Yog tham txog yoov lawm ces yeej tsis yog tej yam yus nyiam pes tsawg, tab sis ntawm teb chaws Australia no ces lub caij ntuj sov uas yus mus ncig ntawm tej ntug hiav txwv thiab taug kev ntawm hav zoov, ces pheej muaj yoov ya los ntsauv los tsaws yus tas mus li.
Yog tej yam uas ''meem txom kawg nkaus li'' vim tej yoov pheej nyiam los tsaws, thiab pheej ya raws yus qab, los ntsauv yus tej qhov ncaug qhov muag thiab ntsej muag, thiab yeej muaj ntau zaus ua rau lwm tus xav tsis zoo rau yus tias ntshe tej zaum yus tsw ntxhiab los yog yus tsis da dej.
Tab sis muaj ib co kev teeb txheeb qhia tias vim li cas tej yoov thiaj pheej nyiam ya los ntsauv los tsaws yus.
Hom yoov
Yeej muaj tej yoov ntawm Australia ntau tshaj 30,000 hom (thiab muaj ntau tshaj 150,000 hom yoov thoob ntiaj teb), thiab tsuas tau teeb txheeb txog 7,700 hom yoov tam sim no xwb.
qhia tias, hom yoov uas pom muaj tas mus li ntawm Australia ces yog hom yoov npe hu ua Nematocera, li tej yoov uas tsis tom neeg li hom yoov tshaj cuam tsis tom neeg (crane fly), hos lwm hom yoov ces yog cov hu ua Brachycera - li tej yoov ntawm tej tsev, tej yoov noj txiv xyoob txiv ntoo thiab yoov nees.
Hos tej yoov uas pheej ya los ntsauv thiab tsaws peb ces yog cov yoov hav zoov (bush fly) uas raug teev nrog hom yoov tsis tom neeg thiab muaj yam ntxwv muaj ntsis zoo sib xws li tej yoov muaj ntawm tej vaj tse, thiab yog ib co yoov uas yeej pom muaj ntawm Australia, thiab pheej ua rau tej neeg ntaus/lawv yoov li lo lus ''Aussie salute''.
Vim li cas yoov thiaj pheej nyiam ya los ntsauv los tsaws tib neeg ua luaj li
Tej yoov li cov yoov nees, thiab tej yoov hav zoov (bush fly) yog cov yoov uas tsis tom neeg, tab sis lawv pheej nyiam noj tej protein, carbohydrate, ntsev, piam thaj ntawm peb tej tawv nqaij.
Tsis tas li ntawd los tej yoov no yeej muaj tej sensor system zoo heev uas muaj peev xwm ua rau yoov paub tias tib neeg muaj (tej khoom qab heev no), txuas ntxiv ntawd ces yog tej pa carbon dioxide uas peb tso pa tawm ntawm peb lub cev uas ua rau yoov paub tias peb nyob qhov twg, yog li ntawd txawm yus xav khiav kom dim tej yoov los ntshe yus kawg swb rau tej yoov thaum tseem xav tias yuav xav khiav kom dim lawm.
Tej yoov no tshaj lij tshaj qhov yus xav lawm thiab
ces kuj txheeb tau tias zoo li tej yoov yeej ''xav'' ua ntej yuav ua ib yam dab tsi zoo tib yam li tib neeg thiab, thiab tej yoov los yeej siv sij hawm ntev heev xav los ua cov kev txiav txim siab uas sib chab sib chaws thiab.
Tej kws tshawb fawb (Scientists) yeej lees paub tias kuj ua rau lawv mloog tau tias txawv kawg uas txheeb tau tej no, thiab kuj tau qhia tias txawm yog yoov los zoo li yeej yog tej yam tsiaj uas muaj kev tshaj lij txawj ntse thiab.
Thaum xub ces tej txheej txheem khaws tej xov xwm ua ntej yuav muaj cov kev txiav txim siab ua ib yam dab tsi tsuas yog ib co hauj lwm ntawm tej tsiaj txhu uas muaj kev txhim kho thiab pauv hloov theem siab li tej liab thiab tib neeg xwb.
N์yob rau cov kev sim teeb txheeb ces tej kws teeb txheeb yeej tau cia tej yoov noj txiv xyoob txiv ntoo muaj peev xwm txheeb tau qhov sib txawv ntawm tej ntxhiab tsw muaj ceem dua muaj ntsis zoo tib yam li tej ntxhiab uas lawv raug xyaum kom tsis txhob mus hnia.
Thiab yog thaum tej yoov muaj peev xwm txheeb tau cov ntxhiab tsw muaj ceem sib txawv heev thiab txheeb tau tej ntxhiab no yooj yim ces tej yoov no yuav ya mus rau ntawm hauv ntej ntawm ib chav twg kom nrug deb ntawm cov ntxhiab uas tsw ntxhiab tshaj plaws.
Tab sis yog thaum muaj cov ntxhiab tsw muaj ceem tab sis tej yoov no ho tsis muaj peev xwm cais tau tias tus ntxhiab tsw zoo li cas ces tej yoov yuav siv sij hawm ntev heev los txiav txim siab seb yog hom ntxhiab twg thiab yuav ua yuam kev ntau tuaj ntxiv.
Ces thiaj pom tias tsis yog tias nws cia li ua ib yam dab tsi yam tsis nco faj xwb tab sis zoo li nws yeej tau khaws ntau yam xov xwm coj los luj tias nws tej kev muaj peev xwm hnia ntxhiab qhia dab tsi rau nws ua ntej yuav txiav txim siab ua ib yam dab tsi.
Professor Gero Miessenbock ntawm lub chaw teeb txheeb txog cov hlab txais kev paub (Nueral circuit) thiab tej cwj pwm ntawm tsev kawm qib siab Oxford University hais tias, freedom of automatic stimuation ces yog ib lub cim qhia txog kev paub thiab kev totaub los yog laj lim tswv yim.
Nws hais tias ''Peb cov kev teeb txheeb tshawb fawb tau tias tej yoov txiv xyoob txiv ntoo muaj peev xwm rau cov kev xav yam ua rau peb ceeb loj kawg, vim yav tag los yeej tsis muaj leej twg paub txog tej no li.''
Txawm tias yoov 'yuav meem txom heev' los kuj tsis yog tej yam phem thiab
Txawm tias yeej tsis muaj leej twg nyiam kom yoov los ntsauv los tsaws yus (tej ntsej muag) thiab tsaws rau tej zaub mov) los Australia tej kws ecologists yeej hais tias kom peb tsis txhob txhawj dab tsi tias tsam tej yoov yuav ua rau peb muaj mob los yog kis tau kab mob dab tsi thiab.
ntawm tej yoov ntawm tsev thiab yoov taub hau ntsuab txog li 116 tus ntawm 3 nrim av (Continents) uas tau coj mus cej luam rau ntawm phau ntawv xov xwm Scientific Reports tsis ntev los no, ces pom tau tias yeej muaj qee zaus ces tej yoov no yog cov nqa tej kab mob bacteria ntau pua yam, thiab yeej muaj ntau yam yuav raug kev phom sij tau rau tib neeg.
Tej xub ke teeb txheeb genome thiab cov kev xam tshiab uas siv coj los teeb tshawb fawb cov kev teeb txheeb no tau ua rau pawg neeg teeb txheeb no muaj peev xwm txheeb tau tias tej yoov tau nqa/coj dab tsi nrog lawv lub cev yam peb tsis tau paub tau pom dua los li.
Ces tej kws teeb txheeb thiaj txheeb pom cov piv txwv Helicobacter pylori 15 uas pheej ua rau muaj kiav txhab hauv tib neeg tej hnyuv, uas feem ntau txheeb tau ntawm tej yoov ntawm teb chaws Brazil.
Ces cov kev tshawb fawb no thiaj pom tias tej yoov no tej ceg thiab tej tis yog qhov chaw uas muaj tej kab mob ntau tshaj plaws.
Thiab tej kws teeb txheeb no tseem muaj ib cov kev ceeb toom tias yeej tsis tshua muaj cov kev kub siab txog tej yoov cov kev muaj peev xwm kis tau kab mob, thiab tej zaum kuj yuav ua rau muaj kab mob sib kis tau sai heev tuaj yog muaj ib co xwm txheej sib kis kab mob dab tsi thiab.
Tab sis professor Marcel Klaassen ntawm tsev kawm qib siab Deakin University ntawm Melbourne uas ua cov kev teeb txheeb txog tej ecology thiab tej kab mob hais tias tsis ua rau nws txhawj xeeb dab tsi.
Professor Klaassen hais tias ''Yeej tau muaj ntau cov kev teeb txheeb tau txheeb tau tej kab mob ntau yam thiab tej virus ntau yam hauv tej hnyuv thiab peb lub cev, thiab yeej muaj tej kab mob no ntawm tej yoov tib yam thiab.''
Tab sis yog thaum tham txog cov kev sib kis kab mob lawm, ces tseem yuav tau txheeb txog ntau yam muaj feem cuam tshua ntxiv thiab.
Ib yam ntawd ces yog seb tej yoov ho kis tau tej kab mob 'ntau npaum li cas'.
Nws hais tias “Tej zaum ib tug yoov twg ib txhais ceg twg los yog ib sab tis twg yuav tsis muaj peev xwm kis tau kab mob thiab.''
Qhov tseeb tiag ces tej tsiaj muaj sia uas meem txom heev no kuj yuav yog tej yam uas peb muaj peev xwm siv los tawm tsam nrog tej kab mob bacteria uas twv nyom tshuaj tua kab mob thiab.
Professor Klaassen hais ntxiv tias “Kom peb nco txog qhov tseeb tias peb yeej siv tej kas uas yog yoov tej me nyuam coj los kho tej kab mob bacteria uas nyaum heev uas tej tshuaj tua kab mob tsis muaj peev xwm kho tau los sis siv tsis tau hauj lwm lawm thiab.”
Tej kws teeb txheeb ntawm teb chaws Meskas los yeej pom zoo thiab tias tej zaum yoov kuj yuav tsis yog tej yam dab tsi phem tas mus li thiab, li lawv tau qhia tias tej zaum yoov kuj yuav yog ib co drones uas muaj peev xwm ua ib co warning system rau peb xub paub ua ntej txog ntau yam kab mob thiab.
Nyob rau ib tsab ntawv xov xwm yeej hais tias, tej yoov yeej yog cov muaj peev xwm heev rau cov kev recylcle tej zaub mov, yog cov tov tej paj xyoob paj ntoo thiab tej nroj tsuag ib txwm muaj ntawm teb chaws no, yog cov tswj tej kab tej ntsaum uas yuav tsim teeb meem rau tej nroj tshuag xyoob ntoo, yog cov pab kom tej av zoo, thiab yog cov pab kom tej dej zoo, tsis tas li ntawd los kuj yog ib co zaub mov rau tej noog thiab tej tsiaj tsis muaj pob txha nrob qaum uas muaj txiaj ntsim ntau yam thiab.
Dr Julie thiaj hais tias “Thiab yog tias tag nrho li tej hais no tseem ua rau yus tsis nyiam tej yoov no thiab, ces kom yus xav txog nqe tias - yoov yog cov tov tej paj ntoo Theobrama cacao uas yog ib yam ntoo uas siv coj los ua chocolate noj lawm, ces yeej pom tias yoov yeej muaj kev cuam tshuam nrog tej chocolate thiab, yog tsis muaj yoov lawm ces ntshe peb kuj yuav tsis tau chocolate uas peb nyiam noj heev noj lawm thiab.”
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau los yog caum
