Lub caij uas haiv neeg no tej nqe yuav tsev kim heev no, cov kev xav yuav Australia ib lub tsev tsis yog tej yam yooj yim kiag li.
Tab sis tej neeg xub yuav thawj lub tsev nyob no kuj muaj peev xwm yuav tau tsev nyob yam tsis tau nyiaj pab dab tsi los ntawm lawv tsev neeg coj mus zoj kom yuav tau tsev li.
Yeej tsis yog ib txoj xub ke yooj yim, thiab tej zaum lawv kuj tsis muaj peev xwm yuav tau tsev raws li lawv txoj kev npau suav, tab sis lawv kuj zoo siab heev uas kuj yuav tau ib lub tsev rau lawv nyob lawm thiab.
The single first-home buyer
Sam Nielsen kuj muaj peev xwm yuav tau ib lub tsev raws li nws txoj kev npau suav lawm, tab sis nws hais tias ''yeej yuav tau tso tseg qee yam'' mas thiaj li muaj peev xwm yuav tau thiab''.
Tus neeg hnoob nyoog 28 xyoo uas yog ib tug manager ntawm ib lub call centre yeej tau siv 10 xyoo diam mam li txuag tau nyiaj los yuav tau ib lub tsev, thiab yog ib cov kev txiav txim siab uas yuav tau ua rau lub caij uas tsis tshua muaj peev xwm ntiav tau tsev nyob ntawm Perth lawm.
[Lub tsev kuv tau tab tom ntiav nyob] yeej yog lub uas zoo thiab lub dav heev ... Tab sis tam sim no ces $500 ib limtiam twg yeej ntiav tsis tau tsev nyob li lawm ... Ces cov kev yuav tsev thiaj yog tej yam pheej yig zog rau kuv lawm.Sam Nielson, call centre manager told SBS News.
Nielsen tau muag tag nrho nws tej shares ces thiaj tau nyiaj yuav laug txog 20% coj mus zoj yuav ib lub tsev, ntxiv rau tej nyiaj kom nws thiaj yuav tau tsev.
Nws tau hais tias ''yog tej yam zoo heev'' uas muaj peev xwm siv $363,000 yuav tau ib chav tsev apartment uas muaj ob chav pw ntawm lub zos Belmont ntawm plawv zos sab hnub tuaj ntawm nroog Perth, tab sis nws yuav tau tau tso tseg ntau yam uas nws xav tau thiab.
Kuv tsuas yuav tau ib lub apartment me me uas kuv yeej tsis tshua nyiam los yog tsis nyob rau thaj chaw kuv xav yuav. Tab sis kuj tsuas yog lub uas kuv thiaj muaj peev xwm yuav tau xwb thiab. Txawm li cas los kuj tau pab kom kuv yuav tau tsev, thiab kuv kuj tau xav tias vim muaj ntau tsam yam zoo li tam sim no lawm ces yog tias kuv tsis yuav ces ntshe kuv yeej tsis muaj peev xwm yuav yuav tau li lawm.Sam Nielson, call centre manager told SBS News.
Nielsen thiaj tau hais tias tsim nyog nws kub siab tshaj no txog nws lub neej pem suab rau thaum ntxov uas nws tseem muaj hnoob nyoog 20 tawm xyoo thiab khaws nyiaj li 5 txog 10 feem pua ntawm nws tej nyiaj khwv tau ib zau twg cia, tsis yog pheej xub kub siab txog ntau yam li cov kev ntoj ncig xwb.
Tej nkawm niam txiv yuav thawj lub tsev
Ash Kalia uas yog ib tug neeg paub tshuaj ntsuam txog txhab nyiaj thiab nws tus tab zag yeej tau tso tseg ntau yam cwj pwm ua lub neej kom txuag tau nyiaj 20 feem pua coj mus zoj yuav thawj lub tsev rau nkawv nyob ntawm Point Cook, sab qab teb hnub poob ntawm nroog Melbourne.
Tus neeg hnoob nyoog 34 xyoos no tau qhia tias thaum xub ces yuav tau tso tseg tej yam tsis tseem ceeb li tej nqe yuav kasfes thiab tej nqe noj mov ntawm tej khw noj mov, ua ntej uas yuav kub siab tiag tiag los txheeb nkawv lwm cov hom phiaj thiab yuav tau tig los siv lub tswv yim ''txuag tiag tiag''.
Thaum yus siv muaj cov kev xav no lawm ces yus yuav tau nrhiav tej xub ke pab kom yus txuag, thiab tag nrho ntawm yus lub neej los yuav tau xyuas kom txuag tau lawm. Yus xav tias ... 'Kuv xav txuag kom tau txaus coj mus zoj yuav ib lub tsev', ces yuav thiaj li yuav tau txuag txhua yam; yus tsis txhob siv nyiaj kim mus noj sus, mus sib tham sib ntsib, thiab ua txhua tsav yam lawm.Ash Kalia, bank analyst told SBS News.
Bank analyst Ash Kalia uas yog ib tug neeg paub tshuaj ntsuam txog txhab nyiaj thiab nws tus tab zag yuav ib lub tsev $660,000 uas muaj peb chav pw ntawm Point Cook. Source: Supplied / Ash Kalia
Ces thaum kawg nkawv thiaj ua ib siab tsis yuav lub tsev raws li nkawv nyiam lawm, vim tej nqe tsev los yej tau nce kim heev ua ntej nkawv yuav muaj peev xwm txuag tau nyiaj los zoj yuav tsev ua ke thiab.
Ob xyoos dhau los ces wb yeej mus saib tej tsev uas txawv heev. Vim yog ib co tsev loj dua, thiab muaj tej chav pw ntau dua. Thiab tib lub tsev wb tau mus xyuas thaum ntawd yog li ntawm 690[K] txog 700[K] twb tau nce txog li ntawm $800,000 lawm. Ces thiaj nce ntau kawg nkaus li lawm.Ash Kalia, bank analyst told SBS News.
Yog li ntawd lub caij uas nkawm niam txiv no tseem toas yuav mus nqa yawm sij qhib lub tsev muaj peb chav pw rau ob hnub so, uas nkawv yuav $660,000 ntawd, nws thiaj hais tias cov kev paub tias thaum kawg yus muaj peev xwm yuav tau tsev tiag lawm ''zoo li ib co xwm txheej tsis muaj tseeb li.''
Kalia thiaj tau hais tias "Thiaj yog tej yam tseem ceeb tau tshwm sim. Vim cov kev yuav thawj lub tsev yeej yog tej yam ib txwm zoo heev ... Muaj qee zaus ces yus mloog tau tias yeej tsis tshua xav yuav tsev li. Tab sis yus kuj xav tias 'Txawm li cas los ntshe yuav tau yuav thiab mam them'...Ces qhia qhov tseeb lawm kuj ua rau yus zoo siab kawg li thiab.''
Sara thiab Pedro tau yuav nkawv thawj lub tsev ntawm Sydney thiab nkawv tau hais tias cov txheej txheem yuav tsev no tseem yooj yim tshaj cov kev yuav tsev ntawm nkawv lub teb chaws Brazil lawm thiab. Source: Supplied
Nkawm niam txiv no kuj nrhiav tsev yuav ib ntus xwb thiab, tom qab uas nkawv nyiam ib lub tsev muaj 2 chav pw uas yog apartment uas tus neeg tsim yog ib tug neeg Japanese, uas Sara twb tau tsawb fawb txog lub tsev no lawm.
Ces tus neeg hnoob nyoog 30 xyoo uas yog ib tug research manager thiaj tau hais tias nkawv kuj ceeb thiab tias kuj muaj peev xwm siv tau cov txheej txheem yuav tsev no thiab vim nkawv yuav tau sib tw nrog tej neeg nqe peev muaj nyiaj rau txhua txhua lub tsev uas nkawv mus xyuas thiab.
Ntawm teb chaws Brazil mas yeej yuav tsev nyuaj zog txawm tias tej vaj tse ib nyuag pheej yig zog vim yuav tau them nyiaj ntau zog thaum them rov qab. Thiab kuj pom tias ntawm Australia no ces tsuas siv nyiaj 5 feem pua ntawm lub tsev coj mus zoj yuav lub tsev no xwb thiab tseem muaj peev xwm thov tau cov nyiaj pab tej neeg yuav thawj lub tsev nyob thiab ces haj yam yooj yim tshaj qub ntxiv.Sara, research manager.
Tej kiab khw lagluam vaj tse zoo li cas lawm?
Thoob haiv neeg no ces tej nqe tsev (tsev thiab units) yeej yog $768,000 rau lub 3 hlis ntuj (2024) — uas yog ib tug nqe tsev uas CoreLogic hais tias tau nce siab kawg nkaus lawm.
Hos tus nqe tsev nrab ntawm Sydney uas yog tus nqe kim tshaj plaws ces yog $1.069 million, ntxiv ntawd ces yog Melbourne ($802,000); Brisbane ($801,000); Adelaide ($723,000); Hobart ($662,000); thiab Perth ($660,000).
Txawm tseem ntsib teeb meem tsev kim, los tej neeg yuav thawj lub tsev kuj tseem muaj peev xwm yuav tau tsev li lub caij thaum xub uas tsis tau muaj kab mob kis thoob ntuj thiab raws li lub koom haum Australian Bureau of Statistics (ABS) tej xov xwm uas tau coj los qhia rau hnub zwj Hli (Monday).
ABS tau txheeb tau tias muaj tej neeg yuav thawj lub tsev muaj peev xwm qev tau nyiaj los yuav tsev txog 13.2 feem uas uas yog ib co feem pua ntau tshaj cov feem pua ntawm ib xyoos dhau los thiab.
Tab sis Eliza Owen uas yog CoreLogic tus economist cov kev tshab txhais txog tej xov xwm ntev tom ntej no kuj qhia tej yam txawv thiab.
Txawm tias zoo li muaj tej neeg yuav tsev thawj zaug yuav tsev ua ntuv zus los yog tej zaum kuj yuav ib nyuag ntau zog yog piv rau tej keeb kwm yuav tsev nrab los yog thaum peb los txheeb txog tej neeg hnoob nyoog 24 txog 34 xyoos ntawm Australia no ces kuj tseem yog cov uas yuav tau tsev tsawg thiab. Ces kuv thiaj xav tias yuav ua rau peb pom tias yuav muaj cov kab theem neeg ua tswv tsev no tsawg ntev ntxiv tuaj lawm.CoreLogic's economist Eliza Owen.
Raws li ABS tej xov xwm qhia ces txawm tias tus kab theem nrab uas tej neeg yuav thawj lub tsev yog 35 ntawm xyoo 2020 los 10 dhau los yeej muaj tus kab theem neeg yuav thawj lub tsev no txog li 32 thiab.
Raws li tau muaj Westpac ib tsab ntawv cej luaj qhia ces ze txog li ntawm 60 feem puas ntawm tej neeg xav yuav tsev yeej tau nyiaj pab ntawm lawv niam lawv txiv los yog tej tub koom siab ntawm lawv tsev neeg. Source: AAP / Diego Fedele
Yuav yuav tau tsev nyuaj zog lawm yog tias yus tsis muaj ib lub tsev vim rau qhov tej nqe tsev yeej tau nce ntau tshaj tej nyiaj uas tej neeg khwv tau ntau tuaj ntxiv thiab. Ces thiaj ua rau nyuaj tshaj qub ntxiv rau tej neeg cov kev yuav khaws kom tau nyiaj txaus coj mus zoj yuav tsev lawm.CoreLogic's economist Eliza Owen.
Westpac ib tsab ntawv cej luam tshiab xyoo 2024 no kuj tau qhia tias ze txog li ntawm 60 feem pua ntawm tej neeg xav yuav tsev yeej tau nyiaj pab los ntawm lawv niam lawv txiv los yog lwm tus neeg ntawm lawv tsev neeg.
Scott Partridge uas yog ib tug neeg ib tug neeg muag vaj tse ntawm lub koom haum Mortgage Choice tau hasi tias nws yeej ua hauj lwm nrog tej neeg yuav thawj lub tsev tas li thiab yuav laug tag nrho tej neeg no ces yeej tau nyiaj pab ntawm lawv tsev neeg los yog ntawm tsoom fwv li cov nyiaj pab kom tau them se yuav tsev tsawg los yog tau cov nyiaj coj los pab yuav thawj lub tsev.
Ces nws thiaj tau hais tias ntshe xyov zoo li tej neeg yuav thawj lub tsev no puas muaj peev xwm yuav tau tsev nyob lawm, ces thiaj li yuav ua rau lawv yuav tej tsev me zog los yog tej tsev uas pheej yog zog tom qab tau nce kab theem paj ntau zaus.
Tsim nyog tej neeg paub tias tej zaum ntshe lawv yuav tau tso tseg qee yam ntawm tej tsev uas lawv xav yuav ntawd lawm. Vim yeej ib txwm pom tias tej neeg muaj peev xwm yuav tsev, tab sis zoo li kuj yuav tau tsev nyuaj tuaj ntxiv lawm ces tej zaum tej neeg kuj muaj peev xwm siv cov kev yuav tej tsev units no pab kom lawv muaj peev xwm yuav tau tej tsev raws li qhov lawv xav yuav.Mortagage Choice broker Scott Patridge.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
