Ces thiaj yuav los txheeb tej card surcharges uas muaj hom phiaj yuav los txo tej nqe ntau yam rau tej lagluam me thiab tej customers rau lub caij uas tsoom fwv teb chaws hawv tias yuav txwv kiag tam sim no tsis pub tsub tej nqe no rau cov kev siv tej debit cards.
Lub koom haum Australian Competition and Consumer Commission (ACCC) thiaj yuav tau nyiaj ntxiv $2 million coj los txheeb tej nqe cuam tshuam txog cov kev tsub nqe rau tej debit thiab credit cards.
Lub caij uas pab nom Labor tseem ntisb tej teeb meem nuj nqes siv ua lub neej uas yuav muaj cov kev xaiv tsa xyoo tom ntej no, tsoom fwv tau qhia tias nws yuav npaj ib co tswv yim los pab tej cuab yig daws tej xwm txheej no.
Treasurer Jim Chalmers tau hais tias nws tus tsoom fwv tau npaj yuav txwv tsis pub tsub cov debit card surcharging txij xyoo 2026 no mus, rau lub caij tseem sab laj nrog Reserve Bank of Australia (RBA).
Treasurer Jim Chalmers xav txwv tsis pub tsub tej nqe surcharges rau cov kev siv tej debit cards. Source: AAP / Mick Tsikas
Ntau hli dhau los ces Andrew Irvine uas yog tus coj lub txhab nyiaj National Bank .
Nws tau haias tias yeej tau siv tej nqe surcharges tau 20 xyoo dhau los lawm, thiab Australia ''ob co lagluam los yeej tau loj hlob huam vam sai heev lawm.''
Thawj pwm tsav Anthony Albanese tau hais tias tsoom fwv tau tau tab tom tos kom RBA ua nws cov hauj lwm kom tias tso.
Nws tau hais tias ''Kuv tus tsoom fwv ib co hauj lwm uas yuav xub tau kub siab ua tshaj plaws ces yog pab kom tej cuab yig thiab tej lagluam tau kev tso pa me ntsis rau tej nuj nqe siv ua lub neej thiab tej nqe siv ua lagluam, uas tej no kuj yog ib kauj ruam ntxiv coj los pab pov puag neeg Australia.''
Dr Chalmers tau hais tias cov kev los txheeb tej hauj lwm no muaj lub hom phiaj yuav pab kom tau txais txiaj ntsim zoo dua rau tej neeg thiab txhawb nqa kom muaj cov kev sib tw lagluam ntau ntxiv rau cov payments system.
Nws tau hais tias "Tsis tsim nyog yuav rau txim rau tej neeg yuav khoom siv cov kev siv debit/credit cards los yog siv cov digital payments, thiab ua ke no los tej lagluam me tsis tsim nyog yuav tau them tej nqe kim kom thiaj them tau nyiaj rau lawv.''
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download thiab kom koj mloog tau SBS Hmong.
