Lejizlasaun ne’e hanesan komprimisu ida husi governu Albanese nian wainhira sira kaer governu tinan ida ne’e. Kompromisu ida-ne'e hatán diretamente ba pedidu sira ne'ebé nasaun sira-ne'e hato'o ba tempu naruk hodi hetan asesu mai hela iha Australia.
Lejizlasaun ne'ebé aprova ona husi Senadu sira iha Australia sei uza sistema votasaun pre-aplikasaun. Ida ne’e signifika katak aplikantes atu sai rezidensia permanente sei hili liu husi votasaun ne’ebe mak halo depois sira hatama sira nia aplikasaun. Se aplikantes sira hetan susesu iha votasaun, entaun sei ezije sira atu kumpre kriteriu sira inklui hetan servisu iha Australia.
Tuir konferensia imprensa konjuntu ne'ebe halao husi Ministra Negosiu Estranjeiro, Ministru ba Immigrasaun Sidadania no asuntu Multicultural no mos Ministru ba Desenvolementu Internasional no ba Pasifiku, Australia nian hateten katak, vistu Ida ne'e sei kria oportunidade foun ba povu Pasifiku no Timor-Leste atu moris, servisu no hetan edukasaun iha Australia. Ida ne’e mos sei ajuda hametin unidade iha komunidade Pasifiku no Timor-Leste sira, no enkoraja troka kultura, negósiu no edukasaun ne'ebé forte liu tan.
Ministra Negosiu Estranjeiro, Senador Hon. Penny Wong. (AAP Image/Mick Tsikas) NO ARCHIVING Source: AAP / MICK TSIKAS/AAPIMAGE
Hon. Andrew Giles hanesan Ministru ba Immigrasaun, Sidadania no asuntu Multikultural mos hat'oo katak; Lei ne'ebé aprova ba tipu vistu ida ne'e, sei kontribui ba estabilidade, seguransa no prosperidade iha ita-nia rejiaun no hatudu katak parseria ne'ebe forte ne'ebe foka ba nesesidade no prioridade sira ne'ebé fahe ba malu, mak iha interese nasionál Australia nian."
Nune’e mos Ministru ba Desenvolementu Internasional no ba Pacific, Hon.Pat Conroy hatutan tan katak; Vistu ne'e nu'udar reprezentasaun tanjivel ida husi parseria úniku ho nasaun Pasifiku ho Timor-Leste, no nasaun rua ne’e simu ona proposta vistu ne'e. Aprova lejizlasaun ida-ne'e hatudu katak Australia iha responsabilidade ba preokupasaun husi nasaun sira iha Pasifiku no Timor-Leste no kumpre ninia promesa sira. Sistema inkluzaun votasaun nian sei garante katak Australia sei la prevene povu husi nasaun Pasifiku no Timor-Leste atu uza sira-nia abilidade no talentu, hodi halo parte iha prosesu ne’e.
Tuir planu programa Vistu "The Pacific Engagement Visa" sei hahú iha tinan 2024 depois de lejizlasaun no prosesu adminstrasaun relevants preparadu no aprova ona inkluido aprova mos husi Governador-Jeral iha Konsellu Ezekutivu Federal.
Atu hatene informasaun kompletu liu tan bele hare situs ka link tuir mai ne’e.
Fonte Informasaun:
