Australia yeej yog ntiaj teb ib lub teb chaws uas muaj tej ntug hiav txwv zoo nkauj heev. Tab sis yog tej yam tsis muaj hmoo uas tej ntug hiav txwv no tseem yog ib cov chaw ua rau muaj kev phom sij rau tej neeg sawv daws txoj sia thiab. Tsaib no ntawm teb chaws Australia no twb tau muaj neeg nruam sim los ntawm cov kev poob deg txog li 276 leej lawm, uas yog muab piv ua feem pua rau xyoo dhau los ces twb muaj neeg poob deg ntau ntxiv tuaj txog 10% diam.
Cov neeg tsiv teb tsaws chaw yog cov neeg yuav raug tau teeb meem phom sij tau.
Feem ntau yeej yog cov neeg tsiv teb tsaws chaw tuaj tau tsis ntev hauv teb chaws Australia los yog cov neeg nyuam qhuav tuaj txog tshiab no yeej yog cov neeg poob deg ntau dua. Thiab raws li lub koom haum the tau muaj ib cov kev tshuaj ntsuam tej xwm txheej poob deg rau lub sij hawm 10 xyoo dhau los no ces lawv txheeb tau tias tau muaj tej neeg poob deg tas sim neej txog li 27% yog cov neeg yug txawv teb chaws uas tuaj nyob hauv teb chaws Australia no. Cov laj thawj tseem ceeb uas pheej ua rau muaj teeb meem phom sij rau tej neeg no thaum lawv mus ua si rau tom tej ntug hiav txwv ces twb vim yog lawv tsis paub ua luam dej.
Raws li Stacy Pidgeon ntawm lub koom haum pab cawm neeg poob deg thiab pab kom tej neeg tau txais kev nyab xeeb cuam tshuam txog dej (Royal Life Saving Society Australia) tau qhia ces nws hais tias:
Peb paub tias tej neeg no yeej ib txwm tsis tau mus ua si nrog tej dau tas mus li. Txawm tias yeej tau muaj neeg coob heev uas tuaj ntawm ntau lub teb chaws uas tsuas siv dej los ua ib yam hauj lwm dab tsi los yog siv ua ib yam dab tsi xwb, yog li ntawd thaum lawv tuaj txog Australia lawm ces lawv xav mus koom Australia tej pej xeem txoj kev ua lub neej thiab tab sis yeej tsis paub thiab yeej tsis muaj tej txuj ci los pab kom lawv tau txais kev nyab xeeb thaum lawv mus kov dej hlo li.
Gurnam Singh yog tus teeb tsa lub koom haum the , uas pab pej kum haiv cov tub kawm kom muaj kev lom zem hauv teb chaws Australia qhia tias yeej tseem muaj ib txhia neeg tuaj tshiab cov kev tsis paub tab ua rau muaj teeb meem phom sij cuam tshuam tau rau lawv txoj sia thiab.
Tsis yog cov kev ua luam dej nkaus xwb, tab sis yeej tseem muaj ib txhia neeg txhob txwm mus rau tom tej dej hiav txwv es mus yees duab rau lawv tus kheej thiab. Zoo li tsaib no tau muaj ib cov xwm txheej uas tau muaj ib tug neeg tau mus ua li no tab sis vim nws mus tau rau qhov chaw dej tob heev ces thiaj ua rau nws tas sim neej lawm.
Tsis tas li no los zej tsoom sawv daws cov kev haus dej haus cawv tseem yog ib co txuam thawj tseem ceeb ua rau muaj neeg poob deg tas sim neej ntau tuaj ntxiv lawm thiab.
Cov kev mus nuv ntses tom tej ntug dej uas muaj tej pob ze, dej ntas thiab tej chaw nplua kuj yog ib co chaw phom sij heev thiab.
Rock fishing los yog cov kev mus nuv ntses tom tej ntug hiav txwv uas muaj tej pob zeb thiab cov nthwv dej ntsawj muaj ceem heev ntawd yog ib cov kev ua si uas tej neeg zejzog tsiv teb tsaws chaw nyiam mus ua si heev, thiab raug teev tias yog ib co kev ua si uas raug kev phom sij ntau tshaj plaws hauv teb chaws Australia no.
Txhua txhua xyoo ces yeej muaj teeb meem cuam tshuam rau cov nthwv hiav txwv uas siab heev rau lub caij dej nce siab tuaj los yog tej ntug hiav txwv uas nplua ntawd yeej tau ua rau muaj tej neeg tsis paub txog tej xwm txheej no zoo coob leej ntau tus tau tas sim neej lawm thiab.
Daim video hauv qab no qhia txog huab cua thiab cov nthwv dej rau koj paub kom koj tau txais kev nyab xeeb rau lub caij koj yuav mus nuv ntses.
Pidgeon hais tias peb thiaj xav qhia thiab txhawb nqa kom tej neeg sawv daws yuav tsum hnav cov tsho cawm siav (Life jacket) txhua lub caij uas lawv mus nug ntses, tsis hais yuav caij nkoj los yog mus raws tej ntug hiav txwv uas muaj pob zeb ntawd. Vim yus yeej tsis paub li tias xyov thaum twg yus yuav npleem taw ntog los yog poob rau hauv dej li, yog li ntawd lub life jacket thiaj yuav muaj peev xwm pab cawm tau yus txoj sia.
Yuav ua li cas thiaj tau txais kev nyab xeeb thaum koj twb nyob hauv dej lawm los yog nyob ib puag ncig tej dej ntawd
Clinton Rose yog tus tswj ntau cov ntug hiav txwv rau lub zos the Northern Beaches Council ntawm xeev New South Wales. Nws hais tias yeej muaj ntau yam sawv daws muaj peev xwm ua tau coj los pab kom peb tau txais kev nyab xeeb rau lub caij peb ua luam dej ntawd xws li:
Tsis txhob mus ua luam dej rau ntu hiav txwv uas tsis muaj cov chij daj thiab liab txhos rau, thiab xav kom sawv daws yuav tsum tau ua tib zoo xyuas kom tsuas ua luam dej rau ntu nruab nrab uas muaj 2 tug chij txho rau nkaus xwb. Tsis tas li no los yuav tsum tau qhia tej no rau lwm tus kom paub thiab yuav tsum tau mus kawm thiab xyaum kom paub ua luam dej mas thiaj yuav pab kom yus tau txais kev lom zem vim yus yeej paub ua luam dej lawm.
Nws tseem hais ntxiv tias yog yus tsis paub tias xyov puas yuav tau txais kev nyab xeeb rau yus thaum yus mus da dej ntawd ces xav kom mus nrog cov neeg cawm neeg poob deg tham rau tom tej ntug hiav txwv. Nug kom lawv qhia tias thaj chaw twg yuav muaj tau teeb meem phom sij thiab tsis tsim nyog ua luam dej los yog tsim nyog ua luam dej rau ntu twg.
Daim duab no qhia tias xyuas koj koj thiab koj tej neeg zejzog tau txais kev nyab xeeb thiab tsis txhob poob deg. Thiab muaj 4 yam tsim nyog yuav tau ua xws li 1) Saib xyuas koj tej me nyuam thaum ua luam dej, 2) Hnav cov tsho cawm siav (Life Jacket), 3) Txhob haus cawv los yog siv yaj yeeb txhaum cai rau lub caij koj mus ze dej los yog ua luam dej, 4) Kawm kom paub pab cawm neeg txoj sia (First aid thiab Lifesaving skills).
Cov txheej txheem ua raws kom koj tau txais kev nyab xeeb thaum ua luam dej (Royal Life Saving Australia) Source: Royal Life Saving Australia
Yuav ua li cas rau lub caij muaj xwm txheej kub ti tes ti taw (Emergency)
Cov kev poob deg no yeej tshwm sim tau sai heev-ib tug neeg muaj hnoob nyoog lawm muaj peev xwm tsis nco qab rau lub sij hawm ib ntiag tiv (1 minute) tau-thiaj yog tej yam tseem ceeb heev uas yuav tau tswj yus tus kheej kom tus tus thiab thov kev pab cuam kiag tam sim ntawd.
Rose hais tias thawj yam yus yuav tsum tau ua ces tsis txhob ntshai thiab tsis txhob ceeb, vim yog thaum yus ntshai lawm ces yuav ua rau yus fuas ntuj fuas teb thiab ua rau yus qaug zog, tsis tas li ntawd los yuav tsis tau oxygen txaus pab rau yus lub paj hlwb thiab ces yuav ua rau yus feeb tsis meej tsis pom qab yuav ua li cas lawm. Yog li ntawd qhov zoo tshaj plaws thiaj xav kom yus yuav tsum tswj yus lub cev kom ntxeev tiaj thiab ntab twj ywm saum nplaim dej kom zoo npaum li qhov yus muaj peev xwm ua tau, txuas ntxiv ntawd ces tsa yus txhais tes rau saum ntuj thiab qw thov kev pab cuam. Yog li thiaj tsis xav kom tej neeg txaj muag thaum lawv raug teeb meem tab sis ua tib zoo xyuas kom yuav tsum thov tau kev pab cuam thaum tseem ntxov pab rau yus.
Resources
Koj muaj peev xwm mus download tau lub dawb coj los siv thiab yeej muaj xov xwm qhia ua 72 hom lus rau sawv daws siv. Ntawm lub app no yuav muaj ntau yam xov xwm qhia txog cov neeg mus saib tej ntug hiav txwv rau thaum twg, muaj tej chaw rau sawv daws siv li cas, muaj teeb meem dab tsi, qhia txog tej huab cua, cov nthwv dej thiab dej nce siab tuaj dej nqe thaum twg qhia rau koj paub ntawm lub app no.
Tsis tas li no koj tseem muaj peev xwm msu txheeb xyuas tau lub koom haum Surf Life Saving Australia lub vas sab uas yeej muaj ntau yam xov xwm qhia rau koj ua ntau hom lus, uas muaj cov kev taw qhia tseem ceeb rau koj rau thiab .
Mloog tau cov xovxwm tshaj tawm rau ib hnub twg, cov zaj xovxwm, thiab cov zaj lus nrog tej qhua tshwj xeeb tham ua lus Hmoob thiab lub Askiv tau raws li hauv qab no:
READ MORE
Pawg seev cev zeb tsim nuj
READ MORE
Qhia ntawv Hmoob
READ MORE
Cov nqaij yug ntawm laboratory
READ MORE
Tsev tsoom hwv cov cai txo se 2019
READ MORE
Txo se rau tej neeg ntiag tug
