LISTEN TO
SBS Examines: دائیں بازو یا بائیں بازو ؟ تارکین وطن اس انتخاب میں ووٹ دیتے ہوئے کیا مدنظر رکھیں گے
SBS Urdu
07:17
سڈنی میں ثقافتی اعتبار سے سب سے زیادہ متنوع علاقے فولر سے بطور آزاد رکن لی ڈائی کا کہنا ہے کہ ان کے ووٹرز میں بہت سے لوگ ایسے ہیں،جوآسٹریلیا کے سیاسی نظام کے کام کرنے کے طریقے سے ناواقف ہیں۔
سیاسی خواندگی ( شعور) بالکل صفر ہےDai Le, federal member for Fowler
انہوں نے ایس بی ایس ایگزامینز کو بتایا کہ بڑی جماعتیں تارکین وطن کمیونٹیز کو متاثرکرنے کی کوشش کرتی ہیں، لیکن تارکین وطن کے نقطہ نظر پر توجہ نہیں دیتی ہیں۔
انہوں نے کہا کہ "وہ تارکین وطن کے ووٹ کا استعمال کرتے ہیں، جبکہ تارکین وطن کی ضروریات اور مسائل کو مدنظر رکھنا ایک مختلف بات ہے۔"
"امید ہے کہ یہ بدل جائے گا۔ یہ دیکھنا دلچسپ ہوگا کہ یہ آنے والا الیکشن ان سب کو کیسے بدل دے گا، کیونکہ آزاد امیدواروں کی تعداد زیادہ ہے۔
یونیورسٹی آف نیو ساؤتھ ویلز سے ایسوسی ایٹ پروفیسر سکھمانی کھرانہ نے سیاسی خواندگی اور آسٹریلیا کی تیزی سے بڑھتی ہوئی چینی اور جنوبی ایشیائی کمیونٹیز میں شرکت پر تحقیق کی ہے۔
انہوں نے کہا کہ ان کمیونٹیز کے ووٹرز کوئی خاص مزاج نہیں رکھتے - وہ کسی پارٹی سے روایتی وفاداری کے بجائے مسائل پر ووٹ ڈال رہی ہیں۔
انہوں نے کہا کہ "یہ (ووٹ بینک ) لیبر سے لبرل کی طرف منتقل ہوتا ہے، تاہم یہ منتقلی اس پر منحصر ہے کہ اس مخصوص انتخابی مہم میں کیا ہو رہا ہے۔"
ایس بی ایس ایگزامنز نےدائیں اور بائیں بازو کی سیاست کے حوالے سے یہ دیکھنے کی کوشش کی کہ تارکین وطن کمیونٹی آسٹریلیا میں سیاست سے کس طرح رجوع کرتی ہے۔
______________
جانئے کس طرح ایس بی ایس اردو کے کریں “” کےنام سےموجود ہماری موبائیل ایپ یاڈیوائیسزپرانسٹال کیجئے۔ پوڈکاسٹ سننے کے لئے نیچے دئے اپنے پسندیدہ پوڈ کاسٹ پلیٹ فارم کا انتخاب کیجئے
