Tau muaj ib co kev teeb txheeb tsis ntev los no tau qhia tias ntau caum xyoo ntxiv no yuav muaj neeg mob tus kab mob cancer tawv nqaij ntau tshaj lwm yam kab mob cancer ntawm teb chaws Australia. Australia tej pej xeem los laus zuj zus tuaj ntxiv thiab yog cov neeg uas tej tawv nqaij tsis haum rau tej huab cua kub sov. Ntxiv ntawd los Australia tseem yog lub teb chaws uas nyob ze txoj kab hnub (Equator) thiab. Ces thiaj ua rau Australia yog ib lub teb chaws uas muaj neeg raug ntsuam tau tias mob cancer tawv nqaij ntau tshaj plaws hauv ntiaj teb. Tab sis ho muaj cov hom kab mob cancer tawv nqaij twg ntau dua thiab zoo li cas. Thiab ho muaj tej xub ke uas peb muaj peev xwm ua tau coj los tiv thaiv thiab pov puag peb tus kheej kom muaj cib fim mob tsawg zog.
Tim dab tsi peb thiaj mob cancer tawv nqaij
Tos teb chaws Australia yog lub teb chaws muaj neeg raug txheeb tau tias mob cancer tawv nqaij coob tshaj plaws hauv ntiaj teb los lub koom haum Cancer Council of Australia hais tias twb vim yog Australia yog lub teb chaws nyob ze txoj kab hnub (Equator) thiab teb chaws Australia los kuj muaj tej pej xeem tawv nqaij tsis haum tej huab cua kub sov heev ntawm teb chaws Australia thiab.
Lub koom haum no tseem hais ntxiv tias muaj 3 yam tseem ceeb ua rau tej neeg yuav muaj cib fim mob tau cancer tawv nqaij li ''raug tshav ntuj kub ziab, pheej mus ziab tshav kom tawv nqaij txho (tanning) thiab pheej siv tej twj solarium ziab kom tawv nqaij txho.''
Australia yog ib lub teb chaws nyob ze txoj kab hnub thiab tshav ntuj heev tsis tas li ntawd los tseem muaj tej neeg uas tej tawv nqaij tsis haum rau tej huab cua thiab (Cancer Council) Credit: Unsplash/Photologic
Australia yeej muaj cov UV (Ultraviolet ray) siab heev, tsuas nyog rau ntawm seb koj nyog rau thaj chaw twg, lub caij twg ntawm lub xyoo xwb, tab sis yog cov UV txog 3 lawm thiab koj tawm rau sab nraum zoo tsis pov puag yus dab tsi ces yus tej tawv nqaij yeej raug teeb meem lawm.Dr Selena Saykao, GP specialised in Dermatology.
Cov neeg twg yog cov yuav muaj cib fim mob cancer tawv nqaij ntau dua
Dr Saykao hais tias ''raws li tej statistics qhia ces yeej muaj Australia tej laus hnoob nyoog 70 xyoo txog li 70 feem pua yog cov raug ntsuam tau tias mob cancer tawv nqaij.''
''Txawm tus mob no mob rau tej laus muaj hnoob nyoog txij 50 txog 70 xyoo ntau dua los yeej muaj tej hlua hnoob nyoog 18 xyoo mob cancer tawv nqaij lawm thiab muaj tej hlua hnoob nyoog 20 tawm xyoo yog cov mob coob heev, thiab kuj muaj qho tus hnoob nyoog 30 tawm xyoo mob thiab.''
Yog li ntawd tsis hais laus los hlua li yog ''koj cov tawv nqaij raug ziab tshav kub hnyiab lawm'' ces koj yeej muaj cib fim yuav mob tau cov kab mob cancer tawv nqaij tau.
Dr Selena Saykao hais tias 'kom nrhiav duab ntxoov ntxoo nkaum thaum tawm rau sab nraum zoov, tsis li cas yuav tau hnav ris tsho ceg ntev npab ntev, tsom iav, koos mom thiab sunscreen pleev pab, los yog zoo tshaj ces tsis txhob tawm rau nraum zoo kom tsis txhob raug tshav ntuj kub ziab'. Credit: Pexels/Jack Granger
Pov puag peb tej tawv nqaij thaum peb tseem hluas, vim yog peb tsis kub siab pov puag peb thiab pheej ziab tshav kom tawv nqaij txho uas ib txhia xav tias zoo nkauj, ces thaum peb lau lawm ces yuav ua rau peb muaj cib fim mob tau cancer tawv nqaij.Dr Selena Saykao, GP specialised in dermatology.
''Tej neeg uas raug tshav ntuj kub ziab tawv nqaij, tej neeg uas mob cancer tawv nqaij, tej neeg muaj keeb kwm mob cancer tawv nqaij, tej neeg uas muaj caj ces mob cancer tawv nqaij, tej neeg tawv nqaij dawb, tej neeg plaub hau daj, qhov muag xiav, tej laus, tej neeg tawv nqaij txho li neeg Asia thiab Africa ces yog cov yuav muaj cib fim mob tau cancer tawv nqaij.''
Tej xub ke twg muaj peev xwm tiv thaiv thiab pov puag tau peb kom muaj cib fim mob tsawg
Dr Selena Saykao Thoj uas yog ib tug kws kho mob paub kho tej tawv nqaij hais tias muaj ntau txoj xub ke peb muaj peev xwm ua tau coj los pov puag peb tej tawv nqaij:
- Tsis txhob tawm mus rau nraum zoov.
- Hnav tsho npab ntev, ris ceg ntev, ntoo koos mom dav uas khwb peb ob lub pob ntseg, ntoo tsom iav, nrhiav duab ntxoov ntxoo nkaum tshav ntuj thaum tawm rau sab nraum zoov.
- Tej neeg ua hauj lwm nraum zoov ua yuav raug tshav ntuj kub ces kom hnav ris tsho npab thiab ceg ntev thiab ntoo koos mom thiab tsom iav thiab kom siv sunscreen pleev tas mus li.
- Yog peb tsis muaj peev xwm siv tau tej li hais sau toj no ces siv sunscreen SPF 30 los yog SPF 50 coj los pleev peb thiab nco qab ntsoov rov qab pleev ntxiv txhua txhua 3-4 teev tom qab pleev tag lawm.
Dr Selena Saykao hais tias 'raws li tau muaj ib co kev teeb txheeb ntawm Queensland ces pom tau tias tej neeg kuj xub pib pov puag tau lawv zoo thaum xub pib ib hnub twg tab sis yav lig ntawm ib hnub ces txawm tsis kub siab siv lub koom haum Cancer Counicl sob lus slip, slop, slap, seek thiab slide lawm. Thiaj xav kom peb nco ntsoov rov qab pleev sunscreen txhua txhua 3-4 teev twg dua ib zaug ntxiv rau thiab nco ntsoov pov puag peb tus kheej'. Credit: Pexels/Betul Ustan
Hom ob uas muaj ntau tshaj plaws yog Basal Cell Carcinoma (BCC). Hom cancer no ces su ua pob xim paj yeeb uas ib txhia pheej xav tias yog pob kab ntxau. Tab sis pheej tsis txawj zoo li, thiab pheej loj tuaj ntxiv. Nyob nyob cia li pom tshwm ntawm yus tej tawv nqaij ntev li ntawm ntau limtiam txog ib hlis.
Hom peb uas yog hom muaj ntau ua zaum ob ces yog cov hu ua Squamous Cell Carcinoma (SCC). Hom no ces pheej ib lub pob paj yeeb, los yog sawv ua ib thaj. Yog ib co pob uas mob heev, ces tej neeg thiaj kub siab heev txog. Yeej kov tsis tau li. Thiab yog hom uas kis tau ntawm ib thaj chaw twg mus rau lwm thaj chaw ntawm yus tej tawv nqaij thiab.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
