ཐེངས་དང་པོར་AIཡིས་བཟོས་པའི་ཡིག་ཆ་དང་། བརྙན་འཕྲིན། པར་རིས། སྒྲ་བཅས་ཆབ་སྲིད་ཀྱི་འོས་བསྡུའི་ལས་འགུལ་ནང་དུ་འཛུལ་ཡོད།
རྒྱ་གར་ནང་འོས་ཤོག་འཕེན་མཁན་གྱི་སྤྱི་ཚོགས་དྲ་རྒྱའི་ཐོག་ལ་ཆབ་སྲིད་ཚོགས་པ་ཁག་ལ་རྒྱབ་སྐྱོར་བྱེད་མཁན་གྱི་བོལ་ལི་ཝུཌ་འཁྲབ་སྟོན་པ་ཚོའི་རྫུན་གཏམ་གཏིང་ཟབ་པོ་ཐོན་ཡོད།
གཏིང་ཟབ་པའི་རྫུན་གཏམ་དབྱེ་ཞིབ་སྡེ་ཚན་གྱི་འགོ་ཁྲིད་པམ་པོ་ཤི་རའི་ན་ཡིས་ "ཁོང་ཚོའི་སྒྲ་དེ་བསྒྱུར་བཅོས་བྱས་པ་དང་། གནས་ཚུལ་འགའ་ཤས་ནང་ཁོང་ཚོས་བརྙན་འཕྲིན་ཐོག་མའི་ནང་བཤད་པ་ལས་ཡོངས་སུ་བསྒྱུར་ནས་ཁོང་ཚོས་ཚོགས་པ་གཅིག་ལ་རྒྱབ་སྐྱོར་བྱེད་ཀྱི་ཡོད་པའི་རྣམ་པ་བསྟན་ཡོད།"
དེ་དང་དུས་མཚུངས་ཨ་རིའི་ནང་སོ་ཝེ་ཡའི་དམག་དཔོན་གྱི་གྱོན་ཆས་གྱོན་པའི་ཀ་མ་ལ་ཧ་རིས་ཀྱི་མིས་བཟོས་རིག་ནུས་ལས་བཟོས་པའི་པར་རིས་ཤིག་ཁྱབ་ཆེ་བར་ཁྱབ་སྤེལ་བྱུང་བ་དང་། ཕེག་ཆི་ཀེ་ཌོ་ཡི་འགན་འཛིན་རྩོམ་སྒྲིག་པ་ཨ་ན་མ་རི་ཡ་ཁཱ་ར་ནོ་ཡིས་ "ཧི་སི་པེ་ནིག་གི་སྤྱི་ཚོགས་ཀྱི་གནད་དོན་ལ་ལྟོས་ན་ལེ་ཊིན་ཨ་མི་རི་ཀའི་མི་མང་པོ་ཞིག་ལ་དབང་འཛིན་སྲིད་གཞུང་དང་འབྲེལ་བ་ཧ་ཅང་མི་འདྲ་བ་ཡོད། དེར་བརྟེན་འབྲེལ་བ་དེ་འདྲའི་སྐོར་ལ་ཉམས་མྱོང་དང་ཁས་མི་ལེན་པ་མི་འདྲ་བ་ཡོད།"
ལེའུ་འདིའི་ནང་ SBS Examines ཡིས་རྒྱ་གར་དང་ཨ་རིའི་རྒྱལ་ཁབ་ལ་ཁ་ཕྱོགས་ནས་མིས་བཟོས་རིག་ནུས་ཀྱིས་གནས་ཚུལ་ནོར་འཁྲུལ་བཟོས་པ་དེས་ཁོང་ཚོའི་འོས་བསྡུ་ལ་ཤུགས་རྐྱེན་ཇི་ལྟར་ཐེབས་ཡོད་མེད་ལྟ་རྒྱུ་ཡིན།
