, thiab yeej yog tej neeg zej zog lub thiab, yog li ntawd yus yuav tsum tau nrog tu thiab siab xyuas."
Siv tej chaw ci nqaij ntawm tej park ntawm koj lub zos li cas?
Tej cwj pwm coj ntawm tej park ces yeej yog tej yam yooj yooj yim uas yus xyuas qhov tsim nyog ua ces ua xwb thiab ho xam txog lwm tus xwb. Txawm li cas los yeej muaj qee yam cai li hauv qab no siv thiab:
- Kub siab txog kev nyab xeeb ua ntej: Yog tias koj nqa koj tej twj ci nqaij mus siv, ces ua zoo xyuas seb puas tau thov kev tso cai pom zoo siv tau ntawm koj tej zos.
- Tu tej chaw ci nqaij koj huv: txawm tias tej nom tswv zos yeej ib txwm tus tej chaw ci nqaij, los kuj yog tej yam zoo uas koj pab tu kom huv si cia rau lwm tus neeg tau siv txuas ntxiv thiab.
- Cov kev sib faib siv yog cov kev kub siab txog lwm tus: txawm li cas los yeej siv tej cai li "yog leej twg xub mus txog thaj chaw ntawd ces lawv yuav xub tau siv ua ntej", uas yeej yog tej cai uas tswj cov kev siv zej tsoom tej chaw, tab sis tej parks feem ntau ces yeej muaj ntau qhov chaw muaj duab ntxoov ntxoo rau tej neeg noj mov, los yog tej chaw ci nqaij noj, thiab yeej xyuas kom muaj tej chaw no txaus rau sawv daws siv thiab.
Txheeb kom koj paub zoo txog cov kev ceeb toom txog tej kev phom sij txog hav zoov kub hnyiab, thiab tej kev txwv ntawm koj lub xeev nrog lub koom haum ntsuam thiab kwv yees huab cua (Bureau of Meteorology - BOM) raws li tej links hauv qab no:
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
