SBS Examines: ယီၣ်ကူၣ်ဆး-AI တၢ်ဃုထၢ: AI န့ၣ် ဘၣ်ထံး ဟီၣ်ခိၣ်ဒီဘ့ၣ်တၢ်ဖးအဒိၣ်ကတၢၢ်သ့ၣ်တဖၣ်ဒ်လဲၣ်

Copy of Copy of SBS Examines Podcast Canva Tile.png

ဖဲအပူၤကွံာ်တနံၣ် ဒံၣ်မိၣ်ခြ့ၣ်စံၣ်အဒိၣ်ကတၢၢ်တၢ်ဃုထၢအပူၤန့ၣ် စးထီၣ်လၢ "Communist Kamala" တုၤလီၤဆူ တၢ်ဆီၣ်ထွဲဆှၢနုာ် Bollywood န့ၣ်, ယီၣ်ကူၣ်ဆး—AI (artificial intelligence) အတၢ်ဂဲၤလိာ်သနၢၣ်သ့ၣ်တဖၣ် ပၣ်ဃုာ်ဝဲဒိၣ်ဒိၣ်မုၢ်မုၢ်န့ၣ်လီၤ.


ကမ့ၢ်ဝဲတၢ်အဆိကတၢၢ်တဘျီလၢ တၢ်တ့ဒုးအိၣ်ထီၣ် AI လံာ်ကျိၤ, တၢ်ဂီၤမူ, တၢ်ဂီၤဒီး တၢ်ကလုၢ်သ့ၣ်တဖၣ်န့ၣ် အကပၣ်ဃုာ်ဖဲတၢ်ဟူးတၢ်ဂဲၤ ထံရူၢ်ကီၢ်သဲးတၢ်ဂဲၤလိာ်သ့ၣ်တဖၣ်အပူၤန့ၣ်လီၤ.

ဖဲကီၢ်အ့ဒံယါန့ၣ်, တၢ်တ့ဒုးအိၣ်ထီၣ် Bollywood ပှၤဂဲၤဒိအယီၤအဘျၣ် လၢအဆီၣ်ထွဲထံရူၢ်ကီၢ်သဲးကရၢသ့ၣ်တဖၣ် ဟဲအိၣ်ဖျါထီၣ်ဖဲ ပှၤဟ့ၣ်တၢ်ဖးသ့ၣ်တဖၣ် အကမျၢၢ်တၢ်ဆဲးကျိးတဝၢ social media အဖီခိၣ်န့ၣ်လီၤ.

ဝဲၤဒ့လၢအပဲၤထံနီၤဖးတၢ်တ့ဒုးအိၣ်ထီၣ်တၢ်အယီၤအဘျၣ်, Deepfakes Analysis Unit (DAU) အခိၣ် Pamposh Raina စံးဝဲ: “အဝဲသ့ၣ်အကလုၢ်န့ၣ်တၢ်က့ၤဂဲၤလိာ်ဘှီထီၣ်အီၤ, တၢ်အိၣ်သးတနီၤနီၤန့ၣ်, တၢ်လၢအဝဲသ့ၣ်တဲပာ်အခီၣ်ထံးတၢ်ဂီၤမူအမ့ၢ်အတီအပူၤ တၢ်ကတိၤသ့ၣ်တဖၣ်န့ၣ် ဆီတလဲကွံာ်အသးခဲလၢာ် ဒီးအိၣ်ဖျါလီၤဂာ်က့ၤလၢ အဝဲသ့ၣ်န့ၣ် ဆီၣ်ထွဲဝဲထံရူၢ်ကီၢ်သဲးလီၤတံၢ်လီၤဆဲးတဖုဖု နာ်သက့ တၢ်နီၣ်ကီၢ်တခီ အတမ့ၢ်ဒ်န့ၣ်ဘၣ်."

တကတီၢ်ဃီအံၤ, ဖဲကီၢ်အမဲရကၤအပူၤန့ၣ်, ယီၣ်ကူၣ်ဆး-AI တၢ်ဂီၤမူ အိၣ်ထီၣ်တခါ လၢအတ့ထီၣ်ဝဲ Kamala Harris ကူသိးထီၣ်ဒ်သိး ဆိဘံယဲၣ် (Soviet) အခိၣ်တဂၤဒီးကတိၤလီၤတၢ် ဒီးတၢ်ဂီၤမူအယီၤအဘျၣ်အံၤ တၢ်ဆှၢနီၤလီၤအီၤအါမး လီၤဆီဒၣ်တၢ်ဖဲ လးတံနိး (Latino) ပှၤဟ့ၣ်တဖၣ်ဖးသ့ၣ်တဖၣ်အကျါန့ၣ်လီၤ.

ကရၢလၢအထီဒါမၤဟးဂီၤ တၢ်ကူၣ်တၢ်ဆး တၢ်ကစီၣ် တၢ်ဂ့ၢ်တၢ်ကျိၤတမ့ၢ်တတီဘၣ်, Factchequeado ပှၤရဲၣ်ကျဲၤတၢ်အဲဒံထၢၣ်, Ana Marìa Carrano စံးဝဲ: “ဖဲပှၤဟ့ၣ်စပါန့း (Hispanic) အပှၤတဝၢပူၤန့ၣ်, ပှၤဟဲန့ၢ်လၢ Latin America သ့ၣ်တဖၣ် အတၢ်ရ့လိာ်ဒီး မီၤစိရိၤပဒိၣ်သ့ၣ်တဖၣ်န့ၣ် လီၤဆီလိာ်အသးဒိၣ်မး. အဃိဘၣ်ဃး တၢ်ဘၣ်ထွဲဘၣ်ဘျးဒ်သိးအံၤန့ၣ်, တၢ်လဲၤခီဖျိဒီးတၢ်ဂ့ၢ်လိာ်သ့ၣ်တဖၣ် လီၤဆီလိာ်အသးန့ၣ်လီၤ.”

တၢ်ပာ်ဖျါအံၤမ့ၢ်ဝဲ, SBS Examines အတၢ်ဃိထံပာ်ဖျါ တၢ်အိၣ်သးဖဲ ကီၢ်အ့ဒံယါဒီးကီၢ်အမဲရကၤအပူၤ လၢယီၣ်ကူၣ်ဆး-AI တ့ဒုးအိၣ်ထီၣ် တၢ်ကစီၣ်တၢ်ဂ့ၢ်တၢ်ကျိၤတမ့ၢ်တတီဘၣ်သ့ၣ်တဖၣ် မၤဘၣ်ထံး ဟီၣ်ခိၣ်ဒီဘ့ၣ်တၢ်ဖးအဒိၣ်ကတၢၢ်သ့ၣ်တဖၣ် ဒ်လဲၣ်အဂ့ၢ်န့ၣ်လီၤ.

Share

Recommended for you