Lub koom haum Australian Dental Association (ADA) tab tom nqua hu kom tsoom fwv Australia tsim cov program Seniors Dental Benefits Scheme coj los pab rau tej laus vim tau muaj tej laus hnoob nyoog tshaj 65 xyoos raug coj mus kho mob ntawm tsev kho mob coob tuaj ntxiv cuam tshuam txog cov kev mob hniav lawm.
Dr Angie Nilsson uas yog ib tug neeg ntawm lub koom haum ADA thiaj hais tias ''Yeej muaj ntau yam pov thawj qhia tias tam sim no yeej muaj kev sib cuam tshuam ntawm cov kev tau txais kev noj qab nyob zoo rau yus lub qhov ncauj thiab yus tej kev noj qab haus huv. Piv txwv li tej zaum cov kev mob hniav kum yuav ua rau muaj teeb meem rau tej mob ntshav qab zib, mob plawv thiab. Thiab xav kom peb tso tseg tsis txhob muab tej kev noj qab haus huv rau qhov ncauj cais tawm ntawm lwm cov kev noj qab haus huv.''
Ces yog tias tsim tau cov kev pab cuam no coj los siv tiag ces yuav ua rau tej neeg tau cov concession card tau siv cov nyiaj rho hniav 2 xyoos twg tshaj li $1,100 suav tej laus neeg hnoob nyoog tshaj 75 xyoos nrog thiab.
Adam Bandt uas yog tus coj pab nom Greens los yeej nqua hu los ntev kom zej tsoom sawv daws tau siv cov kev rho hniav no tshaj qub ntxiv thiab.
Nws hais tias ''Tos tej neeg pheej tsis ntsib kws rho hniav los vim tsis muaj peev xwm them. Thaum xyoo 2010 uas pab nom Green tseem yog pab nom me hauv tsev tsoom fwv ces peb kuj tau nrog xyuas kom tej me nyuam yaus tau rho hniav. Yog li lub caij muaj cov kev nqua hu ntau tuaj ntxiv kom tej laus tau siv cov kev rho hniav no, peb thiaj xav kom muab cov kev rho hniav no zwm nrog Medicare kom sawv daws tau siv.''
Lub tswv yim no kuj tsis yog ib lub tswv yim tshiab dab tsi, vim raws li Royal Commission cov kev mus txheeb txog cov Aged Care, Quality and Safety ces yeej tau muaj cov kev taw qhia kom ua tej no. Tsis tas li ntawd los raws li tsev kis xeev siab ib tsab ntawv cej luam ua tau sau kheej los kuj hais kom muaj tej kev pab cuam sib xws li no xyoo 2023 thiab.
Raws li Parliamentary Budget Office kws yees ces yuav siv nyiaj rau cov hauj lwm pab tej laus rho hniav Seniors Dental Benefits Scheme txog li $1.14 billion xyoo 2025-26 thiab siv txog li $1.16 billion xyoo txuas ntxiv.
READ MORE
Teev cov kev rho hniav nrog Medicare
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
